Matiyu 26:32 - Sabahagiꞌ Kitab Tawrat: Panagnaan ni Awwal Jaman maka Kitab Injil

³² “Sugaꞌ,” yuk si Isa, “pag mintu lay na ku pinakallum pabalik, duhuꞌ na ku man kaam pilay pa Jalil. Ndooy sa kitabi sitammu.”

Matiyu 26:32 ပူးပေါင်းရင်းမြစ်များ

Matiyu 16:21

Na pus meꞌ looy, nagnaꞌ na baw si Isa mahati siga mulit na bong oy katuwaꞌ niiya ni sinōng. Yuk na, “Aku itu, talpaksaꞌ niyaku pilay na pa Jerusalem. Ndooy ilay mintu, subay ku natasan jinisan kabinsanaan meꞌ siga matatoa ni agama ka ga imam langkaw sampay ga guru saraꞌ agama, boꞌ pinapatoy lagi ku. Sugaꞌ pag ina mintu taabut ni katallu ngallaw, llum na du sina ku pabalik.”

Matiyu 20:19

Pag-anu, boꞌ ku pina-ntan na baw ni bangsa Rom binuwat kalabbiyan, boꞌ llagpiꞌ ka llansang gi taꞌ tehang sampay matoy. Sugaꞌ pag ina mintu taabut ni katallu ngallaw, pinakallum du ku.”

Matiyu 26:33

Pag-anu, yuk si Pitel niiya, “Minsan sikamimon ngambanan kau Tuwan, bong aku, basta yaꞌ baw ku kuhi ngamban.”

Matiyu 28:10

Yuk si Isa ninsila, “Daa kam ba tawu. Pilay na kam. Sōn bi na siga danganakan ku pilay pa Jalil. Sitammu sa kami ndooy.”

Matiyu 28:16

Na kuwan mulit si Isa siꞌ ma sapu-dambuwaꞌ, lay na pilay pa Jalil, boꞌ da pa taꞌ punu man da bay sinohoꞌ meꞌ Isa pilay.

Malkus 14:28

“Sugaꞌ,” yuk si Isa, “pag mintu lay na ku pinakallum pabalik, pilay sa ku pa Jalil duhuꞌ man kaam. Ndooy sa kitabi sitammu.”

Malkus 16:7

Batnaa pilay na kam mahati ga mulit na awla na si Pitel. Baan bi sila pilay sa si Isa pa Jalil duhuꞌ man kaam. Ndooy sa kam sitammu meꞌ ndang bay halling na du ningkaam.”

1 Korin 15:6

Paddus mandooy, lay gi ya patammu ni baanan siga danganakan tabi labi lima hatus eka da. Sila ilay siꞌ, agon masi gi llum sikamimon ngabut sampay batnaa. Sugaꞌ luu du baw kasohean, lay na duhuꞌ-duhuꞌ.