Matiyu 23:4 - Sabahagiꞌ Kitab Tawrat: Panagnaan ni Awwal Jaman maka Kitab Injil

⁴ Bbuwatan da ina ngalogos jama mogbogan jinisan aturan awod. Bong dalil ta pa boonan bohat, jama jaꞌ sohoꞌ da manangkit. Kuwan sila, yaꞌ san nabang moo san lasa dangkitiꞌ.

Matiyu 23:4 ပူးပေါင်းရင်းမြစ်များ

Matiyu 23:23

“Siya-siya kam la, siga guru saraꞌ agama ka ga Parisi! Magbawuꞌ-bawuꞌ jaꞌ kam sutsiꞌ. Pandoy baw kam nong sabahagiꞌ sapū ni sikamimon altaꞌ bi pa Tuhan sampay na ni mimon lampa-lampahan bi. Sugaꞌ yaꞌ san baw paruli bi ilooy ma hagaan banahan ni saraꞌ, yana buwat kaintongan, manimbang ni manusiyaꞌ, maka magkanaalla mmeꞌ ni lapa bi. Subay siꞌ inaa doꞌ duhuꞌ pakutuun bi, boꞌ bi mogbogan siga saraꞌ dikiꞌ meꞌ sapantun muwan sabahagiꞌ sapū.

Matiyu 23:3

Sangkon subay bean bi tōꞌ da. Sugaꞌ daa jaꞌ kam ngakig tangge-tingkōꞌ da sabap yaꞌ sila mmeꞌ ni tōꞌ da.

Lukas 11:46

Pag tampung si Isa, “Ndang bina. Kaam pun ina iyadu, siya-siya du kam! Bbuwatan bi ngalogos jama mogbogan jinisan aturan awod. Bong dalil ta pa boonan bohat, jama jaꞌ sohoꞌ bi manangkit. Kuwan kaam, yaꞌ san nabang moo san lasa dangkitiꞌ.

Salsila siga Rasul 15:10

Dari ongoy baw taggahaꞌ doman gi kam malasu Tuhan? Tatammu bi lagi niksaꞌ ga danganakan tabi ma saꞌ Yahudi nohoꞌ mogbogan saraꞌ bangsa tabi? Ongoy kam manangkitan sila boonan ma yaꞌ san bay pingkaꞌ takaya tabi ka ga kabboꞌ-bboan tabi.

Salsila siga Rasul 15:28

“Dari man pamiki bay dean Rū Sutsiꞌ ningkami, lay kami magtaayun yaꞌ na dari matiksaan kaam nohoꞌ mogbogan jinisan saraꞌ bangsa Yahudi. Ilooy sa talpaksaꞌ bean bi meꞌ tuu:

Galatiya 6:13

Mingkan, sila ilay ma nohoꞌ kaam inislam, sila mismu yaꞌ du san bogbogan da mimon saraꞌ Nabi Musa. Kon da ina mogos kaam inislam, man da jaꞌ magpaabbu bong kam bay takoleꞌ-koleꞌ da mmeꞌ ninsila.

1 Yahiya 5:3

Meꞌ tabi makitahan Tuhan aseꞌ tabi niiya, bean tabi jaꞌ siga panohoan na. Boꞌ siga panohoan na ina yaꞌ du bohat binogbogan

Siga Pakaradjaan bay Pinalahil 2:24

“Na kasohean kaam nnaa ni Tayatira yaꞌ bay ngikut tōꞌ danda looy. Yaꞌ kam bay mmeꞌ ni ilooy ma pinagbahasa meꞌ kasohean ilmuꞌ lawom. Boꞌ ko, ni sabana na, lakka man Ibilis. Dari ituu meꞌ ku ka kaam: Yaꞌ du baw tu ku doman mabognahan kaam ka jinisan panohoan.