Matiyu 27:32 - Sabahagiꞌ Kitab Tawrat: Panagnaan ni Awwal Jaman maka Kitab Injil

³² Sasang da pōꞌ man daira, sitammu na baw sila ka disu lalla man Sayrin inawnan si Saymon. Pag-anu, lay na baw ya pinaggos meꞌ siga sundalu looy nohoꞌ ningan si Isa manangkit tehang na.

Matiyu 27:32 ပူးပေါင်းရင်းမြစ်များ

Matiyu 16:24

Pag-anu, yuk si Isa ni ga mulit na, “Soysoy doman mmeꞌ niyaku subay tikutan na kahandak na bong pin taduwan na jaꞌ kahandak ku. Subay atas na manangkit tehang halliꞌ man na nilansang, boꞌ na patuhut niyaku. Hati na, subay atas na lumingkaꞌ njawom jinisan katiksaan ka kabinsanaan kalnaꞌ aku san man na matoy, boꞌ na kapa-mmeꞌ niyaku.

Matiyu 5:41

Damikiyan, bong luu ngalogos kaam nohoꞌ moo boonan da ngkod disu batu, boonun bi lagi sampay pa duwa batu.

Malkus 15:21

Na lān si Isa siꞌ binoo meꞌ siga sundalu pōꞌ man daira, sitammu na baw sila ka disu lalla man Sayrin inawnan si Saymon lakka man kabuntuꞌ-buntuan Yahudiya. Pag-anu siꞌ, lay ya pinaggos meꞌ siga sundalu nohoꞌ ningan si Isa manangkit tehang na. (Saymon looy ilay yana mmaꞌ ga si Aleksandel ka si Rupus.)

Lukas 23:26

Kuwan si Isa, lay na binoo meꞌ siga sundalu song nilansang taꞌ tehang. Lān da siꞌ pōꞌ man daira magsabtan du baw ka luu disu lalla man Sayrin inawnan si Saymon song paasok pa daira. Pag-anu siꞌ, lay na baw ya pinaggos meꞌ siga sundalu nohoꞌ manangkit tehang si Isa, boꞌ na nohoꞌ patuhut ni si Isa.

Yahiya 19:17

Lān da lakka, lay gi nohoꞌ pinanangkit ni si Isa tehang halliꞌ man na llansang. Pag-anu siꞌ, lay na sila pōꞌ man daira song pa buntuꞌ ma inawnan Lugar Baung Kōk, bong ni pallun Hibrani, Golgota.

Salsila siga Rasul 11:20

Sarī man sila, luu du kasohean sukuꞌ si Isa man Kiprus maka man daira Sayrin lay du pilay pa Antiyok. Sugaꞌ kuwan ninsila, pag taabut da masaplag umanat mahap pasal Papuꞌ Isa, lay na du lapis da sampay siga bangsa saꞌ Yahudi.

Salsila siga Rasul 13:1

Na ni baanan sukuꞌ si Isa ndooy ni Antiyok, luu siga tukang masampay siga umanat ma pinalahil meꞌ Rū Sutsiꞌ ninsila, maka luu du siga jama alistu nōꞌ. Sila ilay siꞌ yana si Balnabas, si Simiyun ma pinagdē si Itom, si Lusiyus yana jama Sayrin, si Sol, maka si Manean. Si Manean ilay bay pingkaꞌ samod ka Gubnul Herod jaman da anak-anak lagi.

Salsila siga Rasul 2:10

Kasohean sila man Pirijiya ka man Pampilya. Luu gi kasohean man Ejip ka Libiya ma tapit pa Sayrin. Boꞌ luu gi siga bisita lakka man Rom.

Salsila siga Rasul 6:9

Sugaꞌ san meꞌ looy, luu gi kasohean nulang iya. Ilooy siꞌ ma nulang yana siga jamaa Yahudi man langga inawnan Langga Pridmen. Kasohean sila lakka man Sayrin maka man Aleksandriya ka kasohean sila man Silisiya ka Asiya. Sila ilay siꞌ labbasakayi, doman jaꞌ nual si Esteben ka nganjawap.

Salsila siga Rasul 7:58

boꞌ na ginuyud-guyud pa poan daira mari ya tapaglupung-lupungan da hiniyak ka batu. Kuwan ga lalla looy siꞌ ma bay mitnahan si Esteben, lay na ngurusan badjuꞌ da mari sila tumanam ngahiyak. Badjuꞌ da siꞌ, lay nnaꞌ da ni bihing disu lalla ndooy inawnan si Sol.