Matiyu 25:44 - Sabahagiꞌ Kitab Tawrat: Panagnaan ni Awwal Jaman maka Kitab Injil

⁴⁴ “Pag-anu, sila pun ina mintu nilaw du, yuk da, ‘Uy la Papuꞌ, sumilan ko bay takita kami lingantu atawa tohoꞌ kallong nu? Maka sumilan ko bay sampi ni lahat kami, atawa yaꞌ luu pakayan nu, atawa saki, atawa njawom jīl, boꞌ nu yaꞌ bay tabangan kami?’

Matiyu 25:44 ပူးပေါင်းရင်းမြစ်များ

Matiyu 10:41

Soysoy ngahasi disu sosohoan Tuhan, koleꞌ jaꞌ sina ya tungbas meꞌ ilooy ma pamuwan Tuhan ni siga sosohoan na. Damikiyan, soysoy ina ngahasi jama intong, koleꞌ du sina ya tungbas meꞌ ilooy ma pamuwan Tuhan ni jama intong.

Matiyu 25:43

Jaman ku sampi ni lahat bi, yaꞌ ku bay hulmat bi. Ni waktu yaꞌ luu pakayan ku, yaꞌ ku bay buwanan bi. Waktu ku bay saki atawa njawom jīl, yaꞌ ku bay ndaꞌ-ndaꞌ bi.’

Matiyu 25:45

“Pag tampung ku ina mintu, ‘Baan ta kam banahan, waktu bi ilay yaꞌ bay nulung ni soysoy danganakan ku san du pooy diyoꞌ na ni bandingan manusiyaꞌ, sibuꞌ du ka aku yaꞌ bay tulung bi.’ ”

Matiyu 5:6

Njawom supaat sina sagannap ma basag kainagon da intong pa Tuhan, batan nduwan jaꞌ sina sila.

Matiyu 7:22

Pag ina mintu taabut llaw hukuman Tuhan, meka na sina mintu pasōng pa mman ku sambayan da halling, ‘Papuꞌ, saꞌ ba, lay na kami masampay siga umanat man Tuhan ni awon nu? Maka saꞌ ba, ni kawasa awon nu, lay na kami mapōꞌ siga seytan man jawom baran jama sampay mōꞌ siga pabuwatan kahaylan-haylan? Sangkon sapatut na, tawop du kami tabeꞌ njawom pamarinta Tuhan.’

Lukas 10:29

Sugaꞌ pagka doman lalla looy muwasan dī na mari ya yaꞌ taawnan yaꞌ maaseꞌ, tilaw na ni si Isa, “Mamooy lay la jama subay binilang pagkahi ku ma subay kaasean ku?”