Matiyu 23:26 - Sabahagiꞌ Kitab Tawrat: Panagnaan ni Awwal Jaman maka Kitab Injil

²⁶ Kaam siga Parisi subay ga kam jama buta. Sutsiun bi doꞌ ba duhuꞌ njawom atay bi supaya sutsiꞌ na du kam ni poan.

Matiyu 23:26 ပူးပေါင်းရင်းမြစ်များ

Matiyu 12:33

Yuk si Isa lagi ninsila, “Manusiyaꞌ ina meꞌ karuha poon kayu. Tiyap-tiyap poon kayu mahap, mastiꞌ buwaꞌ na ina mahap du. Sugaꞌ bong ina poon kayu maat, mastiꞌ buwaꞌ na maat du. Sangkon ni buwaꞌ na takila bi jaꞌ sina bong poon kayu mahap atawa maat.

Matiyu 14:8

Dari siꞌ, ilooy bay sohoꞌ si Herodiyas pinaku ni anak na yana takōk si Yahiya. Dari yuk budjang looy ni Gubnul Herod, “Tuwan, deanun na aku takōk si Yahiya ma Tukang Mandi binoo pitu taꞌ tām.”

Malkus 7:4

Damikiyan, bong sila bay man tabuꞌ, yaꞌ du sila kakakan bong sila yaꞌ doꞌ bay duhuꞌ ngosoꞌ man da ngikut aturan kabboꞌ-bboan da. Maka meka gi silay jinisan aturan kabboꞌ-bboan da ikut da ni hāl meꞌ ngosoan ga sawan, karilu sampay ga siliꞌ.

Lukas 11:39

Dari yuk si Isa niiya, “Kaam ina siga Parisi, inaa du jagahan bi kasutsian ni poan. Bong siꞌ ibaratan sawan atawa pinggan, ni poan du kosoan bi. Sugaꞌ njawom, pabiya bi jaꞌ pannoꞌ meꞌ jinisan kalalamaan. Meꞌ naa du sina karuha njawom atay bi, masi du pannoꞌ meꞌ napsu mulakab ka jinisan kalaatan.

Lukas 6:45

Manusiyaꞌ pun ina meꞌ naa du. Bong jama mahap, mahap du kawul-piil na sabap kaayaran jaꞌ kinanna njawom atay na. Sugaꞌ bong jama maat, maat du kawul-piil na sabap kalaatan jaꞌ kinanna njawom atay na. Oy-oy ina kinanna njawom atay manusiyaꞌ, inaa du sina pōꞌ man jawom behe da.”

2 Korin 7:1

Na siga kakasi ku, siga janjiꞌ Tuhan ilay para ningkitabi. Sangkon, labbahan tabi na mimon pamiki maat ka mimon pabuwatan ma katamak ningkitabi. Maka pakutuꞌ tabi na meꞌ tabi mōꞌ kawul-piil sutsiꞌ ma nulut ni kahandak Tuhan, pamaehe maltabat niiya.

Hibrani 10:22

Patapit na kitabi pa Tuhan ni kahilas atay tabi ka ni kabasag pangando tabi niiya. Tatantu tabi na hinasi jaꞌ kitabi meꞌ Tuhan batan lay na sinutsiꞌ atay tabi ka lahaꞌ si Isa. Baran tabi pun, lay na du bay pinandi ka boheꞌ sutsiꞌ. Maka yaꞌ na du luu jawom honaꞌ-honaꞌ tabi ga masi kitabi dusahan pa Tuhan.

Yaꞌkub 4:8

Patapit na kam pa Tuhan, boꞌ na patapit pa mman bi. Kaam ma amu-amu buwat dusa, labbahan bi na dusa bi. Kaam ma duwa-duwa pikilan bi, patattogun bi na pamiki bi mmeꞌ ni Papuꞌ.