Matiyu 22:5 - Sabahagiꞌ Kitab Tawrat: Panagnaan ni Awwal Jaman maka Kitab Injil

⁵ Sugaꞌ yaꞌ du sila bay paruli. Gam pin disu lay buwat pa huma na, kuwan disu lay dagang ni kadday na.

Matiyu 22:5 ပူးပေါင်းရင်းမြစ်များ

Panagnaan 19:14

Dari siꞌ, lai na si Lut pa mman siga lalla tunang ga anak na, yuk na ninsila, “Siglaꞌ na kam! Lakka na kitabi mantuu! Hinansu na situ meꞌ Tuhan daira tuu!” Sugaꞌ yaꞌ san sila maruli. Kanna da maglata jaꞌ ya.

Panagnaan 25:34

Pag lupus, lay na ya binuwanan leꞌ si Yaꞌkub tinapay ka mbuwaꞌ pinggan batung looy. Pus na bay nginum-mangan, lay na ya palakka. Dari siꞌ, tumatandaꞌ na tud yaꞌ luu hagaꞌ na ni si Esaw kapatut pagkasiyaka na.

Matiyu 13:22

“Kuwan tanaꞌ looy ma meka lumput itingan na man bani looy bay tumiluꞌ, tuwaꞌ pa sagannap ma bay kale umanat Tuhan sampay pitsayaꞌ, sugaꞌ wā sila hanggaw ni hāl meꞌ da llum ni junyaꞌ. Taboo-boo sila magsiꞌ meꞌ napsu da ni sīn. Dari song hallom, umanat Tuhan njawom atay da, bong dalil ta pa tinanom, lay na limbo leꞌ lumput sampay yaꞌ du buwaꞌ.

Matiyu 22:4

Pag yaꞌ jaꞌ sila kuhi, sarī na baw ga tindog na bay sohoꞌ na ngaddoꞌ sila. Tugun na, ‘Baan bi siga jama looy, lai na sinumbaliꞌ siga sapiꞌ ku ma lammok, sakap na mimon. Amay-amay subay sila pitu.’

Matiyu 22:6

Kuwan kasohean, lay gi sungkuban da siga tindog sultan looy boꞌ pinawu-pawu lagi sampay pinapatoy.

Yahiya 2:16

Maka yuk na ni sagannap ma dagangan atsang ndooy, “Lakkahan bi na dagangan bi labbasakayi mantuu! Daa pabuwatun bi lumaꞌ Mmaꞌ ku subay ga tabuꞌ!”

Salsila siga Rasul 2:13

Sugaꞌ kasohean baw gam pin ngaludjum siga sukuꞌ si Isa, yuk da, “Ē, lango jaꞌ bina sila!”

Salsila siga Rasul 24:25

Pag-anu, lay gi si Pol maan iya subay jama paintong ka ngagak dī da sabap song takka na sina hukuman Tuhan. Dari ilooy ma hanggaw na baw Gubnul Pilik pakale niiya. Sangkon yuk na, “Ddong na doꞌ ko mitsala batnaa. San ko lakka na doꞌ. Tawag ta sa ko pabalik bong mintu luu waktu ku.”

Suwat si Pol pa mman Baanan Sukuꞌ si Isa ndooy ni Rom 2:4

Sangka bi mareꞌ sukat mehe aseꞌ Tuhan maka tahaꞌ pasensiya na ningkaam, ga yaꞌ dari oy na niiya san kam amu-amu buwat kalaatan. Maka yaꞌ gi mareꞌ tabista bi ngkon na amu-amu manimbang ningkaam, kawu-kawu tawbatan bi na dusa bi.

Suwat si Pol pa mman Baanan Sukuꞌ si Isa ndooy ni Rom 8:6

Na bong ina kita maabak meꞌ ta nganduwan napsu ta, ilooy du takoleꞌ ta katiksaan nyawa. Sugaꞌ bong ina kita makutuꞌ meꞌ ta nganduwan kahandak Rū Sutsiꞌ, ilooy ya takoleꞌ ta kasampulnaan nyawa ka kasannangan njawom atay ta.

2 Timuti 3:4

Meka na sina mintu panipu ka os-os buwat karupangan ni kapondok pamiki da sampay takabbu lagi. Ilooy du ina mintu hagaan ninsila meꞌ da nganduwan jaꞌ oy-oy kinanapsuhan meꞌ da. Sugaꞌ bong aseꞌ pa Tuhan, yaꞌ luu ninsila.

Hibrani 2:3

Na bong meꞌ looy bay katuwaꞌ ninsila, pooy meꞌ tabi kailag mulkaꞌ Tuhan bong pabiya tabi umanat kasalamatan, meꞌ naa na ehe hagaꞌ na? Umanat looy ilay, Papuꞌ Isa mismu bay duhuꞌ masaplag. Pag-anu, kuwan sila ma bay kale niiya balharapan, sila na baw bay masaplag sampay muwanan kitabi buktiꞌ tud bana bitsala na.

2 Pitel 2:3

Ni kamulakab napsu ga guru meꞌ looy ilay, bbuwatan da ina mintu nulun-nulun siga dustaꞌ bong pin koleꞌ jaꞌ sila sīn mman bi. Sugaꞌ jama meꞌ sila ina, man maruhuꞌ lagi ndang bay sinukuꞌ meꞌ Tuhan minulkaan. Boꞌ kabinasahan da ina mintu, ndang luu na bay sinaddiya.