Matiyu 26:10 - Sabahagiꞌ Kitab Tawrat: Panagnaan ni Awwal Jaman maka Kitab Injil

¹⁰ Na si Isa siꞌ tu, katoonan na du bong oy binitsala meꞌ da. Dari yuk na ninsila, “Ongoy doꞌ ina kam ngalingog danda tuu? Tud mahap bitu bay pabuwat na niyaku.

Matiyu 26:10 ပူးပေါင်းရင်းမြစ်များ

Matiyu 26:11

Jama miskin ina, mastiꞌ luu jaꞌ ninggai-ninggai mman bi. Boꞌ aku tu, yaꞌ na humallom ntuu mman bi.

Matiyu 26:9

Hagaan bilay la! Gam na bay pinaballihan boꞌ ndean jama miskin ballihan na.”

Malkus 14:6

Sugaꞌ yuk si Isa siꞌ tu, “Bbiyahun bi na ba. Ongoy doꞌ ina kam ngalingog danda tuu? Tud mahap bitu bay pabuwat na niyaku.

Lukas 8:49

Sasang si Isa masi mitsala ni danda looy, luu na baw jama takka man lumaꞌ si Jayrus. Yuk na ni si Jayrus, “San daa na ba pahusaan ta Tuwan Guru. Lay na la taabut anak nu.”

2 Korin 9:8

Intomun bi, takaya du sina meꞌ Tuhan muwanan kaam san labi gi man balanjaꞌ bi supaya wā luu man bi nulung ka buwat jinisan kaayaran ni jama.

Galatiya 1:7

Mingkan, disu du sina umanat mahap, yaꞌ luu sarī. Salla na, luu na pin nnaa ngalingu kaam. Bbuwatan da ina nabid umanat mahap pasal Almasi.

Galatiya 5:12

Bong para niyaku, kuwan sila ma ngalingog kōk bi nnaa nanggehan hāl meꞌ ngislam, gam na sohoꞌ da na kinehetan sampay awpan da labbasakayi.

Galatiya 6:17

Katapusan bitsala ku, kainagon ku yaꞌ na kam kagundalaꞌ ni pamiki ku. Yaꞌ sina sikatuwaꞌ bong luu nnaa māꞌ yaꞌ ku bay buwanan Almasi kapatut noan jama. Aku tu, tandaꞌ ku sosohoan Almasi, lapat na baran ku meꞌ pawut hangat llagpiꞌ sampay hiniyak ka batu sabap meꞌ ku nanggehan kabanahan pasal iya.

Epesus 2:10

Sugaꞌ saꞌ baw ina ga yaꞌ na puntukan hāl meꞌ buwat mahap. Arapun Tuhan bay muwanan kitabi kaallum bahau njawman si Isa Almasi supaya tabi buwat siga pabuwatan mahap. Batan ndang inaa bay garaꞌ na ningkitabi.

Kolossa 1:10

Maka kamura-murahan mōꞌ na pin kam kawul-piil ma kasulut ni Papuꞌ Isa mari kam wā tawop inawnan sukuꞌ na. Maka njawom duwaa kami, kamura-murahan tamba-manamba na pin kaayaran pabuwat bi maka magsasōng na pin meꞌ bi lungbid ka Tuhan.

1 Timuti 3:1

Timuti, ituu tu bitsala kanaalla: Bong luu doman magpa-mmean ni siga sukuꞌ si Isa, mahap du sina angan-angan na batan ntan meꞌ naa ina tud puntukan.

1 Timuti 5:10

Lagiꞌ na, subay sila bay tamasa nabiat buwat mahap. Hati na, subay mahap meꞌ da bay nganad anak da maka ndang nabiat ngahulmat jama. Maka subay sila biyasa magpangintu siga pagkahi da sukuꞌ si Isa. Maka subay sila biyasa magpanulung jama njawom kasusahan. Hantak bitsala ku ilay siꞌ, subay sila bay tamasa buwat jinisan kaayaran.

2 Timuti 2:21

Na mimon manganan looy siꞌ tuwaꞌ pa siga sukuꞌ Tuhan. Sagannap ma lay na ngalabbahan mimon kalaatan, sibuꞌ na sina karuha da ka ga manganan looy ma hinalliꞌ ni siga llaw mulliya. Sutsiꞌ sila maka kaboo kabantugan pa Tuhan. Tawop na sila pinakoy meꞌ na man majatu jinisan pabuwatan ayad.

Taytus 1:16

Boꞌ sagannap ma nuwak tōꞌ sabanna, san ina sila māꞌ katoonan da Tuhan, tumatandaꞌ du ni tangge-tingkōꞌ da yaꞌ bana bitsala da. Pabuwatan da ina sinukang meꞌ Tuhan. Yaꞌ sila ngasip niiya. Maka yaꞌ sila tawop pinakoy ni oy-oy pabuwatan mahap.

Taytus 2:14

Iya ilay, lay na ga bay nongan umu na kalnaꞌ kitabi supaya tapaddusan na na kitabi man tabiat tabi buwat dusa, maka supaya tapasutsiꞌ na kitabi. Batan kahandak na ina, luu na sukuꞌ na ma tinagi buwat mahap, ma pabiddaꞌ man kasohean manusiyaꞌ.

Taytus 3:1

Paintoman nu siga danganakan ta nnaa nohoꞌ maglillaꞌ ni siga pa-mmean parinta sampay ngasip ni sagannap ma ngantanan saraꞌ. Maka subay sila pinaintoman nohoꞌ wā saddiya buwat mahap.

Taytus 3:14

Kuwan siga pagkahi ta sukuꞌ si Isa nnaa, sohoun sila makutuꞌ meꞌ da buwat kaayaran. Maka sohoun sila nulung jama tiksaꞌ. Meꞌ naa ina, mehe kapansahaliyan da ni manusiyaꞌ.

Taytus 3:8

Na siga tōꞌ ku itu tud kanaalla. Sangkon Taytus, sohoun na kinanna ni mimon nnaa ma mangando pa Tuhan. Meꞌ looy ilay, inisbat na meꞌ da buwat jinisan kaayaran ni siga pagkahi da manusiyaꞌ. Na bitsala ku itu, mahap jaꞌ labbasakayi, boꞌ kasampulnaꞌ ni jama.

Hibrani 13:21

Kamura-murahan pinalangkapan na pin kam meꞌ Tuhan ka mimon ma gunahan ningkaam supaya tapabuwat bi kahandak na. Kamura-murahan man sabapan pagkatibuuk bi ka si Isa Almasi, pinajatu du meꞌ Tuhan maksud na ni kaallum bi. Ilooy ilay siꞌ pamaehe sanglit niiya pangkat-mamangkat saumu. Amin.

1 Pitel 2:12

Tamūd ina, sagannap ma yaꞌ pitsayaꞌ ni si Isa mitsala kaam pa kalaatan san yaꞌ luu dusa bi. Sangkon, amay-amay subay kam mogbogan kawul-piil ayad ni pag-awpan da. Kawu-kawu bukaꞌ na puad da pitsayaꞌ hangat sila ngita hāp tangge-tingkōꞌ bi. Dari pag taabut masa man Tuhan marantaan pamiki da, pudji da na du sina ya.