Matiyu 27:66 - Sabahagiꞌ Kitab Tawrat: Panagnaan ni Awwal Jaman maka Kitab Injil

⁶⁶ Pag takka da ni kubu looy, lay gi tinandaan meꞌ da batu mehe man bay nambo behe kubu looy supaya kinatoonan bong lay inusik atawa niyaꞌ. Pag-anu, lay na mbanan da ga sundalu looy ndooy nohoꞌ nganjaga.

Matiyu 27:66 ပူးပေါင်းရင်းမြစ်များ

Matiyu 27:60

Si Yusup ilay ndang luu na kubu na bahau bay sohoꞌ na pinabuwat ni battisan pampang halliꞌ ni dī na. Dari ndooy na man na bay nampat si Isa. Pag lupus, lay na baw sohoꞌ na lligiran batu mehe man nambo behe kubu looy, boꞌ na lay lakka.

Matiyu 27:65

Pag tampung Gubnul Pilatu, “Sigi ba, moo na kam siga sundalu nohoꞌ nganjagahan kubu looy paayad.”

Matiyu 28:11

Sasang ga danda looy pilay pa mman mulit si Isa, kuwan kasohean sundalu ma bay nganjagahan kubu si Isa lay pabeleng pa jawom daira, boꞌ da nuntut ni siga imam langkaw mimon bay tasakup da ni kubu looy.

Matiyu 28:2

Sarunduun du luu linug basag batan luu na takka malaikat Tuhan duwai man taꞌ langit. Pag-anu siꞌ, lay ligiran na batu mehe man bay nambo behe kubu si Isa, boꞌ na ningkōꞌ njataꞌ na.

Malkus 16:4

Takka ndooy, pag ndaꞌ da, batu mehe looy ndang lay na bay lligiran.

Yahiya 20:1

Na paddus jaꞌ siꞌ Llaw Pahali, sayu alab lagi ni llaw Ahad, lay na baw ga si Mariyam man Magdala pilay pa kubu looy, lindom lagi lahat. Pag takka ndooy, takita na na batu mehe man bay nambo behe kubu looy lay na lligiran pa bihing.

2 Timuti 2:19

Sugaꞌ san du ina dangoy tōꞌ palsu pinaantup, bong inawnan kabanahan man Tuhan, mastiꞌ taasahan jaꞌ. Sibuꞌ du sina karuha na ka pananggehan lumaꞌ ma yaꞌ takoleꞌ inusik. Maka luu gi sina duwa kabanahan bay sinuwatan ma subay iningat meꞌ ta. Disu, “Kinatoonan du sina meꞌ Tuhan bong soy sukuꞌ na,” kaduwa na, “Soysoy mangaku sukuꞌ Tuhan, subay tagongan da na buwat dusa.”