Matiyu 23:13 - Sabahagiꞌ Kitab Tawrat: Panagnaan ni Awwal Jaman maka Kitab Injil

¹³ Maka yuk si Isa, “Siya-siya kam la, siga guru saraꞌ agama ka ga Parisi! Magbawuꞌ-bawuꞌ jaꞌ kam sutsiꞌ. Bong luu na jama doman paasok pa jawom pamarinta Tuhan, bbuwatan bi pagapa ninsila ka tōꞌ bi bingkok. Yaꞌ gi kam kuhi nūs lān pa jawom pamarinta Tuhan, gam pin sinaggaꞌ gi meꞌ bi jama ma doman.

Matiyu 23:13 ပူးပေါင်းရင်းမြစ်များ

Matiyu 23:16

“Siya-siya kam, siga pa-mmean agama! Ni kaawam bi, subay ga kam jama buta nondaꞌ jama buta. Baꞌ-bāꞌ bi bong jama napa makoy awon langga mehe binuwat saksiꞌ na, yaꞌ dari oy na san ya yaꞌ mogbogan bay sapa na. Sugaꞌ bong ya napa makoy awon mmas ni jawom langga looy binuwat saksiꞌ na, baꞌ-bāꞌ bi talpaksaꞌ subay ya mogbogan bay sapa na.

Matiyu 23:23

“Siya-siya kam la, siga guru saraꞌ agama ka ga Parisi! Magbawuꞌ-bawuꞌ jaꞌ kam sutsiꞌ. Pandoy baw kam nong sabahagiꞌ sapū ni sikamimon altaꞌ bi pa Tuhan sampay na ni mimon lampa-lampahan bi. Sugaꞌ yaꞌ san baw paruli bi ilooy ma hagaan banahan ni saraꞌ, yana buwat kaintongan, manimbang ni manusiyaꞌ, maka magkanaalla mmeꞌ ni lapa bi. Subay siꞌ inaa doꞌ duhuꞌ pakutuun bi, boꞌ bi mogbogan siga saraꞌ dikiꞌ meꞌ sapantun muwan sabahagiꞌ sapū.

Matiyu 23:25

“Siya-siya kam, siga guru saraꞌ agama ka ga Parisi! Magbawuꞌ-bawuꞌ jaꞌ kam sutsiꞌ. Inaa du jagahan bi kasutsian ni poan. Bong siꞌ ibaratan sawan atawa pinggan, ni poan du kosoan bi. Sugaꞌ njawom, pabiya bi jaꞌ pannoꞌ meꞌ jinisan kalalamaan. Meꞌ naa du sina karuha njawom atay bi, masi du pannoꞌ meꞌ napsu mulakab batan isu-isu parasahan bi du pinaruli meꞌ bi.

Matiyu 23:27

“Siya-siya kam, siga guru saraꞌ agama ka ga Parisi! Magbawuꞌ-bawuꞌ jaꞌ kam sutsiꞌ. Kaam ina meꞌ sapantun kubu bay inari-arihan, lingkatan inandaꞌ, sugaꞌ ni jawom na pannoꞌ meꞌ towang jama matoy maka kajinisan kalalamaan.

Matiyu 23:29

“Siya-siya kam, siga guru saraꞌ agama ka ga Parisi! Magbawuꞌ-bawuꞌ jaꞌ kam sutsiꞌ. Tigiꞌ baw kam buwat lumaꞌ-lumaꞌ taꞌ kubu kanabi-nabihan mattoꞌ sampay ngari-ngarihan kubu jama tanyag intong.

Matiyu 3:7

Maka meka du kapakihan bay pilay man ga palhimpunan Parisi ka Saddusi maimanan si Yahiya mandi jama. Pag takita sila meꞌ si Yahiya, yuk na ninsila, “Kaam bina, subay ga kam baanan sō latsunan! Ongoy subay na pin kam mahusaan dī bi pitu? Bong yaꞌ du tawbatan bi dusa bi, daa kam mista tailagan bi mulkaꞌ Tuhan ma takka bbos-bbos.

Lukas 11:52

“Siya-siya sina kam siga guru saraꞌ agama! Batan wā kam kasanggalang ni jama ma doman toon kabanahan pasal Tuhan. Yaꞌ gi kam kuhi nūs lān man bi tabeꞌ ni pamarinta Tuhan, gam pin sinaggaꞌ gi meꞌ bi jama ma doman tabeꞌ.”

Yahiya 9:22

Na kon da siꞌ bay mitsala meꞌ looy sabap tawu sila ni siga pa-mmean Yahudi. Batan katoonan da pag-isunan siga pa-mmean ndooy yaꞌ pinadari paasok pa jawom langga soysoy bay mangaku si Isa yana Almasi.

Yahiya 9:24

Pag-anu siꞌ, lay na baw linganan da pabalik lalla looy ma bay buta. Maka yuk da niiya, “Magsabanna na ko ba ni awpan Tuhan. Katoonan kami du saꞌ lalla looy bay ngulian kau batan baldusa ya.”

Yahiya 9:34

Pag tampung ga pa-mmean looy, “Kalalaan nu! Man jawom kūn induꞌ nu lagi, ndang baldusa na ko. Tatammu nu na baw ga magpandoy-pandoyan kami.” Dari siꞌ, lay na ga ya binandaan yaꞌ na nohoꞌ paasok balik pa jawom langga.

Salsila siga Rasul 13:8

Sugaꞌ sasang da masampay umanat Tuhan ni gubnul, bbuwatan tukang mōꞌ majik looy siꞌ, ma inawnan du si Elimas ni pallun Greek, lay nulang sila. Maksud na moo-moo gubnul yaꞌ pitsayaꞌ ni si Isa.

Salsila siga Rasul 5:28

“Kaam baw tu, bay na kam binandaan meꞌ kami yaꞌ nohoꞌ noan jama pasal lalla looy, gam pin amu-amu kam masaplag tōꞌ bi ni sikaliput Jerusalem. Boꞌ ilooy lagi laat na, yaꞌ sannang atay bi ngkod-ngkoran kami yaꞌ bay kalabuan hukuman ni kapatoy lalla looy!”

Salsila siga Rasul 5:40

Sugaꞌ lay doꞌ duhuꞌ ga rasul looy nohoꞌ binoo pa jawom, boꞌ nohoꞌ llagpiꞌ. Maka lay gi sila binandaan yaꞌ na nohoꞌ noan jama pasal si Isa. Pag-anu siꞌ, lay na sila pinōꞌ.

Salsila siga Rasul 8:1

Pag-anu siꞌ, lay na kinubu si Esteben meꞌ siga jama ma ngisbat Tuhan. Boꞌ tud bay mag-ulawi sila. Sugaꞌ kuwan si Sol siꞌ tu, gam pin nanglitan sagannap ma bay mapatoy si Esteben. Boꞌ lay gi ya magtuyuꞌ-tuyuꞌ mabinasa baanan sukuꞌ si Isa. Bbuwatan na, padisu-padisu lumaꞌ ngangguyud-guyud sila pa poan, danda lalla, boꞌ da inisi njawom jīl. Dari siꞌ, labba man llaw kapatoy si Esteben, magdaruhun na pin basag laug sampay kabinsanaan njataꞌ mimon ma mmeꞌ ni si Isa ndooy ni Jerusalem. Na hangat sila bininsanaꞌ, meka na sila bay maglahiyan man Jerusalem, sampay lay na sila magsaw-simpāk pa kakawum-kawman ni sikaliput Yahudiya ka Samariya. Ilooy sa bay tamban ni Jerusalem yana siga rasul si Isa.

2 Timuti 3:8

Kuwan sila ina ma tukang masampay siga tōꞌ palsu, ndang bingkok na pamiki da. Yaꞌ hilas pangando da pa Tuhan. Nulang sila kabanahan meꞌ bay jaman ga si Jannes ka si Jambres bay nulang Nabi Musa mattoꞌ.