Matiyu 5:14 - Sabahagiꞌ Kitab Tawrat: Panagnaan ni Awwal Jaman maka Kitab Injil

¹⁴ “Damikiyan, kaam ina meꞌ sapantun sūꞌ marantaan pamiki jama supaya tatammu da Tuhan. Kaayaran bi takita leꞌ sikamimon meꞌ karuha daira bay pinatangge ni punsak buntuꞌ.

Matiyu 5:14 ပူးပေါင်းရင်းမြစ်များ

Yahiya 12:36

Sangkon, padpad masi luu mman bi sūꞌ looy, pitsayaꞌ na kam niiya supaya kaam pun dari siga sūꞌ meꞌ iya du.” Lupus si Isa siꞌ bay mitsala meꞌ looy, lay na baw ya palakka boꞌ yaꞌ na ya bay magpakita ni baanan jama ndooy.

Yahiya 5:35

“Si Yahiya ilay, sibuꞌ karuha na ka disu sūꞌ dantaꞌ banahan ninag ni jawom lindom. Sampay bay du kam pingkaꞌ gāk samantalaꞌ meꞌ dantaꞌ na.

Yahiya 8:12

Pag-anu, luu na baw disu waktu si Isa noan jama, yuk na, “Aku tu yana sūꞌ marantaan pamiki manusiyaꞌ. Soysoy mmeꞌ niyaku, yaꞌ na sila bagagap njawom lindom batan luu na sūꞌ da man da ngita lān pa kasampulnaan nyawa.”

Yahiya 9:5

Halloman ku masi luntuu ni junyaꞌ, aku na situ sūꞌ ma muwan dantaꞌ ni manusiyaꞌ.”

2 Korin 6:14

Siga danganakan, daa kam nibuuk dī bi ka jama ma yaꞌ pitsayaꞌ ni si Isa. Batan yaꞌ sina dari jama intong maglimbang ka jama ma ngalangga saraꞌ Tuhan. Dan jinis meꞌ halling, pooy meꞌ dantaꞌ kapagtibuuk ka lindom?

Pilipi 2:15

Meꞌ naa ina, tumatandaꞌ sutsiꞌ na kam maka anak Tuhan na kam ma yaꞌ luu sutsutan njataꞌ bi. Dari sabapan hāp kawul-piil bi sasang bi maglahat ka jama angkat-angkatan batnaa ma bingkok ka sabu, tadalil na sina kam pa siga potean ninag njawom lindom.

1 Tesaloneka 5:5

Meꞌ kaam ina sukuꞌ si Isa, lay na pinadantaan pamiki bi. Sangkon pataꞌ kam ginalla siga sukuꞌ dantaꞌ atawa siga sukuꞌ llaw. Yaꞌ na kam meꞌ sagannap ma yaꞌ toon Tuhan ma pataꞌ ginalla sukuꞌ lindom atawa sukuꞌ sangom.

Siga Pakaradjaan bay Pinalahil 1:20

Batnaa, palahil ku na ningkau kamaatunan siga potean sikapituꞌ ma bay takita nu ni kawnan ku sampay siga palitaan looy siꞌ sikapituꞌ ddas ka pananggehan da mmas. Na kuwan siga potean looy ilay siꞌ, tuwaꞌ pa pituꞌ pa-mmean ma ngantanan baanan sukuꞌ ku ndooy ni siga daira sikapituꞌ ma bay sabbut ku siꞌ. Kuwan siga palitaan looy ddas ka pananggehan da sikapituꞌ, tuwaꞌ pa pituꞌ baanan sukuꞌ ku ni siga daira looy.”

Siga Pakaradjaan bay Pinalahil 2:5

Kamura-murahan tabista bi du ehe pagbiddaan bay aseꞌ bi niyaku maruhuꞌ maka batnaa, boꞌ bi nawbat. Bong ina kam yaꞌ nawbat, pilu du sina ku, boꞌ lakkahan ku palitaan bi ddas ka pananggehan na.