Matiyu 23:8 - Sabahagiꞌ Kitab Tawrat: Panagnaan ni Awwal Jaman maka Kitab Injil

^8-10 “Sugaꞌ kaam, daa kam magsitingka pagkahi bi ma pitsayaꞌ niyaku. Daa subay na pin kam nganggalla pagkahi bi ‘Tuwan Guru,’ atawa ‘Maꞌ,’ atawa ‘Papuꞌ,’ batan saliꞌ-saliꞌ du kam magdanganakan, boꞌ disu du guru bi ka Papuꞌ bi, yana aku, Almasi. Damikiyan, disu du Mmaꞌ bi sikamimon, yana Tuhan ni sulgaꞌ.

Matiyu 23:8 ပူးပေါင်းရင်းမြစ်များ

Matiyu 10:25

Sangkon na mulit subay yaꞌ jayip bong ya lumangga meꞌ ilooy ma bay talingkaꞌ meꞌ guru na. Ata pun subay yaꞌ du ya jayip bong ya lumangga meꞌ ilooy ma bay talingkaꞌ meꞌ papuꞌ na. Dari meꞌ aku pa-mmean bi, bong itu ku tinawakkahan inawnan Ibilis, labi na kaam siga mulit ku saꞌ pinitnahan.”

Matiyu 17:5

Pag-anu, sasang si Pitel siꞌ mitsala, liput na sila meꞌ tayiꞌ baliyu poteꞌ malaas, ninag na. Maka luu gi suwara pōꞌ man jawom tayiꞌ baliyu looy, yuk na, “Inaa ina Anak ku, kakasi ku. Kasulutan ku banahan niiya. Indanan bi bitsala na.”

Matiyu 23:7

Kainagon da subay sila inalak ni mayran sampay ginalla ‘Tuwan Guru.’

Matiyu 26:25

Pag-anu siꞌ, nilaw na baw si Judas, ilooy ma nipu iya, yuk na, “Saꞌ kina aku awnan nu Tuwan?” Tampung si Isa, “Kau na bina.”

Matiyu 26:49

Dari magti pasōng si Judas pa mman si Isa sambayan na halling, “Tuwan Guru,” boꞌ inūk meꞌ na si Isa.

Malkus 10:51

Yuk si Isa siꞌ tu niiya, “Luu kina karomanan nu pabuwat ku ningkau?” Pag halling lalla looy, “Tuwan Guru, doman na ku la ngita.”

Malkus 11:21

Pag-anu, taintom na meꞌ si Pitel bay halling si Isa numpaꞌ. Dari yuk na, “Tuwan Guru, ndaun doꞌ ba poon igira ma bay sumpaan nu! Layu na ga!”

Malkus 14:45

Dari magti pasōng si Judas pa mman si Isa sambayan na halling, “Tuwan Guru.” Pag-anu, boꞌ na ngūk si Isa.

Malkus 9:5

Pag-anu, yuk si Pitel ni si Isa, “Tuwan Guru, kahapan la luu kami ntuu. Bong anu, buwatan kami doꞌ kam bawung-bawung tallu, disu ningkau, disu ni Nabi Musa, maka disu ni Nabi Eliyas.”

Lukas 22:32

Boꞌ kau na sina Saymon tiniluꞌ banahan meꞌ na. Kamasaꞌ lay na du silay siꞌ ko pakuhan ku duwaa supaya yaꞌ lungay pangando nu niyaku. Sugaꞌ san meꞌ looy, masi du sina ku tikutan nu samantalaꞌ. Sugaꞌ pag lay jaꞌ ko ina mintu nawbat sampay pabeleng pa mman ku, paintoman nu sa siga danganakan nu mari pataggu iman da.”

Yahiya 1:38

Pag teleꞌ si Isa, takita na na sila patuhut niiya. Dari yuk na, “Marean ta luu maksud bi niyaku.” Pag tampung da, “Niyaꞌ ba Tuwan Guru, arapun tilaw kami jaꞌ bong ninggai mman nu tamban.”

Yahiya 1:49

Pag tabista si Natanyel talus si Isa, ilooy ma yuk na, “Tuwan Guru, tud bana-bana du bitu la kau na Anak Tuhan, sultan bangsa kami Israil!”

Yahiya 11:8

Yuk siga mulit na baw siꞌ tu, “Uy la, Tuwan Guru, bohoꞌ nu bilay paddus man bahaya baanan Yahudi ndooy ma bay doman mapatoy kau ka batu. Hati, pilay na baw ko pabalik?”

Yahiya 20:16

Yuk si Isa baw siꞌ tu niiya, “Mariyam.” Dari ilooy ma lay ya paawop ni si Isa sambayan na halling ni pallun Hibrani, “Rabbuni!” Hatiyan na, “Guru”.

Yahiya 3:2

Disu sangom, lay ya pilay pa mman si Isa. Takka ndooy yuk na, “Tuwan, katoonan kami kau guru lakka man Tuhan. Yaꞌ sina ko kapōꞌ siga pakaradjaan kahaylan-haylan meꞌ ilooy ma bay pabuwat nu bong yaꞌ luu kawasa Tuhan njataꞌ nu.”

Yahiya 3:26

Dari ilooy ma lay sila pa mman si Yahiya mangaruha. Sugaꞌ duhuꞌ yuk da niiya, “Tuwan Guru, lalla looy ma bay soheꞌ nu sitammu ndooy ni dambilaꞌ Sōng Juldan, ilooy ma bay awnan nu lakka man Tuhan, meꞌ kau na du la batnaa mandi jama. Boꞌ bahuklud na ga jama mimon pilay pa mman na nohoꞌ pinandi.”

Yahiya 4:31

Yaꞌ gi siꞌ sila takka, kuwan siga mulit si Isa, sigi-sigi ngalogos iya mangan.

Yahiya 6:25

Tatammu da jaꞌ siꞌ si Isa ni dambilaꞌ danaw, tilaw da niiya, “Tuwan, sumilan tu ko la bay takka pitu?”

Yahiya 9:2

Dari tilaw ga mulit na siꞌ, “Tuwan, ongoy na la lalla naa buta man jawom kūn induꞌ na lagi? Man iya kina dusahan atawa man ga induꞌ-mmaꞌ na?”

2 Korin 1:24

Kamasaꞌ, yaꞌ du baw tu ga subay na pin kam pastul kami ni hāl pangando bi ni Almasi. Ndang katoonan kami na du hallot na pangando bi niiya. Kami tu, doman jaꞌ nabangan kaam supaya yaꞌ maglumba kagakan bi.

2 Korin 4:5

Na kami tu masaplag, saꞌ ga man kami maehe dī kami, arapun man kami maehe si Isa Almasi. Sangkon pinasaplag meꞌ kami iya yana Papuꞌ. Maka kami tu, tukang ngintu kaam sadjaꞌ sabapan aseꞌ kami ni si Isa.

Epesus 3:15

sikamimon sukuꞌ na, yana sagannap ma inawnan meꞌ na rahasiyaꞌ na ni lumaꞌ na, labba man taꞌ babaw junyaꞌ sampay pa sulgaꞌ.

Pilimun 1:16

Maruhuꞌ ilay, ata nu jaꞌ ya. Pag batnaa, hagaan na ya man ata sabap lay na ya dari danganakan nu. Tud kinaasean sina ya meꞌ ku, sugaꞌ bistahan ku labi na kau saꞌ maaseꞌ niiya batan lay na halin arat-tabiat na. Batnaa ina, taasahan nu na ya. Boꞌ na, lay na ya dari danganakan nu tibuuk du ka Papuꞌ.

Yaꞌkub 3:1

Siga danganakan ku, mas mahap gi sina bong yaꞌ kalanduꞌ eka bi dari guru. Batan kitabi itu siga guru, mas adil hukuman Tuhan njataꞌ tabi man sagannap ma saꞌ guru.

1 Pitel 5:3

Maka daa kam buwat sagannap ma njawman bi subay ga tindog bi, saula-ula kaam na papuꞌ da. Arapun subay kam makitahan sila kawul-piil ayad mari luu suntuan taakig da.

Siga Pakaradjaan bay Pinalahil 1:9

Na ni kapasal aku itu ma nuwat, meꞌ halling sambat ku na siꞌ, aku itu si Yahiya, disu danganakan bi meꞌ kaam du tibuuk ka Papuꞌ Isa. Aku itu sibuꞌ du ka kaam bininsanaꞌ. Saliꞌ-saliꞌ du kitabi natasan laug ma tuwaꞌ ni sagannap ma tabeꞌ ni pamarinta Tuhan. Lay situ ku tasungkub sampay luu na ku bay binoo pitu tinahan ni nusa Patmos. Kon ku bay tasungkub sabap meꞌ ku bay masaplag palman Tuhan ka umanat pasal si Isa.

Siga Pakaradjaan bay Pinalahil 19:10

Pag takale ku meꞌ looy, ilooy ma lay na ku sujud ni battis na numba iya. Sugaꞌ yuk na, “Daa ko ba buwat meꞌ naa. Tuhan jaꞌ sumbahun. Aku bitu ata Tuhan sadjaꞌ meꞌ kaam du ka siga danganakan nu ma ngantanan umanat Papuꞌ Isa. Boꞌ umanat looy ilay ma bay pinasampay meꞌ Papuꞌ Isa yana kabanahan ma bay tinunaꞌ meꞌ kanabi-nabihan mattoꞌ.”

Siga Pakaradjaan bay Pinalahil 22:9

Sugaꞌ yuk na niyaku, “Uy, daa ba. Tuhan jaꞌ sumbahun. Aku bitu ata Tuhan sadjaꞌ meꞌ kau du ka siga danganakan nu sukuꞌ Tuhan. Saliꞌ du kitabi ata Tuhan sadjaꞌ meꞌ karuha kanabi-nabihan ka mimon ma mogbogan isi kitab tuu.”