Matiyu 26:29 - Sabahagiꞌ Kitab Tawrat: Panagnaan ni Awwal Jaman maka Kitab Injil

²⁹ Baan ta kam, ituu sa situ katapusan waktu ku nginum tubaꞌ anggul ka kaam. Sakayi ku itu nginum ka kaam pabalik, noy bahau na kahalan tabi njawom pamarinta Mmaꞌ ku.”

Matiyu 26:29 ပူးပေါင်းရင်းမြစ်များ

Matiyu 13:43

Boꞌ sagannap ma intong, nahayaꞌ na sina mintu meꞌ karuha mataallaw njawom pamarinta Mmaꞌ da Tuhan. Na kaam ma pakale ni bitsala ku, pahamun bi paayad.”

Matiyu 16:28

Maka baan ta kam banahan, kasohean kam ma luu nangge ntuu, yaꞌ gi situ kam mintu bay matoy, ndang takita bi na katakka Anak Manusiyaꞌ ddas ka pamarinta na.”

Matiyu 18:20

Batan bila ina luu duwa tallu jama kumpo ma pitsayaꞌ niyaku, mastiꞌ luu du ku ni bihing da.”

Matiyu 25:34

“Pag-anu, yuk Sultan ninsila ni kawnan na, ‘Kaam ina sikamimon sinupaatan meꞌ Mmaꞌ ku. Pitu kam. Timaun bi na mimon kaayaran ni pamarinta ma bay hinalliꞌ ningkaam man awwal tagnaꞌ lagi junyaꞌ bay pinapayak.

Matiyu 26:28

Ingatun bi inaa lahaꞌ ku song tinumpahan supaya meka na jama taampun sampay puwas na dusa da labbasakayi. Batan lahaꞌ ku ina, inaa na muwan kasāhan ni pagsulutan bahau ni antaraꞌ Tuhan ka manusiyaꞌ.

Matiyu 26:30

Pag-anu, lay sila ngalang kalangan pudji pa Tuhan boꞌ da pōꞌ song pilay pa Punu Jaytun.

Matiyu 28:20

Pabadjahun bi na sila mmeꞌ ni mimon bay panohoan ku ningkaam. Intomun bi, luu na pin sina ku ngunungan kaam ngabut sampay llaw dambuli.”

Malkus 14:25

Yuk si Isa lagi, “Baan ta kam banahan, ituu na situ katapusan ku nginum tubaꞌ anggul meꞌ tuu ka kaam. Sakayi ku nginum meꞌ tuu balik, noy bahau na kahalan tabi njawom pamarinta Tuhan.”

Lukas 12:32

“Na meꞌ kaam siga ipatan ku, san kam yaꞌ meka, daa kam hanggaw ni oy maka oy na. Ndang-ndang gāk du sina Mmaꞌ bi Tuhan muwanan kaam mimon supaat njawom pamarinta na.

Lukas 15:32

Pasal ariꞌ nu ina, pataꞌ subay paglami-lamihan ta ka ballang mehe sabap iya ina, sibuꞌ du kadari na ka jama bay na matoy llum na pabalik. Bay na ya lungay, pag batnaa luu na tatammu.’ ”

Yahiya 15:11

Ngkon kam ilay siꞌ ndang lay na baan ku meꞌ looy supaya kam kapatabeꞌ ni kagakan ku maka supaya yaꞌ na luu kulang kagakan bi.

Yahiya 16:22

Damikiyan, meꞌ naa du sina mintu kahalan bi. Batnaa susa gi kam bay kabaan sakkat na kitabi, sugaꞌ sitammu du sina kitabi pabalik. Taabut mintu ni llaw looy, biddaꞌ na sina ehe kagakan njawom atay bi. Boꞌ yaꞌ sina takaddoan meꞌ soy maka soy na.

Yahiya 17:13

“Batnaa tu Maꞌ, song moleꞌ na ku pa mman nu. Sugaꞌ pakalehan ku doꞌ siga mulit ku bitsala ku meꞌ tuu padpad ku masi ni junyaꞌ tuu. Kon meꞌ looy supaya meꞌ aku na du sila pannoꞌ na atay da leꞌ kagakan.

Salsila siga Rasul 10:41

Sugaꞌ yaꞌ na ya bay magpakita ni mimon Yahudi, isu-isu ningkami ma ndang bay pineneꞌ meꞌ Tuhan masampay kabanahan pasal iya. Boꞌ lay gi kami siharung-harung nginum-mangan ka iya pag lay jaꞌ ya pinakallum.

Hibrani 12:2

Maka subay kitabi tattap magpadduman njataꞌ si Isa. Batan iya suntuan numbul satu man tabi ngita pangando sukup pa Tuhan. Maka sabapan na, patakkoꞌ na pin pangando tabi. Bistahun bi doꞌ, atas na bay natasan kabinsanaan nilansang taꞌ tehang kalnaꞌ kitabi. Maka san kaiyaan niiya binuwat meꞌ looy, yaꞌ du bay paruli na. Batan pinandang meꞌ na kagakan ma takoleꞌ na ni sinōng pag taabut na ngita jama sakiyan salamat. Pag batnaa, lay na ya ningkōꞌ ni bihing Tuhan huwin pa kawnan ndooy ni sulgaꞌ.

Siga Pakaradjaan bay Pinalahil 14:3

Kuwan ga jama looy siꞌ ma dahatus mpatpuꞌ-mpat libu, bbuwatan da ngalang kalangan bahau ni awpan paningkoan Tuhan ka ni awpan ga balnyawa looy siꞌ sika-mpat sampay ga matatoa looy sikaduwampuꞌ-mpat. Boꞌ yaꞌ luu toon kalangan looy sarī man ga jama looy siꞌ sikadahatus mpatpuꞌ-mpat libu, yana sagannap ma lay na nilakkat meꞌ Bili-bili looy man komkoman Ibilis jaman da masi ni junyaꞌ.

Siga Pakaradjaan bay Pinalahil 7:17

batan inipat sila meꞌ Bili-bili looy ma ni bihing paningkoan Tuhan. Binoo na sila meꞌ na pa siga poon boheꞌ ma muwan kaallum ma yaꞌ luu katapusan na. Maka puusan Tuhan na sina mimon boheꞌ mata da, hati na, yaꞌ na sila susa pabalik.”