Matiyu 3:11 - Sabahagiꞌ Kitab Tawrat: Panagnaan ni Awwal Jaman maka Kitab Injil

¹¹ Maka yuk si Yahiya lagi, “Luu gi sina pasunuꞌ niyaku tā biddaꞌ na langkaw kawasa-kapatut na man niyaku. Yaꞌ san ku tawop makkasan ingkot tumpaꞌ na. Aku tu mandi kaam ka boheꞌ jaꞌ tandaꞌ lay na kam nawbat. Boꞌ iya ina mintu, man na mandi kaam, Rū Sutsiꞌ ka api.

Matiyu 3:11 ပူးပေါင်းရင်းမြစ်များ

Matiyu 3:6

Ndooy siꞌ, lay na sila magsabanna ni baanan jama bay dusa da sampay nawbat. Pag-anu, boꞌ da pinandi meꞌ si Yahiya ndooy ni Sōng Juldan.

Malkus 1:4

Na tunaꞌ looy ilay siꞌ, lay na binakbul batan tud luu du bana bay pōꞌ sosohoan looy, yana si Yahiya ma Tukang Mandi masaplag ni lahat lau-lau yaꞌ maglumaꞌ. Yuk na, “Tawbatan bi na dusa bi, boꞌ bi pinandi mari kam inampun na meꞌ Tuhan.”

Lukas 1:17

Luu na pin sina mintu kawasa Rū Sutsiꞌ njataꞌ na meꞌ bay karuha kawasa njataꞌ Nabi Eliyas. Maka anak nu ina mintu paruhuꞌ man Papuꞌ manyap ni katakka na. Man sabapan tōꞌ anak nu, pinagsidambuwaꞌ atay na sina mintu siga mmaꞌ ka ga anak da. Maka sabapan tōꞌ anak nu ina mintu, meka na jama ma yaꞌ kuhi ngasip ni kahandak Tuhan, taboo na na ngikut pamiki jama intong tawhid da. Dari meka na jama saddiya ni katakka Papuꞌ.”

Lukas 3:16

Sugaꞌ yuk si Yahiya, “Luu gi sina mintu pasunuꞌ niyaku tā biddaꞌ na langkaw kawasa-kapatut na man niyaku. Yaꞌ san ku tawop makkasan ingkot tumpaꞌ na. Aku tu mandi kaam ka boheꞌ jaꞌ. Boꞌ iya ina mintu, man na mandi kaam, Rū Sutsiꞌ ka api.

Lukas 3:3

Dari poonan bay umanat Tuhan siꞌ ni si Yahiya, lay na ya ngalataan lahat ni sikaduwambilaꞌ Sōng Juldan masaplag. Halling na ni jama, “Tawbatan bi na mimon dusa bi, boꞌ bi pinandi mari kam inampun na meꞌ Tuhan.”

Yahiya 1:15

Iya na silay ilooy ma bay binitsala meꞌ si Yahiya jaman na bay mandi jama. Jaman looy siꞌ, lay si Yahiya ngahowap masaplag pasal iya, yuk na, “Ituu na situ ilooy ma bay bāꞌ ku pasunuꞌ man aku. Sugaꞌ ni sabana na, duhuꞌ gi silay ya man aku sabap yaꞌ gi ku bay pinamaddihan, ndang luu na ya.”

Yahiya 1:30

Iya na sina bay awnan ku ma pasunuꞌ niyaku. Sugaꞌ patingkat ya man aku batan yaꞌ gi ku bay pinamaddihan, ndang luu na ya.

Salsila siga Rasul 1:5

Ni bay jaman si Yahiya ilay, boheꞌ jaꞌ man na mandi jama. Sugaꞌ yaꞌ na du sina hallom, kuwan kaam, Rū Sutsiꞌ na man mandi kaam.”

Salsila siga Rasul 19:4

Pag halling si Pol, “Pandihan si Yahiya ilay yana sipat sadjaꞌ lay na tawbatan jama dusa da. Sugaꞌ si Yahiya ilay, lay gi du baw māꞌ subay jama pitsayaꞌ ni ilooy ma pasunuꞌ niiya. Ilooy ilay siꞌ ma awnan na yana si Isa na. Dari pagka luu na du si Isa bay pitu pa junyaꞌ, sapatut na, soysoy pitsayaꞌ niiya subay du pinandi ka pandihan na.”

Salsila siga Rasul 8:36

Sasang da palanja, lay na sila nakka disu lugar bohean. Pag-anu, yuk manijel looy ni si Pilip, “Alay la boheꞌ. Bong siꞌ kadarihan ningkau, pandihun doꞌ ku.”

Salsila siga Rasul 8:38

Dari lay na sohoꞌ manijel looy pinatagong kalesa na, boꞌ da duwai pa jawom boheꞌ looy, sampay lay na ya pinandi meꞌ si Pilip.

1 Korin 12:13

Lay na kitabi tinibuuk meꞌ Tuhan pa disu baran sa batan lay na kitabi saliꞌ-saliꞌ pinaasokan disu Rū, yana Rū Sutsiꞌ. Kasohean kitabi bangsa Yahudi, kasohean ssaꞌ, kasohean ata, kasohean ssaꞌ, sugaꞌ saliꞌ-saliꞌ kitabi bay pinaasokan Rū Sutsiꞌ.

Epesus 3:8

Sabana na, ni mimon sukuꞌ Tuhan, aku ya labi yaꞌ tawop inawnan sukuꞌ na. Lipara, lay gi baw ku tapeneꞌ nohoꞌ masaplag ni siga bangsa saꞌ Yahudi pasal siga supaat mehe saꞌ taangan-angan ma takoleꞌ da bong sila tibuuk na ka Almasi.

Taytus 3:5

Lay na ya nalamat kitabi. Boꞌ tud kainu-inu silay batan yaꞌ luu kaayaran bay pabuwat tabi gantaꞌ man tabi pataꞌ sinalamat. Arapun kon Tuhan bay nalamat kitabi sabap ehe timbang na ni manusiyaꞌ. Dari man sabapan pabuwatan si Isa Almasi, tukang nalamat kitabi, lay na puwasan Tuhan dusa tabi. Dari ko ngawon, lay na kosoan na atay tabi supaya kinaddoan dusa tabi. Boꞌ lay gi ya nupaatan kitabi ka Rū na, yana Rū Sutsiꞌ bay pinaasok njawom atay tabi. Dari sabapan Rū Sutsiꞌ, sibuꞌ na du kitabi ka lay na pinamaddihan pabalik, batan luu na kaallum tabi bahau.

1 Pitel 5:5

Na kuwan kaam ma masi baddung, subay kam lillaꞌ ni siga matatoa ni baanan bi. Maka kitabi sikamimon subay magpadiyoꞌ saliꞌ-saliꞌ ni pagkahi tabi, batan yuk njawom kitab, “Kinuntra meꞌ Tuhan sagannap ma abbuhan, sugaꞌ tabangan na sagannap ma diyoꞌ pangatayan da.”