Matiyu 23:23 - Sabahagiꞌ Kitab Tawrat: Panagnaan ni Awwal Jaman maka Kitab Injil

²³ “Siya-siya kam la, siga guru saraꞌ agama ka ga Parisi! Magbawuꞌ-bawuꞌ jaꞌ kam sutsiꞌ. Pandoy baw kam nong sabahagiꞌ sapū ni sikamimon altaꞌ bi pa Tuhan sampay na ni mimon lampa-lampahan bi. Sugaꞌ yaꞌ san baw paruli bi ilooy ma hagaan banahan ni saraꞌ, yana buwat kaintongan, manimbang ni manusiyaꞌ, maka magkanaalla mmeꞌ ni lapa bi. Subay siꞌ inaa doꞌ duhuꞌ pakutuun bi, boꞌ bi mogbogan siga saraꞌ dikiꞌ meꞌ sapantun muwan sabahagiꞌ sapū.

Matiyu 23:23 ပူးပေါင်းရင်းမြစ်များ

Matiyu 12:7

Kaam tu, tatammu bi ga nahawi jama ma yaꞌ luu sāꞌ da. Bong ilay siꞌ ndang bay tahati bi palman Tuhan, yaꞌ kam bay os-os manding jama pa kalaatan. Palman ma bay awnan ku ilay siꞌ yana ilooy ma yuk Tuhan, ‘Kainagon ku maaseꞌ kam ni pagkahi bi manusiyaꞌ. Saꞌ ga kulban bi karomanan ku.’

Matiyu 23:13

Maka yuk si Isa, “Siya-siya kam la, siga guru saraꞌ agama ka ga Parisi! Magbawuꞌ-bawuꞌ jaꞌ kam sutsiꞌ. Bong luu na jama doman paasok pa jawom pamarinta Tuhan, bbuwatan bi pagapa ninsila ka tōꞌ bi bingkok. Yaꞌ gi kam kuhi nūs lān pa jawom pamarinta Tuhan, gam pin sinaggaꞌ gi meꞌ bi jama ma doman.

Matiyu 9:13

Intong na, aku itu bay pitu, saꞌ ga maksud ku ngaliyun jama ma mista dī da intong. Arapun aku itu bay pitu ngaliyun sagannap ma mangaku baldusa. Pahamun bi doꞌ paayad palman njawom kitab, ilooy ma yuk Tuhan, ‘Kainagon ku maaseꞌ kam ni pagkahi bi manusiyaꞌ. Saꞌ ga kulban bi karomanan ku.’ ”

Lukas 11:42

“Siya-siya kam la siga Parisi! Pandoy baw kam nong sabahagiꞌ sapū ni sikamimon altaꞌ bi pa Tuhan sampay na ni mimon lampa-lampahan bi. Sugaꞌ yaꞌ san baw paruli bi ilooy ma puntukan banahan, yana buwat kaintongan ni pagkahi bi maka maaseꞌ pa Tuhan. Subay siꞌ inaa na doꞌ paruhuun bi, boꞌ bi mogbogan siga saraꞌ ilooy kasohean meꞌ sapantun muwan sabahagiꞌ sapū.

Lukas 18:12

Aku itu puwasa min duwa njawom sakayi pituꞌ, maka nganjakat ku sabahagiꞌ sapū ni mimon ma bay tausaha ku.’