Matiyu 27:2 - Sabahagiꞌ Kitab Tawrat: Panagnaan ni Awwal Jaman maka Kitab Injil

² Dari lay na ya iningkotan boꞌ na binoo pa mman Gubnul Pilatu.

Matiyu 27:2 ပူးပေါင်းရင်းမြစ်များ

Panagnaan 22:9

Pag takka da pa lugar man na bay sohoꞌ Tuhan, lay na si Ibrahim nambak batu binuwat pangulbanan, boꞌ lay na susun-susun na ga kayu looy njataꞌ na. Pag-anu siꞌ, lay na ingkotan na si Isahak boꞌ na pinatannaꞌ taꞌ ga kayu looy.

Matiyu 20:19

Pag-anu, boꞌ ku pina-ntan na baw ni bangsa Rom binuwat kalabbiyan, boꞌ llagpiꞌ ka llansang gi taꞌ tehang sampay matoy. Sugaꞌ pag ina mintu taabut ni katallu ngallaw, pinakallum du ku.”

Matiyu 28:14

Bong sawpama taaka meꞌ gubnul lay jaꞌ kam tuli, daa kam susa. Kami sa mitsalahan iya mari kam yaꞌ tapalkalaꞌ.”

Lukas 13:1

Na ni waktu looy du siꞌ, luu na baw siga jama bay nuntutan si Isa pasal kasohean jama man Jalil bay sinohoꞌ pinapatoy meꞌ Gubnul Pilatu. Sila bay pinapatoy sasang da nongan kulban pa Tuhan.

Lukas 20:20

Dari buwatan da, labba mandooy, wā maimanan si Isa balangkali luu na dapat da malkalaꞌ iya. Kainagon da, pa-ntan da na si Isa pa mman gubnul nohoꞌ hinukum. Maka lay gi sila nohoꞌ jama palamud ni ga si Isa magbawuꞌ-bawuꞌ dambuwaꞌ atay sila ka iya. Maksud da mayu-mayuhan si Isa balangkali tasiit da ya ni bitsala na.

Lukas 23:1

Pus meꞌ looy, lay na baw si Isa binoo meꞌ baanan ga jama looy siꞌ labbasakayi pa mman Gubnul Pilatu nohoꞌ hinukum.

Lukas 23:12

Dari siꞌ, labba man llaw looy, san bay kuntra si Herod ka si Pilatu, batnaa bagay na sila.

Lukas 3:1

Na luu jaꞌ daka dangon taun bay pingkaꞌ, kuwan si Yahiya, yana anak si Jakariya, lay binuwanan meꞌ Tuhan umanat waktu na maglahat ndooy ni lahat lau-lau yaꞌ maglumaꞌ. Ilooy siꞌ bay magkadarihan meꞌ looy sasang si Tiberius panghuluꞌ sultan ni bangsa Rom luu na sapu-liman taun. Boꞌ ilooy na du silay masa man si Puntus Pilatu maggubnul ni Yahudiya. Si Herod Antipas pun, maggubnul du ndooy ni Jalil. Maka danganakan na si Pilip maggubnul du ndooy ni Ituriya ka Tarakuniti. Maka luu gi gubnul ni Abilin inawnan si Lisani. Lay du magsabtan ka jaman si Kayapas gantiꞌ si Annas binuwat panghuluꞌ imam.

Yahiya 18:12

Pag-anu siꞌ, lay na si Isa sinungkuban meꞌ baanan ga sundalu looy ka kapitan da sampay siga tukang jaga ma lakka man siga pa-mmean Yahudi. Pag-anu, boꞌ na iningkotan.

Yahiya 18:24

Pag-anu siꞌ, masi gi lay pinusas tangan si Isa, lay na baw sinohoꞌ meꞌ Imam Annas binoo pa mman panghuluꞌ imam, yana Imam Kayapas.

Yahiya 18:28

Pag deꞌ subu, lay na baw si Isa binoo meꞌ siga pa-mmean Yahudi lakka man lumaꞌ Imam Kayapas pa astanaꞌ Gubnul Pilatu. Sugaꞌ yaꞌ sila kuhi paasok sabap njawom saraꞌ agama da, bong sila nabbaꞌ ni lumaꞌ jama saꞌ Yahudi, katamak ninsila, sampay yaꞌ na sila kapalamud mmeꞌ mangan ni paballangan Ngalingkaꞌ.

Salsila siga Rasul 12:6

Na pag taabut dangallaw sa timpu man si Pitel binoo na pa jawom mayran hinukum, pag sangom, lay ya pinatuli ni sallangan duwa sundalu. Boꞌ lay gi pinaglingtan langngon na sikaduwambilaꞌ ka karina ni langngon ga sundalu looy. Maka luu gi ga sundalu nganjaga ni bihing lawang jīl.

Salsila siga Rasul 21:33

Pag-anu siꞌ, lay na pasōng komandel looy pa mman si Pol nungkuban iya sampay lay gi sohoꞌ na si Pol pinusas ka karina duwa. Pag lupus, tilaw komandel looy ni baanan Yahudi ndooy, “Soy tu jama tuu? Oy tu dusa na?”

Salsila siga Rasul 22:25

Saddong da adak motean si Pol kape ngalagpiꞌ, lay ya nilaw ni disu kapitan nangge ni bihing na, yuk na, “Meꞌ aku disu jama porol raayat parinta Rom, numan kilay ni saraꞌ bong kam ngalagpiꞌ aku yaꞌ gi san bay pingkaꞌ hinukum?”

Salsila siga Rasul 22:29

Dari siꞌ kuwan ga sundalu ma adak ngalagpiꞌ si Pol, pag takale da meꞌ looy, ilooy ma deꞌ-dēꞌ du sila pasuhut man bihing na. Komandel looy pun, hanggaw na du pag tasayu na jaꞌ si Pol disu raayat parinta Rom du. Batan iya na silay bay nohoꞌ musas si Pol ka karina, boꞌ lay gi sohoꞌ na llagpiꞌ yaꞌ san bay pingkaꞌ hinukum.

Salsila siga Rasul 24:27

Na paddus duwan taun, lay na ginantian si Pilik maggubnul meꞌ si Polsiyus Pestus. Sugaꞌ pagka Gubnul Pilik doman nulut siga Yahudi, masi du yaꞌ bay pōꞌ na si Pol man jawom jīl.

Salsila siga Rasul 28:20

“Na kon ku itu bay nawag kaam mari kam tahappatan ku balharapan bong oy sabap ku pinusas ka karina meꞌ tuu. Kon ku itu meꞌ tuu sabap meꞌ ku pitsayaꞌ luu na bay takka tukang nalamat ma masi inagad meꞌ bangsa tabi Israil.”

Salsila siga Rasul 3:13

Saꞌ situ man kami, arapun man kawasa Tuhan ma bay inisbat meꞌ Nabi Ibrahim, Nabi Isahak, Nabi Yaꞌkub sampay na kabboꞌ-bboan tabi kasohean. Tuhan ilay siꞌ bay ngulian lalla tuu man na muwan kabantugan mehe ni si Isa, lalla ma wā ngasip ni kahandak Tuhan. Ilooy na silay Isa ma bay pa-ntan bi pa mman Gubnul Pilatu sinohoꞌ pinapatoy. San ya adak na bay paddusan Gubnul Pilatu, lay gi sinaggaꞌ meꞌ bi.

Salsila siga Rasul 4:27

“Dari batnaa Tuhan, tumatandaꞌ na ningkami, lay na du bana binakbul tunaꞌ looy siꞌ. Batan pag lahil tukang nalamat ma bay peneꞌ nu pa junyaꞌ, yana si Isa, sosohoan nu ma sutsiꞌ, lay du ya bana sinulang meꞌ Sultan Herod ka Gubnul Puntus Pilatu. Maka meka gi Yahudi sampay siga saꞌ Yahudi ni daira tuu lay du magtaayun nulang iya.

Salsila siga Rasul 9:2

maku katarangan mari luu kapatut na nungkuban soysoy tatammu na, danda ka lalla, ma mmeꞌ ni tōꞌ si Isa. Kainagon na moo katarangan looy man na makitahan siga pa-mmean ni kalangga-langgahan bangsa Yahudi ndooy ni Damaskus. Batan doman ya sumunsayaꞌ nungkuban siga sukuꞌ si Isa, boꞌ binoo pa Jerusalem njīl.

1 Timuti 6:13

Na Timuti, ni mata Tuhan ma makallum labbasakayi ka ni mata si Isa Almasi ma bay nawakka mōꞌ kabanahan bong soy ya ni awpan Gubnul Puntus Pilatu, ituu halap ku ningkau:

2 Timuti 2:9

Salla na, sabap meꞌ ku masaplag, daran na ga ku bininsanaꞌ. Sampay lay na ga taabut man ku tatalungkuꞌ njawom jīl binuwat subay ga jama tukang ngalangga saraꞌ. Sugaꞌ san itu ku pinusas ka karina, bong inawnan umanat Tuhan, basta yaꞌ baw sina takoleꞌ kinarinahan.

Hibrani 13:3

Maka daa takupan bi pagkahi bi njawom jīl atawa pun sagannap ma bininsanaꞌ ni poan. Ngaddoꞌ kam pa lassa ninsila ma njawom tiksaꞌ.