Matiyu 4:23 - Sabahagiꞌ Kitab Tawrat: Panagnaan ni Awwal Jaman maka Kitab Injil

²³ Lakka mandooy siꞌ, lay na baw ga si Isa ngalataan Jalil magnasihat ni kalangga-langgahan ndooy sampay masaplag umanat mahap pasal pamarinta Tuhan. Maka san gi oy jinis saki jama, lay du inulian meꞌ na.

Matiyu 4:23 ပူးပေါင်းရင်းမြစ်များ

Matiyu 11:5

Baan bi ya jama buta ngita na, jama tongkaꞌ kapalān na paayad, jama inipu kaulian na, ma bisu kale na, sampay jama bay matoy llum na. Maka jama miskin bohoꞌ da kagamgaman sabap luu na umanat mahap pinasaplag ninsila.

Matiyu 12:9

Pag lakka ga si Isa mandooy, lay sila pilay pa disu langga.

Matiyu 13:19

Bani looy ilay siꞌ yana umanat Tuhan pinasaplag. Kuwan tanaꞌ ni tangngaꞌ lān man bani looy bay tumiluꞌ, tuwaꞌ pa sagannap ma bay kale umanat Tuhan sugaꞌ yaꞌ tahati da. Dari takka du Ibilis boꞌ na ngandagmit umanat looy man jawom atay da.

Matiyu 13:54

boꞌ na pilay pa daira man na bay sulig. Ndooy siꞌ, lay ya magnasihat njawom langga da. Pag lay jaꞌ takale ga jamaa ndooy, tud bay inu-inu sila. Yuk da padisu-padisu, “Ninggai na la man na bay koleꞌ pangahati lawom meꞌ naa ka kawasa na mōꞌ pabuwatan kahaylan-haylan?

Matiyu 14:14

Pag dungguꞌ ga si Isa, ngita na ya sakiyan jama ngagad iya. Dari siꞌ, kapaluuy ya ninsila sampay lay na ulian na sagannap ma sakihan.

Matiyu 24:14

Na inawnan umanat mahap pasal pamarinta Tuhan, pinasaplag na pin sina mintu ni sikaliput junyaꞌ supaya luu na dapat mimon kabangsa-bangsahan ngahasi. Pag-anu, boꞌ takka na katapusan junyaꞌ.”

Matiyu 3:2

Pamakoy na bay pinabuwat ka bū untaꞌ maka kambot na kuwit sapiꞌ. Makanan na tompang ka gowaꞌ buwani. Ndooy siꞌ, wā ya masaplag ni siga jama ma bay pilay pa mman na, yuk na, “Nawbat na kam sabap tapit na katakka pamarinta Tuhan.” Na sabapan pabuwatan si Yahiya ilay siꞌ, lay na binakbul bay tunaꞌ Nabi Isaya, ilooy ma yuk na, “Luu sina mintu jama takale ngahowap ni lahat lau-lau, yuk na, ‘Saddiyahun bi na lān ni katakka Papuꞌ. Paintongun bi na mari tahan na patiluꞌ pa mman bi.’ ”

Matiyu 9:35

Pag-anu, lay na baw si Isa ngalataan siga daira ka kakawum-kawman ni dile magnasihat ni siga kalangga-langgahan ndooy. Lataꞌ na man na masaplag umanat mahap pasal pamarinta Tuhan. Maka san gi oy jinis saki jama, lay du inulian meꞌ na.

Malkus 1:14

Na song hallom, kuwan si Yahiya, lay na baw sinungkuban sampay lay na tajīl sabap meꞌ na bay nahawi Gubnul Herod pasal dusa na. Kuwan si Isa, lay na pabeleng pa Jalil masaplag umanat mahap man Tuhan,

Malkus 1:21

Pag-anu siꞌ, lay na baw sila pawus pa Kapelniyum. Pag taabut Llaw Pahali, lay si Isa pa langga maka lay gi ya magnasihat ndooy.

Malkus 1:39

Dari lay na ga si Isa palakka sampay lataꞌ na Jalil man na magnasihat ni siga langga ndooy. Boꞌ lay gi ya malakka siga seytan man jawom baran jama.

Malkus 3:10

Batan sagannap ma sakihan ndooy, pag ndaꞌ da ndang meka na bay kaulian meꞌ si Isa, palogos na pin sila papassūt bong pin ya tapurut da jaꞌ.

Malkus 6:2

Pag taabut Llaw Pahali, lay na baw ya pa langga magnasihat. Pag lay jaꞌ takale ga jamaa ndooy, meka sila bay inu-inu. Yuk dangan pa dangan, “Ninggai na la man lalla naa bay koleꞌ pangahati lawom meꞌ naa ka kawasa na buwat pakaradjaan kahaylan-haylan?

Lukas 10:9

Maka bong luu ndooy sakihan, ulian bi, boꞌ baan bi, ‘Luu na pamarinta Tuhan tapit mman bi.’

Lukas 13:10

Na pag taabut disu Llaw Pahali, sasang si Isa ni disu langga magnasihat,

Lukas 16:16

Yuk si Isa lagi, “Na halloman yaꞌ gi bay pōꞌ si Yahiya ma Tukang Mandi, bohoꞌ saraꞌ Nabi Musa sampay na mimon suwat kanabi-nabihan bay pinasaplag. Sugaꞌ labba man jaman si Yahiya ngabut sampay batnaa, luu na umanat mahap pasal pamarinta Tuhan pinasaplag. Maka manusiyaꞌ sikamimon, pinagbuli-bulihan na binoo paasok pa jawom okoman pamarinta na.

Lukas 20:1

Pag-anu siꞌ, disu llaw sasang si Isa noan jama ni langga mehe sampay masaplag umanat mahap, luu siga imam langkaw ka ga guru saraꞌ agama sampay ga matatoa bay pasōng pa mman na.

Lukas 4:14

Na paddus meꞌ looy, lay na pabeleng si Isa pa Jalil. Boꞌ luu na pin kawasa Rū Sutsiꞌ njataꞌ na. Dari song hallom, habal pasal iya lataꞌ na ni sikaliput Jalil sampay ni mimon lahat ma ngaliput ndooy.

Lukas 5:17

Na disu llaw sasang si Isa nōꞌ njawom lumaꞌ, luu du siga paki man palhimpunan Parisi ka ga guru saraꞌ agama ningkōꞌ ndooy pakale. Sila siꞌ tu lakka man kakawum-kawman ni Jalil ka Yahudiya, sampay man Jerusalem. Na si Isa siꞌ tu, luu na pin kawasa na man Tuhan nguliꞌ.

Lukas 6:17

Pag lupus, lay na ga si Isa ka ga rasul na palūd. Pag takka da ni kapantayan, meka na mulit na bay nampang iya ndooy. Maka luu na du ndooy sakiyan jama lakka man sikaliput Yahudiya ka Jerusalem. Maka luu du jama man Tayil ka Saydon, yana duwa daira ndooy ni bihing tapiyan.

Lukas 6:6

Pag luu na baw disu Llaw Pahali, lay na baw si Isa magnasihat ni disu langga. Ndooy siꞌ, luu disu lalla kimoy tangan na huwin pa kawnan.

Lukas 7:22

Tampung si Isa, “Pabeleng na kam, boꞌ baan bi jaꞌ si Yahiya bong oy bitsala bay takale bi niyaku sampay ma bay takita bi pabuwat ku. Baan bi ya jama buta ngita na, jama tongkaꞌ kapalān na paayad, jama inipu kaulian na, ma bisu kale na, sampay jama matoy pinakallum na. Maka luu na umanat mahap pinasaplag ni jama miskin.

Lukas 8:1

Yaꞌ hallom, lay na baw si Isa ngalataan siga daira ka kakawum-kawman masaplag umanat mahap pasal pamarinta Tuhan. Maka luu na du bay mmeꞌ siga mulit na sikasapu-duwa.

Lukas 9:11

Sugaꞌ pag taaka ga baanan jama lay na lakka ga si Isa, lay na sila patuhut. Pag taabut da si Isa, lay du sila hinasi meꞌ na sampay lay gi sila tinoan pasal pamarinta Tuhan. Maka soysoy ndooy sakihan, lay du ulian na.

Lukas 9:60

Pag tampung si Isa, lay ya ngandalil, yuk na, “Bbiyahun na ba sagannap ma matoy ngubu jama matoy. Boꞌ kau, sukuꞌ nu ngalataan lahat masaplag umanat mahap pasal pamarinta Tuhan.”

Yahiya 18:20

Pag tampung si Isa, “Aku ilay bay noan jama, wā ku mitsala njawom jama ni kalangga-langgahan sampay ni langga mehe, nnoy-nnoy man bangsa tabi kumpo-kumpo. Yaꞌ luu waktu ku bay noan jama sipuk-sipuk.

Yahiya 6:59

Na si Isa siꞌ bay magnasihat meꞌ looy sasang na ni disu langga ndooy ni Kapelniyum.

Yahiya 7:1

Paddus meꞌ looy siꞌ, ndooy sa ni kakawum-kawman Jalil bay palanan si Isa. Yaꞌ na ya bay pilay pa Yahudiya sabap siga pa-mmean Yahudi ndooy doman na jaꞌ mapatoy iya.

Salsila siga Rasul 18:4

Na tuktuk Llaw Pahali, pilay si Pol pa langga Yahudi. Ndooy siꞌ, daran ya magbilmaarup ka siga Yahudi sampay na bangsa Greek kawu-kawu taboo na na sila pitsayaꞌ ni si Isa.

Salsila siga Rasul 20:25

“Siga danganakan, kahapan lay na talataan ku lahat bi masaplagan kaam sikamimon pasal pamarinta Tuhan. Sugaꞌ batnaa, katoonan ku na ituu sa katapusan bi ngita aku.

Salsila siga Rasul 28:31

Boꞌ yaꞌ na ya bay paagak masaplag ninsila pasal pamarinta Tuhan sampay noan sila pasal Papuꞌ Isa Almasi. Maka halloman na ndooy, yaꞌ na luu bay naggaꞌ iya.

Suwat si Pol pa mman Baanan Sukuꞌ si Isa ndooy ni Rom 10:15

Maka yaꞌ du sina luu masaplag bong yaꞌ bay sinohoꞌ meꞌ Tuhan. Ni kapasal sila ma bay sinohoꞌ, yuk njawom kitab, “Tud kagak-gāk katakka sagannap ma moo umanat mahap pasal kasalamatan.”