Matiyu 27:16 - Sabahagiꞌ Kitab Tawrat: Panagnaan ni Awwal Jaman maka Kitab Injil

¹⁶ Ni jaman looy, luu disu pilisu tanyag baldusa inawnan si Barabas.

Matiyu 27:16 ပူးပေါင်းရင်းမြစ်များ

Matiyu 27:15

Na taun-taun taabut paballangan Ngalingkaꞌ, ndang luu tabiat gubnul mapeneꞌ baanan jama ndooy disu pilisu pinōꞌ.

Matiyu 27:17

Pagka meka jama kumpo-kumpo ni awpan Gubnul Pilatu, tilaw na, “Pilisu mamooy karomanan bi pinōꞌ, si Barabas ka atawa si Isa ma inawnan meꞌ kasohean Almasi?”

Malkus 15:7

Na pag taabut si Isa hinukum, lay du bay mag-atag ka paballangan Ngalingkaꞌ. Maka ni waktu looy du, luu na baw baanan Yahudi bay pilay mogos gubnul nohoꞌ mōꞌ disu pilisu meꞌ ndang tabiat na. Pag tilaw Gubnul Pilatu, “Pooy bong sultan bangsa Yahudi looy na pōꞌ ku?” Ilooy man na doman mōꞌ si Isa sabap tabistu na ngkon siga imam langkaw bay ma-ntan si Isa niiya, ni kadangkiꞌ da sadjaꞌ. Sugaꞌ bbuwatan siga imam langkaw baw siꞌ tu, amu-amu ngoyo-ngoyohan baanan jama ndooy nohoꞌ meneꞌ si Barabas pinōꞌ ni gubnul. Mingkan siꞌ, si Barabas ilay bay mapatoy jama sasang na naggaꞌ parinta Rom.

Lukas 23:25

Pag-anu, lay na pa-ntan na si Isa ni siga sundalu na nohoꞌ pinapatoy man na mean kahandak baanan Yahudi ndooy. Dari siꞌ, san si Barabas bay tajīl sabap meꞌ na bay moo hiluhalaꞌ sampay bay gi mapatoy jama, iya ya bay pinōꞌ meꞌ Gubnul Pilatu.

Yahiya 18:40

Pag-anu siꞌ, ilooy ma maghowapan na sila, yuk da, “Si Barabas na ba poun ningkami. Bong iya, daa na.” Mingkan ilay siꞌ, kuwan si Barabas, tanyag naggaꞌ parinta bangsa Rom.

Salsila siga Rasul 3:14

Mingkan si Isa ilay sutsiꞌ maka intong, sugaꞌ lay jaꞌ ya tuwak bi. Minsan doman na Gubnul Pilatu maddusan iya, yaꞌ du kam kuhi. Gam pin ilooy ya pogos bi pinaddusan jama pamomonoꞌ.

Suwat si Pol pa mman Baanan Sukuꞌ si Isa ndooy ni Rom 1:32

San katoonan da na njawom siga panohoan Tuhan ga jama ma buwat meꞌ looy tawop pinapatoy, amu-amu gi du sila maabak kalaatan. Boꞌ ilooy gi kagakan da bong sila ngita siga pagkahi da ngakig sila.

Suwat si Pol pa mman Baanan Sukuꞌ si Isa ndooy ni Rom 16:7

Maka salam duwaa du ni siga pagkahi ku Yahudi, yana ga si Andronikas ka si Hunyas ma bay pingkaꞌ dambuwaꞌ ka aku njawom jīl. Sila ina pinagmaltabatan meꞌ mimon rasul si Isa. Maka duhuꞌ gi sila man aku bay mmeꞌ ni si Isa.