Matiyu 24:7 - Sabahagiꞌ Kitab Tawrat: Panagnaan ni Awwal Jaman maka Kitab Injil

⁷ Bbos-bbos ina, meka na kabangsa-bangsahan ka ga sultan sibonoꞌ-bonoꞌ. Maka meka na sina mintu kalahat-lahatan tuwaꞌ gotom maka linug.

Matiyu 24:7 ပူးပေါင်းရင်းမြစ်များ

Lukas 21:11

Maka luu na sina mintu ni jinisan lahat ga linug basag ka gotom sampay ga saki ma kapatoy ni manusiyaꞌ yaꞌ taambat. Boꞌ luu gi sina mintu takita pakaradjaan katawu-tawu ka kahaylan-haylan taꞌ langit.

Salsila siga Rasul 11:28

Ilooy disu, yana si Agabus. Man kapandoyan Rū Sutsiꞌ, lay ya bay nunaꞌ, yuk na, “Yaꞌ na hallom, luu du sina takka gotom mehe ni sikaliput junyaꞌ.” Na bay tunaꞌ na ilay siꞌ lay du bana binakbul sasang si Kalawdiyus panghuluꞌ sultan ndooy ni Rom.

Salsila siga Rasul 2:19

Bbos-bbos, mōꞌ du sina ku jinisan pakaradjaan kahaylan-haylan taꞌ langit sampay taꞌ gumi, yana lahaꞌ ka api sampay humbu kapa.

Hibrani 12:27

Na Tuhan ilay māꞌ meꞌ looy mari tallak ningkitabi bong inawnan pakaradjaan ma bay pinapayak, luu sina masa da njogjog sampay man labbasakayi lanyap. Kon subay meꞌ looy supaya ilooy sa tamban, isu-isu siga pakaradjaan ma yaꞌ kuhi usik san pooy meꞌ njogjog.

Siga Pakaradjaan bay Pinalahil 6:12

Pag-anu siꞌ, takita ku na baw Bili-bili looy ngalukap kanjiꞌ ni ka-nnom na. Magsabtan du baw, sarunduun du luu linug basag taꞌ junyaꞌ. Kuwan mataallaw, lay na palindom meꞌ karuha kakanaꞌ itom. Kuwan buwan, lay na paakket, subay ga lahaꞌ.

Siga Pakaradjaan bay Pinalahil 6:5

Pag lukap Bili-bili looy kanjiꞌ ni katallu na, lay ku kale balnyawa looy ni katallu na mitsala, yuk na, “Pōꞌ na ko pitu.” Dari pag ndaꞌ ku, luu na baw pōꞌ kuraꞌ itom. Kuwan ilooy ma bakuraꞌ, mengket timbangan.

Siga Pakaradjaan bay Pinalahil 6:6

Pag-anu siꞌ, kale na baw ku suwara lakka man tangngaan siga balnyawa looy siꞌ sika-mpat, yuk na, “Luu sina mintu takka gotom mehe ni sikaliput junyaꞌ. Gadji jama dangallaw, sakilu du taligu taballi na. Atawa gadji jama dangallaw, mbaꞌ gantang bohas du taballi na. Sugaꞌ daa palangkawan nu hagaꞌ insallan ka tubaꞌ anggul.”

Siga Pakaradjaan bay Pinalahil 6:8

Dari pag ndaꞌ ku, luu na pōꞌ kuraꞌ pusat. Kuwan ilooy ma bakuraꞌ, awon na Kapatoy. Maka luu patuhut niiya inawnan Tahanan Jama Matoy. Pag-anu siꞌ, lay sila binuwanan kapatut mapatoy sabahagiꞌ mpat manusiyaꞌ taꞌ babaw junyaꞌ makoy bonoꞌ, gotom, saki ka siga sattuwa tawun.