Matiyu 27:24 - Sabahagiꞌ Kitab Tawrat: Panagnaan ni Awwal Jaman maka Kitab Injil

²⁴ Pag tabista Gubnul Pilatu yaꞌ na du tapaling manusiyaꞌ ndooy, gam pin song hiluhalaꞌ na, magti ya ngaddoꞌ boheꞌ, boꞌ na ngosoan tangan na ni awpan ga jama looy. Yuk na, “Bahalaꞌ bi na. Lay na kosoan ku tangan ku mari yaꞌ na ku talapay ndusa ni kapatoy jama tuu.”

Matiyu 27:24 ပူးပေါင်းရင်းမြစ်များ

Matiyu 26:5

Sugaꞌ pag-isunan da, bong sila nungkub, subay yaꞌ sinabuhan ni timpu paballangan looy taggahaꞌ hiluhalaꞌ na baw jama.

Matiyu 27:19

Na sasang Gubnul Pilatu ningkōꞌ numariya, takka na baw umanat man nda na, yuk na, “Daa ko buwat oy maka oy na ni jama looy ma intong batan tud bay malasahi ku ni upihan ku pasal iya dabuhiꞌ.”

Matiyu 27:23

Tilaw gubnul, “Ongoy, oy tu dusa na?” Sugaꞌ amu-amu hinowapan meꞌ da pa haddo, yuk da, “Lansangun na taꞌ tehang!”

Matiyu 27:4

Luu jaꞌ siꞌ, yuk na ninsila, “Ndusa ku batan bay ku nipu jama yaꞌ dusahan.” Sugaꞌ yuk ga imam ka ga matatoa looy, “Bahalaꞌ nu. Batōy kami inaa?”

Matiyu 27:54

Na kuwan kapitan sundalu ka ga soheꞌ na siꞌ ma nganjagahan si Isa, pag ndaꞌ da linug na lahat sampay mimon ma bay tasakup da ndooy, tud bay tawu sila. Dari yuk da, “Tud bana du la lalla tuu Anak Tuhan.”

Matiyu 27:9

Dari lay na binakbul tunaꞌ Nabi Jeremaya, ilooy ma yuk na, “Ituu bay bāꞌ Tuhan niyaku: ‘Bay kinaddoꞌ meꞌ da tallumpūꞌ dublun pilak porol, yana hagaꞌ bay ginantaꞌ meꞌ bangsa Israil niiya, boꞌ pinakoy man malli tanaꞌ disu tukang buwat kibut.’ ”

Yahiya 13:9

Yuk si Pitel baw siꞌ tu, “Bong bina Papuꞌ meꞌ naa, daa na sat battis ku, lapisun na sampay ga tangan ku ka kōk ku.”

Yahiya 19:4

Yaꞌ hallom, lay na baw pōꞌ Gubnul Pilatu balik maan siga Yahudi ndooy, yuk na, “Sohoꞌ ku na lalla looy binoo pitu mari takita bi lay na ya bay sohoꞌ ku llagpiꞌ. Sugaꞌ pahamun bi paayad, basta yaꞌ baw tu luu tatammu ku kasaan na.”

Salsila siga Rasul 3:14

Mingkan si Isa ilay sutsiꞌ maka intong, sugaꞌ lay jaꞌ ya tuwak bi. Minsan doman na Gubnul Pilatu maddusan iya, yaꞌ du kam kuhi. Gam pin ilooy ya pogos bi pinaddusan jama pamomonoꞌ.

2 Korin 5:21

Bistahun bi doꞌ, san yaꞌ luu dusa Almasi samasakali, lay na ga ya binuwat meꞌ Tuhan subay ga baldusa batan mimon dusa tabi lay na tinanggung meꞌ na. Kon na bay buwat meꞌ looy supaya dari jama intong na kitabi meꞌ karuha kaintongan Tuhan man sabapan pagkatibuuk tabi ka Almasi.”

1 Pitel 3:18

Mamintang jaꞌ kam ni Almasi. San ya intong gi man intong, lay du ya bininsanaꞌ. Sampay lay na ga ya matoy sakayi labba du kalnaꞌ mimon baldusa pangkat-mamangkat. Lay na tanggung na mimon dusa tabi supaya kitabi mahap na pa Tuhan. Dari siꞌ, bay na pinapatoy jasad na, sugaꞌ lay na baw ya pinakallum ka jasad bahau ma yaꞌ na kuhi matoy.