Matiyu 5:1 - Sabahagiꞌ Kitab Tawrat: Panagnaan ni Awwal Jaman maka Kitab Injil

¹ Pag takita meꞌ si Isa ehe baanan ga jama patuhut niiya, ilooy ma lay ya pa taꞌ buntuꞌ boꞌ na ningkōꞌ. Kuwan ga mulit na, lay na kumpo-kumpo ni bihing na.

Matiyu 5:1 ပူးပေါင်းရင်းမြစ်များ

Matiyu 13:2

Na ndooy siꞌ, pagka sakiyan na jama kumpo ni bihing na, lay ya dutai sampay ningkōꞌ taꞌ bagung ma tapit ni bihing. Kuwan baanan ga jama looy siꞌ tu, lay na jaꞌ ndooy ni tapiyan pakale niiya.

Matiyu 15:29

Na pag lakka ga si Isa man lahat looy, lay na baw sila lumān nusu bihing Danaw Jalil, boꞌ da patukad taꞌ disu punu. Takka ndooy, lay si Isa ningkōꞌ.

Matiyu 4:25

Dari yaꞌ hallom, luu na patuhut niiya sakiyan jama lakka man Jalil, man Dekapolis, man Jerusalem ka sikaliput Yahudiya, sampay man siga lahat ndooy ni dambilaꞌ Sōng Juldan.

Matiyu 5:2

Pag-anu, lay na ya nagnaꞌ noan baanan ga jama ndooy, yuk na,

Malkus 3:13

Na paddus mandooy, lay na baw si Isa nukad punu maka luu du bay boo na sagannap ma karomanan na mmeꞌ niiya.

Malkus 3:20

Pag-anu, lay na baw si Isa ka ga rasul na pilay pa disu lumaꞌ man da pahantiꞌ. Ndooy siꞌ, meka na baw jama kumpo-kumpo pabalik sampay yaꞌ na san luu masa man ga si Isa kasakap mangan.

Malkus 4:1

Pag-anu, lay na baw balik si Isa nōꞌ ndooy ni bihing Danaw Jalil. Sugaꞌ pagka sakiyan na jama ngandogsog iya, lay ya dutai ningkōꞌ taꞌ bagung ma tapit pa bihing. Kuwan baanan ga jama looy siꞌ tu, lay na jaꞌ ndooy ni tapiyan pakale niiya.

Lukas 6:12

Na luu jaꞌ daka dangoy ngallaw, lay si Isa nukad punu boꞌ na maku duwaa pa Tuhan pupus dambahangi.

Lukas 6:17

Pag lupus, lay na ga si Isa ka ga rasul na palūd. Pag takka da ni kapantayan, meka na mulit na bay nampang iya ndooy. Maka luu na du ndooy sakiyan jama lakka man sikaliput Yahudiya ka Jerusalem. Maka luu du jama man Tayil ka Saydon, yana duwa daira ndooy ni bihing tapiyan.

Lukas 6:20

Pag-anu siꞌ, lay na baw si Isa paawop pa mman sagannap ndooy ma mmeꞌ niiya, boꞌ na halling, “Njawom supaat kaam ma miskin batan kapakaam pamarinta Tuhan.

Lukas 9:28

Na pag luu jaꞌ siꞌ ga wawuꞌ ngallaw bay pingkaꞌ, lay na baw si Isa nukad punu maku duwaa pa Tuhan. Maka luu du bay boo na ga si Pitel, si Yahiya, ka si Yaꞌkub.

Yahiya 6:15

Pag tabista si Isa luu niyat ga baanan looy ngalogos iya binuwat sultan da, lay ya magti lakka, boꞌ na lay pa dambilaꞌ punu looy dangan-dangan na.