Matiyu 27:19 - Sabahagiꞌ Kitab Tawrat: Panagnaan ni Awwal Jaman maka Kitab Injil

¹⁹ Na sasang Gubnul Pilatu ningkōꞌ numariya, takka na baw umanat man nda na, yuk na, “Daa ko buwat oy maka oy na ni jama looy ma intong batan tud bay malasahi ku ni upihan ku pasal iya dabuhiꞌ.”

Matiyu 27:19 ပူးပေါင်းရင်းမြစ်များ

Panagnaan 31:11

Maka njawom pandapat ku, luu malaikat Tuhan mitsala niyaku, yuk na, ‘Yaꞌkub.’ Yuk ku, ‘Oy lay siꞌ?’

Panagnaan 31:24

Na ga si Yaꞌkub siꞌ tu lay na matangge lumaꞌ luna da ni kapunu-punuhan ndooy. Ga si Laban pun lay na du matangge lumaꞌ luna da tapit ndooy. Pag-anu, sangom looy du siꞌ, lay si Laban tinammuhan meꞌ Tuhan njawom upihan. Yuk Tuhan niiya, “Paayad-ayad ko. Daa usik-usikun si Yaꞌkub.”

Panagnaan 31:29

Bong siꞌ ko taaku ku pinidjalaꞌ, yaꞌ sina luu dapat nu. Para na pin, dabuhiꞌ lay ku binandaan meꞌ Tuhan ma inisbat meꞌ mmaꞌ nu, yaꞌ ko nohoꞌ inusik-usik.

Matiyu 1:20

Hangat na mamiki, lay ya kapatuli. Pag-anu, lay na ga ya tinammuhan meꞌ malaikat Tuhan njawom upihan. Yuk malaikat looy niiya, “Yusup, panubuꞌ Sultan Daud, daa ko alang-kapalang ngawinan si Mariyam sabap iya ina bay battong man kawasa Rū Sutsiꞌ.

Matiyu 2:19

Na taabut Sultan Herod matoy, masi gi ga si Yusup ndooy ni Ejip. Pag-anu siꞌ, lay na baw balik si Yusup tinammuhan meꞌ malaikat Tuhan njawom upihan.

Matiyu 2:22

Sugaꞌ pag takka da ndooy, lay na baw taaka si Yusup anak Sultan Herod du, yana si Alkilas, bay nganggantian mmaꞌ na magsultan ni Yahudiya. Dari tawu ya pawus pa bay kawum da. Boꞌ na, lay gi ya pinaupihan balik nohoꞌ pawus pilay pa Jalil.

Matiyu 27:18

Kon Gubnul Pilatu nilaw batan kainagon na maddusan si Isa. Batan katoonan na danan siga pa-mmean agama bay ma-ntan si Isa niiya sabap dangkiꞌ sila.

Matiyu 27:24

Pag tabista Gubnul Pilatu yaꞌ na du tapaling manusiyaꞌ ndooy, gam pin song hiluhalaꞌ na, magti ya ngaddoꞌ boheꞌ, boꞌ na ngosoan tangan na ni awpan ga jama looy. Yuk na, “Bahalaꞌ bi na. Lay na kosoan ku tangan ku mari yaꞌ na ku talapay ndusa ni kapatoy jama tuu.”

Matiyu 27:4

Luu jaꞌ siꞌ, yuk na ninsila, “Ndusa ku batan bay ku nipu jama yaꞌ dusahan.” Sugaꞌ yuk ga imam ka ga matatoa looy, “Bahalaꞌ nu. Batōy kami inaa?”

Lukas 23:41

Kita itu pataꞌ pinapatoy sabap tawop ka dusa ta. Boꞌ iya ina yaꞌ dusahan.”

Lukas 23:47

Na pag takita kapitan sundalu bangsa Rom meꞌ looy bay kadari si Isa, kapamudji na ga ya Tuhan, maka yuk na, “Tud bana du la lalla tuu yaꞌ magdusa.”

Yahiya 19:13

Lay jaꞌ siꞌ takale Gubnul Pilatu bay halling da meꞌ looy, lay na boo na si Isa pa poan. Ndooy siꞌ, lai na gubnul ningkōꞌ taꞌ tingkoan man ngahukum ni lugar pinag-awnan Haman Batu Pepan; bong ni pallun Hibrani, Gabbata.

Salsila siga Rasul 12:21

Pag taabut llaw man da magbitsala ka Sultan Herod, lay doꞌ ya matuk juba bal-bangsa, boꞌ na pōꞌ ningkōꞌ ni tingkoan pagkasultan na. Sasang na mitsala ninsila,

Salsila siga Rasul 18:12

Na kuwan siga Yahudi ndooy ni Korin ma yaꞌ pitsayaꞌ ni si Isa, lay isun naggaꞌ si Pol. Dari lay na baw ya sungkuban da boꞌ na binoo pa mman si Galliyo pinalkalaꞌ. Si Galliyo ilay maggubnul ndooy ni Akaya jaman looy.

Salsila siga Rasul 18:16

Dari siꞌ, lay na jaꞌ sila sohoꞌ gubnul palakka man lumaꞌ hukum.

Salsila siga Rasul 18:17

Na kuwan siga bangsa Greek siꞌ tu ma ndang lundooy maiman, lay na labuꞌ duga da pa jataꞌ si Sostinis, disu pa-mmean langga Yahudi. Dari lay ya hinelaꞌ-helaꞌ meꞌ da sampay lay gi sinuntuk njawom lumaꞌ hukum. Sugaꞌ yaꞌ na du san bay pinaruli meꞌ Gubnul Galliyo.

Salsila siga Rasul 25:10

Iya tampung si Pol, “Tuwan Gubnul, bong siꞌ kadarihan ningkau, san daa na kitabi pilay. Katoonan nu na du ndang yaꞌ luu dusa ku ni siga pagkahi ku bangsa Yahudi. Dari pagka aku raayat parinta Rom, sapatut na, ntuu na jaꞌ ku hinukum ni awpan nu. Ndang-ndang kau du bay inuwakilan maghuwis meꞌ Panghuluꞌ Sultan ni Rom.

Salsila siga Rasul 25:17

Dari ituu na situ kon da lay mmeꞌ niyaku pitu pa Sesariya. Sampay yaꞌ na du bay llantan meꞌ ku palkalaꞌ looy. Batan ni katakka kami, pag meꞌ sumawung, lay na ku ningkōꞌ ni tingkoan hukum, boꞌ lay na sohoꞌ ku pilisu looy ma inawnan si Pol binoo pa awpan ku.

Salsila siga Rasul 25:6

Luu jaꞌ siꞌ ga wawuꞌ sampay pa sapū ngallaw halloman Gubnul Pestus ni Jerusalem, lay na ya pabeleng pa Sesariya. Takka ndooy, pag meꞌ sumawung, lay na ya ningkōꞌ ni tingkoan man gubnul ngahukum, boꞌ lay na sohoꞌ na si Pol binoo pa awpan na.

1 Pitel 2:22

Bistahun bi doꞌ, yaꞌ san ya bay buwat dusa samasakali. Dustaꞌ pun, yaꞌ du luu bay pōꞌ man jawom behe na san sakayi.

1 Yahiya 2:1

Na kon ku tu nuwat ningkaam, siga anak, supaya kam yaꞌ buwat dusa. Sugaꞌ bong sipais, luu kam bay sumilap buwat dusa, luu du sina tukang nganjamin kitabi pa mman Mmaꞌ tabi Tuhan. Awnan ku ilay siꞌ ilooy ma intong saꞌ alang-alang, yana si Isa Almasi.