Matiyu 26:14 - Sabahagiꞌ Kitab Tawrat: Panagnaan ni Awwal Jaman maka Kitab Injil

¹⁴ Pus meꞌ looy siꞌ, kuwan si Judas Iskariyut, san ya tabeꞌ ni mulit si Isa sikasapu-duwa, lay pilay pa mman siga imam langkaw

Matiyu 26:14 ပူးပေါင်းရင်းမြစ်များ

Matiyu 10:4

ka si Saymon ma bay pingkaꞌ ngatuhan parinta Rom. Maka luu gi si Judas Iskariyut ma bay muwan tipu-akka njataꞌ si Isa song hallom.

Matiyu 26:25

Pag-anu siꞌ, nilaw na baw si Judas, ilooy ma nipu iya, yuk na, “Saꞌ kina aku awnan nu Tuwan?” Tampung si Isa, “Kau na bina.”

Matiyu 26:47

Yaꞌ gi siꞌ lupus si Isa mitsala, ilooy ma takka du si Judas, yana disu mulit ni ilooy ma sikasapu-duwa. Maka meka du jama bay boo na ddas ka kataliꞌ da maka takaka da. Sila siꞌ tu bay pilay nungkuban si Isa man panohoan siga imam langkaw ka ga matatoa ni agama.

Matiyu 27:3

Pag tasayu meꞌ si Judas si Isa song pinapatoy na, tud bay sasso ya bay nipu. Dari lay na ya pilay pa mman siga imam langkaw ka ga matatoa ni agama mapoleꞌ tallumpūꞌ dublun pilak porol looy ninsila.

Yahiya 12:4

Na ndooy siꞌ luu disu mulit si Isa, yana si Judas Iskariyut ma bay muwan tipu-akka njataꞌ si Isa song hallom. Pag takita na meꞌ looy siꞌ, yuk na,

Yahiya 13:2

Sugaꞌ san meꞌ looy na siꞌ aseꞌ si Isa, luu gi disu mulit na bay kabuwanan pamiki meꞌ Ibilis nipu iya. Mulit looy ilay siꞌ yana si Judas, anak si Saymon Iskariyut. Pag taabut deꞌ kohap, lay na ga si Isa mangan ka ga mulit na.

Yahiya 13:26

Tampung si Isa, “Jama man ku ngandean tinapay tuu pus na tinalloban njawom lohoꞌ, inaa na sina bay awnan ku siꞌ.” Pag-anu, lay na talloban na tinapay looy boꞌ ndean si Judas, anak si Saymon Iskariyut.

Yahiya 13:30

Dari bbuwatan si Judas, lay magti pōꞌ. Na iya siꞌ bay pōꞌ, sangom na lahat.

Yahiya 18:2

Na kuwan si Judas siꞌ tu, lalla ma bay nipu si Isa, ndang biyasa ni lahat looy sabap daran ga si Isa ka ga mulit na pilay.

Salsila siga Rasul 1:16

“Siga danganakan, subay situ kitabi isun bong soy peneꞌ tabi gantiꞌ ni si Judas. Ndang katoonan bi na du, si Judas pun lay du pineneꞌ meꞌ si Isa binuwat rasul na sibuꞌ du ka kami. Boꞌ lay du ya tabeꞌ ni pabuwatan ma bay sinukuꞌ ningkami saliꞌ-saliꞌ. Sugaꞌ ndang katoonan bi na du, maruhuꞌ-ruhuꞌ Nabi Daud bay nunaꞌ njawom kitab man kapandoyan Rū Sutsiꞌ pasal disu lalla ma nipu Almasi ni sinōng. Na tiyap-tiyap tunaꞌ nabi ina, mastiꞌ binakbul jaꞌ. Boꞌ lai na du bana binakbul tunaꞌ looy siꞌ njataꞌ si Judas waktu na bay moo jama nungkuban si Isa.

Salsila siga Rasul 1:18

“Maka ndang katoonan bi na du, ni kasasso si Judas bay nipu jama yaꞌ dusahan, lay na papoleꞌ na hasil na bay nipu, boꞌ lay gi ya nganggantung dī na. Sakayi na tatammu, lay na ya labuꞌ sampay mangkak na baran na. Maka lay na bakkaꞌ battong na sampay paluwaꞌ na tabbuk na. Dari habal pasal bay kadarihan na lataꞌ na ni sikaliput Jerusalem. Kuwan hasil looy siꞌ, lay na pinakoy man malli tanaꞌ. Dari tanaꞌ looy siꞌ lay na inawnan meꞌ siga jama Jerusalem ni pallun da Yahudi, Akeldama, hatiyan na, Tanaꞌ Ballihan Lahaꞌ.”