Matiyu 24:24 - Sabahagiꞌ Kitab Tawrat: Panagnaan ni Awwal Jaman maka Kitab Injil

²⁴ batan luu sina mintu pōꞌ siga pangandustaꞌ māꞌ bahasa sila na Almasi atawa nabi. Boꞌ pandoy gi sina mintu mōꞌ siga pabuwatan kahaylan-haylan bong pin meka jaꞌ jama takoleꞌ da binoo magsiꞌ. Bong siꞌ ilay mintu takaya da, kainagon da sampay sagannap ma bay peneꞌ Tuhan sukuꞌ na taboo da du magsiꞌ.

Matiyu 24:24 ပူးပေါင်းရင်းမြစ်များ

Matiyu 22:14

Pus meꞌ looy, yuk si Isa, “Meka sina jama kinaddoꞌ tumabeꞌ ni jawom pamarinta Tuhan, sugaꞌ dangkitiꞌ du pineneꞌ.”

Matiyu 24:11

Meka sina mintu nabi palsu pōꞌ, boꞌ meka du takoleꞌ da binoo magsiꞌ.

Matiyu 24:22

Bong siꞌ ilay mintu yaꞌ bay kulangan Tuhan halloman kamalasahiyan meꞌ looy, mastiꞌ katis jaꞌ manusiyaꞌ man taꞌ babaw junyaꞌ. Lipara, kalnaꞌ sagannap ma bay peneꞌ Tuhan sukuꞌ na, kulangan na du sina mintu halloman kamalasahiyan meꞌ looy.”

Matiyu 24:25

Indanan bi bay bitsala ku siꞌ. Ndang kawalan ta na kam padpad yaꞌ gi taabut masa meꞌ looy.

Matiyu 24:31

Ni waktu ilooy du ilay mintu, luu pōꞌ halling tabuliꞌ tiniyup pahaddo. Ilooy ilay mintu sinyal para siga malaikat Anak Manusiyaꞌ pōꞌ na ngumpo mimon manusiyaꞌ ma sukuꞌ na. Pag-anu, boꞌ da ngalataan sika-mpat pidju alam ngumpo sila.”

Matiyu 24:5

Batan bbos-bbos, meka sina mintu pasunuꞌ māꞌ bahasa sila na Almasi ma bay sinohoꞌ meꞌ Tuhan nalamat manusiyaꞌ. Boꞌ meka jama taboo da magsiꞌ.

Matiyu 7:15

“Iyakin kam ni siga jama ma magbawuꞌ-bawuꞌ tukang masampay ga umanat man Tuhan. Ndaꞌ mata ina dambuwaꞌ mukalnaꞌ sila ka kaam. Boꞌ ko, sarī njawom atay da. Bong ina kam yaꞌ jaga, sibuꞌ du sina mintu karuha bi ka baanan bili-bili ma bay katis sinalik meꞌ idoꞌ tawun.

Malkus 13:22

Luu sina mintu pōꞌ mangaku bahasa sila na Almasi atawa disu nabi. Boꞌ mōꞌ gi sina mintu sila siga pabuwatan kahaylan-haylan mari luu jama takoleꞌ da binoo mmeꞌ ni tōꞌ da ma yaꞌ tuwaꞌ. Bong siꞌ ina mintu takaya da, sampay sagannap ma bay pineneꞌ meꞌ Tuhan sukuꞌ na boo da du magsiꞌ.

Lukas 18:7

Labi na bong Tuhan saꞌ nabangan siga sukuꞌ na ma maku duwaa pa mman na sangom-llaw. Mastiꞌ tanggehan na jaꞌ sina kaintongan da. Yaꞌ sina ya mabiya sila.

Yahiya 4:48

Yuk si Isa niiya, “Yaꞌ bitu kam kuhi pitsayaꞌ niyaku ngkod-ngkoran bi yaꞌ bay ngita aku mōꞌ siga sipat kawasa Tuhan.”

Yahiya 6:37

Sugaꞌ sagannap ma bay sinukuꞌ leꞌ Mmaꞌ ku niyaku, mastiꞌ mmeꞌ jaꞌ sina niyaku. Boꞌ na, sagannap ma mmeꞌ niyaku, yaꞌ sina luu tuwak ku.

Yahiya 6:39

Kahandak na ina, subay ayaran ku sagannap ma bay sinukuꞌ meꞌ na niyaku mari yaꞌ hilang san disu man jawom okoman ku. Batan kahandak Mmaꞌ ku subay mimon ma pitsayaꞌ sampay mangando ni Anak na binuwanan kasampulnaan nyawa ma yaꞌ luu katapusan na. Dari san sila matoy, pag taabut llaw dambuli, pakallum ku du sila pabalik.”

Salsila siga Rasul 20:16

Yaꞌ na kami bay pahās ni Epesus batan si Pol yaꞌ doman pahallom ni Asiya. Ilooy pagdeꞌ-dean na kawu-kawu taabut na gi paballangan Pentekos ndooy ni Jerusalem.

Suwat si Pol pa mman Baanan Sukuꞌ si Isa ndooy ni Rom 12:18

Pagbuli-bulihan bi mogbogan kasalassayan ka mimon jama.

Galatiya 4:15

Tud bay gāk kam niyaku. Sugaꞌ pag batnaa sarī na la meꞌ bi ka aku. Maruhuꞌ jaman ku nnaa mman bi, bong siꞌ luu bay paku ku ningkaam, sarunduun du kam muwan. Kumpas ku, san gi mata bi, bong bay paku ku, atas bi nguwiriꞌ boꞌ ndean aku.

2 Timuti 2:19

Sugaꞌ san du ina dangoy tōꞌ palsu pinaantup, bong inawnan kabanahan man Tuhan, mastiꞌ taasahan jaꞌ. Sibuꞌ du sina karuha na ka pananggehan lumaꞌ ma yaꞌ takoleꞌ inusik. Maka luu gi sina duwa kabanahan bay sinuwatan ma subay iningat meꞌ ta. Disu, “Kinatoonan du sina meꞌ Tuhan bong soy sukuꞌ na,” kaduwa na, “Soysoy mangaku sukuꞌ Tuhan, subay tagongan da na buwat dusa.”

1 Pitel 1:5

Maka man sabapan pangando bi ni si Isa, agpangan Tuhan na pin sina kam ni kaehe kawasa na ngkod-ngkoran yaꞌ gi bay takoleꞌ bi kasalamatan ma song pinalahil ni llaw dambuli.

2 Pitel 3:17

Sangkon, siga kakasi ku, pagka katoonan bi na mimon bay sabbut ku siꞌ, iyakinan bi tōꞌ jama ma yaꞌ ngisbat Tuhan, taggahaꞌ lay na baw kam mintu takoleꞌ da binoo magsiꞌ sampay man bi na ngalabbahan ntan bi.

1 Yahiya 2:18

Na siga anak, saꞌ ba, ndang lay na kam binaan maruhuꞌ, pag mintu tapit na llaw dambuli, luu disu pōꞌ inawnan Tukang Nguntra Almasi? Boꞌ ni sabana na, meka na sina pōꞌ nguntra Almasi ni batnaa. Sangkon katoonan tabi na bong inawnan llaw dambuli, basta tapit na.

1 Yahiya 2:22

Sangkon bong luu māꞌ si Isa saꞌ Almasi bay njanjiꞌ meꞌ Tuhan pinapitu nalamat, malaingkan pangandustaꞌ ya. Siga jama meꞌ looy ilay nguntra Almasi. Sarī man Almasi, sampay Mmaꞌ na Tuhan, tuwak da du.

1 Yahiya 5:18

Na kitabi itu, katoonan tabi na sikamimon jama ma bay dari anak Tuhan, patagong na sila buwat dusa batan luu na pin Anak Tuhan nganggaosan sila buwat kaintongan. Sangkon yaꞌ na sila tumandiyoꞌ meꞌ Ibilis.

Siga Pakaradjaan bay Pinalahil 19:20

Sugaꞌ yaꞌ bay luu dapat sattuwa looy sabap lay ya tasungkub haboy ka nabi palsu looy ma bay mōꞌ siga sipat kahaylan-haylan kalnaꞌ sattuwa looy. Sabapan siga sipat bay pōꞌ na, lay takoleꞌ na inakkahan sagannap ma bay sinapan ka sāp sattuwa looy, sampay mimon ma bay numba jama-jama looy ma bay pinabuwat ni limbagan na. Dari siꞌ, hisab ni sattuwa looy ka nabi palsu looy, lay hiniyakan, kaallum-llum da, pa jawom danaw looy ma pannoꞌ leꞌ api ka manilang ngereꞌ.