Matiyu 27:42 - Sabahagiꞌ Kitab Tawrat: Panagnaan ni Awwal Jaman maka Kitab Injil

⁴² Sambat da, “Bay baw ya katabang jama, pagka dī na, niyaꞌ san tatabang na. Bong siꞌ ina mattan iya sultan bangsa Israil, subay ya duwai man taꞌ tehang naa boꞌ kami pitsayaꞌ niiya.

Matiyu 27:42 ပူးပေါင်းရင်းမြစ်များ

Matiyu 2:2

Ni katakka da, tilaw da ni siga jama ndooy, “Ninggai lay la anak-anak looy ma bay pinamaddihan sultan bangsa Yahudi? Sasang kami ni lahat kami ndooy huwin pa mataallaw, lay na takita kami potean na pōꞌ. Ilooy na silay sipat man kami bay mindoga lay na ya pinamaddihan. Dari ituu na situ kon kami bay pitu supaya ya tasumba kami.”

Matiyu 27:37

Pa jataꞌ man takōk si Isa, luu gi papan bay llansang. Ni papan looy luu suwat man mahati bong oy palkalaꞌ njataꞌ na. Batsahan na, “Ituu itu si Isa, Sultan bangsa Yahudi.”

Matiyu 27:40

Yuk da, “Baꞌ-bāꞌ nu, talangkat nu langga mehe boꞌ pinatangge bbalik njawom tallu ngallaw du. Bong mattan takaya nu meꞌ looy, tabangun teꞌ dī nu! Bong bana kau Anak Tuhan, duwai na ko ba man taꞌ tehang naa!”

Matiyu 27:41

Damikiyan, siga imam langkaw ka ga guru saraꞌ sampay ga matatoa ni agama lay du buwat iya kalabbiyan.

Malkus 15:31

Damikiyan, ga imam langkaw pun sampay ga guru saraꞌ agama, lay du bay buwat si Isa kalabbiyan, yuk da padisu-padisu, “Bay baw ya katabang jama, pagka dī na, niyaꞌ san tatabang na.

Malkus 15:32

Bong siꞌ ina mattan iya Almasi, Sultan bangsa Israil, subay siꞌ duwai na ya man taꞌ tehang naa mari takita tabi kawasa na, boꞌ tabi pitsayaꞌ niiya.” Kuwan ga mundu looy baw siꞌ tu ma bay du llansang haboy ka si Isa, lay du mmeꞌ-mmeꞌ ngaludjum iya.

Lukas 19:38

Yuk da, “Sinupaatan la sultan naa ma pitu ni kawasa-kapatut Papuꞌ tabi Tuhan. Itu na ya moo kasalassayan mari tabi mahap na pa Tuhan. Pudji tabi Tuhan ni sulgaꞌ.”

Lukas 23:35

Na baanan jama siꞌ tu, luu na pin ndooy nangge-nangge maimanan si Isa. Boꞌ luu du ndooy siga pa-mmean Yahudi ngaludjum iya, yuk da, “Bay baw ya katabang jama, subay siꞌ tabang na du dī na bong tud mawjud iya na Almasi ma bay pineneꞌ meꞌ Tuhan magsultan.”

Lukas 23:37

maka yuk da, “Bong mawjud kau sultan bangsa Yahudi, tabangun teꞌ dī nu.”

Yahiya 1:49

Pag tabista si Natanyel talus si Isa, ilooy ma yuk na, “Tuwan Guru, tud bana-bana du bitu la kau na Anak Tuhan, sultan bangsa kami Israil!”

Yahiya 12:13

Dari lay sila ngaddoꞌ siga pappaꞌ kalapaꞌ-sawit boꞌ binoo pōꞌ man daira song pilay nampang iya. Takita da jaꞌ si Isa, bbuwatan da maghowapan mudji iya, yuk da, “Pudji tabi Tuhan! Sinupaatan jama naa ma pitu ni kawasa-kapatut Papuꞌ tabi Tuhan! Sinupaatan ko, sultan bangsa Israil!”

Yahiya 12:47

“Na bong luu bay kale umanat ku, boꞌ yaꞌ kinanna meꞌ da, saꞌ du sina aku ngalabuan sila hukuman, batan maksud ku pitu pa junyaꞌ nalamat manusiyaꞌ, saꞌ ga ngalabuan sila hukuman.

Yahiya 9:24

Pag-anu siꞌ, lay na baw linganan da pabalik lalla looy ma bay buta. Maka yuk da niiya, “Magsabanna na ko ba ni awpan Tuhan. Katoonan kami du saꞌ lalla looy bay ngulian kau batan baldusa ya.”

Salsila siga Rasul 4:14

Ga pa-mmean looy siꞌ tu, yaꞌ na luu dapat da nahawi sabap takita da na lalla looy ma yaꞌ bay kapalān kaulian na, sampay luu na ya nangge ni bihing si Pitel ka si Yahiya.