Matiyu 24:14 - Sabahagiꞌ Kitab Tawrat: Panagnaan ni Awwal Jaman maka Kitab Injil

¹⁴ Na inawnan umanat mahap pasal pamarinta Tuhan, pinasaplag na pin sina mintu ni sikaliput junyaꞌ supaya luu na dapat mimon kabangsa-bangsahan ngahasi. Pag-anu, boꞌ takka na katapusan junyaꞌ.”

Matiyu 24:14 ပူးပေါင်းရင်းမြစ်များ

Matiyu 10:7

Nnoy-nnoy mman bi masaplag, baan bi sila, ‘Tapit na katakka pamarinta Tuhan.’

Matiyu 18:19

Maka luu gi bāꞌ ku ningkaam. Bong luu san lasa duwa jaꞌ kam ma mmeꞌ niyaku magbēꞌ pikilan pasal oy-oy paku bi man Mmaꞌ ku ni sulgaꞌ, nduwan jaꞌ sina kam.

Matiyu 24:3

Pag-anu siꞌ, lay na baw patukad ga si Isa pa taꞌ Punu Jaytun. Sasang na ndooy ningkōꞌ, luu na baw pasōng siga mulit na pa mman na sila-sila jaꞌ, maka yuk da, “Bong siꞌ dari, baan doꞌ kami bong sumilan binakbul ilooy ma bay bitsala nu siꞌ. Maka oy lay la mintu siga sipat man jama mindoga tapit na ko pabeleng maka tapit na katapusan junyaꞌ?”

Matiyu 24:6

Pag taabut bi ina mintu kaakahan meka na bonoꞌ mehe ni kalahat-lahatan, matā-matapit, daa doꞌ gundalaꞌ pamiki bi batan ndang bay silay ginantaꞌ subay doꞌ magkadarihan meꞌ looy. Sugaꞌ saꞌ gi baw lay katapusan junyaꞌ.

Matiyu 4:23

Lakka mandooy siꞌ, lay na baw ga si Isa ngalataan Jalil magnasihat ni kalangga-langgahan ndooy sampay masaplag umanat mahap pasal pamarinta Tuhan. Maka san gi oy jinis saki jama, lay du inulian meꞌ na.

Matiyu 9:35

Pag-anu, lay na baw si Isa ngalataan siga daira ka kakawum-kawman ni dile magnasihat ni siga kalangga-langgahan ndooy. Lataꞌ na man na masaplag umanat mahap pasal pamarinta Tuhan. Maka san gi oy jinis saki jama, lay du inulian meꞌ na.

Malkus 13:10

Umanat mahap tuu itu ndang bay na ginantaꞌ subay duhuꞌ pinasampay ni mimon kabangsa-bangsahan, boꞌ taabut llaw kiyamat.

Lukas 2:1

Na jaman looy ilay, luu aturan bay pinōꞌ meꞌ panghuluꞌ parinta Rom, yana Sultan Agustus. Njawom aturan looy, mimon raayat ni kalahat-lahatan njawom ntanan na subay magrejistel pa parinta supaya kinatoonan bong dangoy eka raayat ni sakup na.

Lukas 24:47

Maka yuk si Isa, “Luu gi bay sinuwatan subay pinasaplag umanat mahap pasal Almasi ni mimon kabangsa-bangsahan nagnaꞌ mantuu ni Jerusalem. Subay jama binaan bong tawbatan da dusa da maka pitsayaꞌ ni Almasi, malaingkan inampun na sila meꞌ Tuhan.

Lukas 4:5

Pag-anu siꞌ, lay na baw binoo si Isa meꞌ Ibilis pa taꞌ punsak punu langkaw banahan, boꞌ na pinakitahan mimon paglahat njawom junyaꞌ sakayi mata pakiraw du.

Salsila siga Rasul 1:2

ngabut sampay na bay inangkat pa sulgaꞌ. Na yaꞌ gi siꞌ ngabut waktu na bay inangkat pa sulgaꞌ, katoonan nu na du, lay ya pinapatoy llansang taꞌ tehang. Sugaꞌ pag patoy na, lay du baw ya pinakallum meꞌ Tuhan. Llum jaꞌ siꞌ ya pabalik, luu gi mpatpūꞌ ngallaw halloman na daran gi nammuhan siga rasul na ma bay peneꞌ na man tabang Rū Sutsiꞌ. Boꞌ meka gi buktiꞌ bay pakitahan na sila mari tatantu da tud lay na ya llum pabalik. Maka lay gi sampunan na pangahati da pasal pamarinta Tuhan. Na tapit jaꞌ siꞌ waktu man na inangkat pa sulgaꞌ, luu siga panohoan bay sohoꞌ na binean ni siga rasul na.

Salsila siga Rasul 11:28

Ilooy disu, yana si Agabus. Man kapandoyan Rū Sutsiꞌ, lay ya bay nunaꞌ, yuk na, “Yaꞌ na hallom, luu du sina takka gotom mehe ni sikaliput junyaꞌ.” Na bay tunaꞌ na ilay siꞌ lay du bana binakbul sasang si Kalawdiyus panghuluꞌ sultan ndooy ni Rom.

Salsila siga Rasul 17:31

Batan luu du sina mintu disu llaw bay ginantaꞌ meꞌ Tuhan man mimon manusiyaꞌ hinukum meꞌ disu lalla bay pineneꞌ meꞌ na. Hukuman na ilay mintu intong jaꞌ. Lalla looy ilay siꞌ bay na matoy. Sugaꞌ lay na du ya pinakallum meꞌ Tuhan mari tumatandaꞌ na ni manusiyaꞌ sikamimon iya na bay pineneꞌ ngahukum sila.”

Salsila siga Rasul 17:6

Pag yaꞌ jaꞌ tatammu da, si Jason na baw ka ga kasohean pagkahi na sukuꞌ si Isa lay guyud-guyud da pa awpan siga saraꞌ ni daira da. Boꞌ maghowapan na pin sila sa tahaꞌ-tahaꞌ lān song da pilay. Takka jaꞌ siꞌ sila, yuk da, “Si Jason itu bay ngannaꞌ duwa jama maat ni lumaꞌ na. Boꞌ ga jama looy ilay sikaduwa, bbuwatan da ngalataan kalahat-lahatan buwat kalingogan paninggai-paninggai jaꞌ. Boꞌ masi gi silay sila luntuu ni daira tabi. Sila ilay ka ga mimon pagkahi da nguntra pamarinta Panghuluꞌ Sultan. Baꞌ-bāꞌ da, luu gi konoꞌ sultan sarī subay binean pinag-awnan si Isa.”

Salsila siga Rasul 19:27

Bong itu kala meꞌ jama pakale na pin niiya, yaꞌ na hallom diyoꞌ na meꞌ da ngandaꞌ pabuwatan tabi. Sarī gi, song hallom, yaꞌ na du luu kapuspusan langga mehe man numba tuhan tabi si Altemis ma yaꞌ luu sibuꞌ sabanding na. Ilooy gi laat na, kabantugan njataꞌ si Altemis ma sinumba meꞌ jama Asiya sampay jama ni sikaliput junyaꞌ lungay na du.”

Salsila siga Rasul 20:25

“Siga danganakan, kahapan lay na talataan ku lahat bi masaplagan kaam sikamimon pasal pamarinta Tuhan. Sugaꞌ batnaa, katoonan ku na ituu sa katapusan bi ngita aku.

Suwat si Pol pa mman Baanan Sukuꞌ si Isa ndooy ni Rom 10:18

Na adakala luu na baw mintu māꞌ ngkon meka Yahudi yaꞌ pitsayaꞌ ni umanat mahap sabap yaꞌ sila bay kabaan. Sugaꞌ daa kam hidjab, batan yuk njawom kitab, “Umanat pasal Tuhan pinamahalayak ni mimon kalahat-lahatan. Tanyag na umanat looy ni sikaliput junyaꞌ.”

Kolossa 1:23

basta kam tattap jaꞌ pitsayaꞌ ni umanat mahap pasal si Isa. Sangkon daa na kam kuhi pinagsian man kabanahan njawom umanat mahap ma bay takale bi. Maka daa kam jamu ngaholat Tuhan numan mimon janjiꞌ na njawom umanat mahap. Umanat mahap ina, liput na junyaꞌ man na pinasaplag. Na ni sagannap ma bay pineneꞌ masaplag, kuwan disu, yana aku na situ.

Kolossa 1:6

Umanat mahap ina, liput na junyaꞌ man na pinasaplag sampay meka na jama pitsayaꞌ. Dari magsasōng na pin hāp kawul-piil da meꞌ karuha kaam na du. Batan saliꞌ-saliꞌ na du kam lay kale sampay kahati kabanahan pasal aseꞌ Tuhan.

Hibrani 1:6

Lagiꞌ na, taabut Tuhan bay mapitu Anak Tungga na pa junyaꞌ, yuk na, “Mimon malaikat ku subay numba iya.”

Hibrani 2:5

Na ni kapasal junyaꞌ bahau ma bay sabbut ku nsiniꞌ, saꞌ silay mintu siga malaikat binuwanan meꞌ Tuhan kapatut marinta ndooy, arapun manusiyaꞌ du.

Siga Pakaradjaan bay Pinalahil 14:6

Pag-anu siꞌ, ngita na baw ku disu malaikat lomeng taꞌ langit moo umanat mahap ma yaꞌ halin saumu. Umanat looy siꞌ pinasaplag meꞌ na ni sikamimon kabangsa-bangsahan taꞌ babaw junyaꞌ ni mimon kalahat-lahatan, kaniya-kaniya ka jinisan pallun da.

Siga Pakaradjaan bay Pinalahil 16:14

Siga seytan looy siꞌ luu kawasa da buwat jinisan pakaradjaan kahaylan-haylan. Dari bbuwatan da, lay patiluꞌ pa mman siga sultan ni sikaliput junyaꞌ. Maksud da moo-moo siga sultan kumpo-kumpo naggaꞌ Tuhan Sangat Kawasa ni bonoꞌ mehe pag taabut llaw bay ginantaꞌ meꞌ Tuhan man na ngahukum manusiyaꞌ.

Siga Pakaradjaan bay Pinalahil 3:10

Pagka kam tattap mean bitsala ku nohoꞌ natasan kabinsanaan kalnaꞌ awon ku, agpangan ta sa kam mintu pag taabut luu katiksaan ni mimon kalahat-lahatan. Batan song takka na sina katiksaan mehe ma nuwayan iman mimon manusiyaꞌ taꞌ babaw junyaꞌ.