Matiyu 27:54 - Sabahagiꞌ Kitab Tawrat: Panagnaan ni Awwal Jaman maka Kitab Injil

⁵⁴ Na kuwan kapitan sundalu ka ga soheꞌ na siꞌ ma nganjagahan si Isa, pag ndaꞌ da linug na lahat sampay mimon ma bay tasakup da ndooy, tud bay tawu sila. Dari yuk da, “Tud bana du la lalla tuu Anak Tuhan.”

Matiyu 27:54 ပူးပေါင်းရင်းမြစ်များ

Matiyu 26:63

Pag yaꞌ jaꞌ siꞌ nampung si Isa, mitsala na baw bbalik panghuluꞌ imam, yuk na, “Sapahan nu teꞌ ba batnaa ni awpan Tuhan sabanna ma llum saumu-umu bong bana kau na Almasi, yana Anak Tuhan.”

Matiyu 27:36

Pag lupus, boꞌ da ningkōꞌ nganjaga sasang si Isa taꞌ tehang.

Matiyu 27:40

Yuk da, “Baꞌ-bāꞌ nu, talangkat nu langga mehe boꞌ pinatangge bbalik njawom tallu ngallaw du. Bong mattan takaya nu meꞌ looy, tabangun teꞌ dī nu! Bong bana kau Anak Tuhan, duwai na ko ba man taꞌ tehang naa!”

Matiyu 27:43

Baꞌ-bāꞌ na, mangando ya pa Tuhan maka mangaku ya Anak Tuhan. Bong ina ya kinaasean meꞌ Tuhan, mastiꞌ tinabang jaꞌ ya batnaa.”

Matiyu 27:51

Maka ni sasangan waktu looy du siꞌ, sarunduun du salik duwa man jataꞌ pa diyoꞌ kultina kapa ma nallang Bilik Pinakasutsiꞌ ka Bilik Sutsiꞌ ni langga mehe. Maka linug na ga lahat sampay sobak na siga batu mehe.

Matiyu 4:3

Pag-anu siꞌ, takka na baw Ibilis, yana tukang nasat. Yuk na ni si Isa, “Bong ko bana-bana Anak Tuhan, sōn teꞌ padari tinapay ga batu naa mari luu na kakan nu.”

Matiyu 8:5

Pag-anu, lay na baw si Isa pilay pa Kapelniyum. Ndooy siꞌ, luu na baw disu kapitan sundalu, bangsa Rom, pasampang niiya maku aseꞌ,

Malkus 15:39

Na kuwan kapitan sundalu, luu na pin ndooy nangge ni awpan si Isa. Pag takita na hantang si Isa bay makkat, yuk na, “Tud bana du la lalla tuu Anak Tuhan.”

Lukas 22:70

Pag-anu, yuk da sikamimon, “Ongoy, Anak Tuhan ko kina?” Yuk si Isa, “Meꞌ halling sambat bi na siꞌ.”

Yahiya 19:7

Pag tampung baanan ga Yahudi looy, “Bong baw bina saraꞌ kami binean, subay ya pinapatoy sabap mangaku ya Anak Tuhan.”

Salsila siga Rasul 10:1

Na jaman looy du siꞌ, luu disu lalla bangsa Rom inawnan si Kolniliyus ndooy ni Sesariya. Iya ilay disu kapitan baanan sundalu inawnan Batalyon Italiyano.

Salsila siga Rasul 2:37

Pag lay jaꞌ takale siga jama ndooy bay bitsala si Pitel, lassa sobak na ga atay da ni kasasso da. Dari yuk da ni si Pitel ka ga pagkahi na rasul, “Siga mbuwaꞌ danganakan, oy tu la pataꞌ subay pabuwat kami supaya kami inampun meꞌ Tuhan?”

Salsila siga Rasul 21:32

Dari magti du ya moo siga kapitan sundalu na ka ga bataꞌ da, boꞌ da sonse pa baanan jama looy ma bay nungkuban si Pol. Pag takita meꞌ baanan jama looy komandel looy ka ga sundalu na, lay na tagongan da ngalubak si Pol.

Salsila siga Rasul 23:17

Lay jaꞌ siꞌ si Pol kabaan, ilooy ma lay ya ngalinganan disu kapitan sundalu, yuk na, “Kapitan, bong siꞌ dari ningkau, boonun doꞌ lalla tuu pa mman komandel nu. Luu situ bitsala na niiya.”

Salsila siga Rasul 23:23

Pus meꞌ looy, lay na baw komandel looy nawag kapitan na duwa. Luu jaꞌ siꞌ, yuk na ninsila, “Ngumpo kam duwa hatus sundalu ka pitumpūꞌ sundalu taꞌ kuraꞌ, sampay duwa hatus sundalu ka budjak, boꞌ tuhiyanan bi na si Pol pa Sesariya. Sakap na kam boꞌ bi palakka mintu sangom ga lisag siyam.

Salsila siga Rasul 27:1

Dari katobtoban pamiki Gubnul Pestus subay sohoꞌ na si Pol binoo taꞌ adjung pilay pa mman Panghuluꞌ Sultan ndooy ni Itali. Dari lay na pina-ntan si Pol ka ga kasohean pagkahi na pilisu pa mman si Juliyus. Si Juliyus ilay disu kapitan baanan sundalu Rom inawnan Batalyon Panghuluꞌ Sultan. Aku pun lay du ku ngunungan iya.

Salsila siga Rasul 27:43

Lipara, yaꞌ sila bay nduwan meꞌ Kapitan Juliyus sabap doman ya nalamat si Pol. Dari siꞌ, sagannap ma pandoy lumangi, lay na sohoꞌ Kapitan Juliyus kupa nohoꞌ lumangi pa tapiyan.

Siga Pakaradjaan bay Pinalahil 11:13

Lay jaꞌ ilay mintu sila dutai, luu du linug mehe sampay binasa na daira looy sabahagiꞌ sapū. Maka luu sina mintu pituꞌ libu manusiyaꞌ matoy meꞌ linug looy. Kuwan sagannap ma masi llum, tud tawu na sina mintu sampay mudji na sila Tuhan sabanna ma magbayaꞌ ni sulgaꞌ.