Matiyu 4:24 - Sabahagiꞌ Kitab Tawrat: Panagnaan ni Awwal Jaman maka Kitab Injil

²⁴ Dari siꞌ habal pasal si Isa lay na magkanatan ni sikaliput lahat ngabut sampay pa Siriya. Sangkon, meka na jama bay moo soheꞌ da ma sakihan pa mman na. San gi oy saki da, minsan jama sineytan, jama binilaw-bawi, jama matoy baran da, lay jaꞌ du kaulian meꞌ na sikamimon.

Matiyu 4:24 ပူးပေါင်းရင်းမြစ်များ

Matiyu 12:22

Pag-anu siꞌ, luu na baw disu lalla buta ka umaw leꞌ seytan binoo pa mman si Isa. Iya siꞌ tu lay du kaulian meꞌ si Isa sampay ngita na ya maka kabitsala na.

Matiyu 14:1

Na jaman looy du siꞌ, kuwan si Herod, yana gubnul ndooy ni Jalil, lay du kaakahan pasal siga pakaradjaan bay pabuwat si Isa.

Matiyu 15:22

Ndooy siꞌ, luu disu danda bangsa Kanan lay pilay pa mman si Isa nganjunjung, yuk na, “Ū Tuwan, panubuꞌ Sultan Daud, panimbangan doꞌ ku sabap tud malasahi la anak ku bay inasok meꞌ seytan.”

Matiyu 17:15

sambayan na halling, “Tuwan, panimbangan doꞌ anak ku. Tud malasahi ya meꞌ bilaw-bawi na. Kansang na ga ya habbaꞌ ni jawom api atawa labuꞌ pa jawom boheꞌ.

Matiyu 17:18

Luu jaꞌ siꞌ, lay na sohoꞌ si Isa seytan njawom baran anak-anak looy pōꞌ. Dari lay du pōꞌ sampay magti kaulian na anak-anak looy.

Matiyu 4:23

Lakka mandooy siꞌ, lay na baw ga si Isa ngalataan Jalil magnasihat ni kalangga-langgahan ndooy sampay masaplag umanat mahap pasal pamarinta Tuhan. Maka san gi oy jinis saki jama, lay du inulian meꞌ na.

Matiyu 8:28

Pag takka da pa dambilaꞌ danaw, lay sila parungguꞌ ni lahat jama Gadara. Ndooy siꞌ, luu na baw pasōng pa mman si Isa duwa lalla sineytan. Man da tamban, ndooy ni tagan kakubuhan sadjaꞌ. Tud kamula sila sampay yaꞌ na ga luu jama nawakka pingkaꞌ mandooy.

Matiyu 8:33

Pag takita meꞌ siga tukang ngipat bawi looy meꞌ looy, magti sila sonse pa daira. Pag takka da, lay sila nuntut mimon ma bay tasakup da sampay na pasal siga lalla looy ma bay sineytan.

Matiyu 8:6

yuk na, “Tuwan, tulungun doꞌ ku. Luu la ndooy ni lumaꞌ kami tindog ku matoy baran na. Tud malasahi ya.”

Matiyu 9:26

Dari aka pasal bay pabuwatan si Isa magti lay na magkanatan ni sikaliput lahat looy.

Matiyu 9:35

Pag-anu, lay na baw si Isa ngalataan siga daira ka kakawum-kawman ni dile magnasihat ni siga kalangga-langgahan ndooy. Lataꞌ na man na masaplag umanat mahap pasal pamarinta Tuhan. Maka san gi oy jinis saki jama, lay du inulian meꞌ na.

Malkus 1:28

Dari aka siꞌ pasal iya magti bay magkanatan ni sikaliput Jalil.

Malkus 1:32

Pag taabut sumaddop llaw, meka na jama sakihan sampay sagannap ma sineytan bay binoo pa mman si Isa.

Malkus 2:3

luu na baw takka mpat jama ngalanggung disu lalla matoy baran na ddas ka patulihan na.

Malkus 2:4

Ni kaeka manusiyaꞌ baw siꞌ tu ndooy, yaꞌ na san kapassut siga lalla looy sika-mpat pa mman si Isa. Dari bbuwatan da, lay dutai pa taꞌ sapaw ngalakkahan kasohean lambahan sapaw man da mapassut lalla looy. Pag-lupus, lay na tonton da lalla looy ddas ka patulihan na.

Malkus 2:9

Sugaꞌ subay siꞌ tabista bi pagka luu kawasa-kapatut ku ngulian jama, mastiꞌ luu du kawasa-kapatut ku muwasan dusa.

Lukas 2:2

Na ilooy ilay siꞌ yana sinsus sibuwa ni kalahat-lahatan looy. Maka ilooy na du silay masa man Gubnul Kiriniyus marinta ndooy ni Siriya.

Lukas 4:14

Na paddus meꞌ looy, lay na pabeleng si Isa pa Jalil. Boꞌ luu na pin kawasa Rū Sutsiꞌ njataꞌ na. Dari song hallom, habal pasal iya lataꞌ na ni sikaliput Jalil sampay ni mimon lahat ma ngaliput ndooy.

Lukas 4:38

Na pag lakka ga si Isa man langga looy, lay sila pilay pa lumaꞌ si Saymon. Pag asok da, luu ndooy matoa si Saymon ma danda biddaꞌ na basag lammun na. Dari lay sila maku tulung ni si Isa nohoꞌ ngulian iya.

Lukas 5:15

Sugaꞌ san lalla looy bay sinupali yaꞌ nohoꞌ maꞌ-māꞌ, masi du lataꞌ na lahat habal pasal kawasa si Isa. Dari yaꞌ na taambat baanan manusiyaꞌ bahuklud pa mman na pakale ni umanat na sampay nohoꞌ inulian.

Lukas 5:24

Na supaya katoonan bi luu kapatut ku, yana Anak Manusiyaꞌ, muwasan dusa, pakitahan ta doꞌ kam buktiꞌ.” Dari yuk na ni lalla looy ma matoy baran na, “Nges, nangge na ko, boꞌ boonun na patulihan nu moleꞌ.”

Lukas 7:17

Dari habal pasal bay kadarihan si Isa siꞌ lataꞌ na ni sikaliput Yahudiya sampay ni siga lahat ma ni bihing-bihing na.

Yahiya 10:21

Sugaꞌ yuk kasohean baw, “Bong bina jama sineytan, yaꞌ kabitsala meꞌ naa. Takaya seytan kina ngulian jama bay buta?”

Salsila siga Rasul 15:23

Isi suwat da meꞌ tuu: “Salam duwaa ningkaam man kami siga rasul ka ga pa-mmean ni baanan danganakan tabi ntuu ni Jerusalem. Itu suwat kami pa mman bi siga danganakan kami ma saꞌ Yahudi nnaa ni sikaliput Antiyok ka Siriya sampay ni Silisiya.

Salsila siga Rasul 15:41

Lakka man Antiyok, lay sila ngalataan Siriya ka Silisiya mataggu iman siga baanan sukuꞌ si Isa ndooy.

Salsila siga Rasul 28:9

Sabap meꞌ looy, bahuklud na pilay sagannap jama nusa looy ma sakihan nohoꞌ inulian ni si Pol. Boꞌ lai du kaulian sikamimon.

Salsila siga Rasul 8:7

Meka na jama ma sineytan lay na kaulian meꞌ si Pilip. Kuwan siga seytan da, kakillahapan na ga sasang da pōꞌ. Maka meka jama matoy baran da ka ga jama tongkaꞌ lay na du kaulian leꞌ na.