Matiyu 22:3 - Sabahagiꞌ Kitab Tawrat: Panagnaan ni Awwal Jaman maka Kitab Injil

³ Sakap jaꞌ siꞌ mimon, ilooy ma lay na sohoꞌ sultan looy siga tindog na ngaddoꞌ sagannap ma bay pahati na. Sugaꞌ yaꞌ sila kuhi mmeꞌ.

Matiyu 22:3 ပူးပေါင်းရင်းမြစ်များ

Matiyu 21:34

“Pag taabut kakattuan buwaꞌ anggul looy, lay na sohoꞌ dapu kabbun looy ga ata na kasohean pilay ngaddoꞌ bahagiꞌ na.

Matiyu 23:37

Pag-anu, sabap susa atay si Isa ni siga Yahudi ndooy, yuk na, “Ag-agan kam la jama Jerusalem. Bbuwatan bi mapatoy kanabi-nabihan. Maka bila pin luu na pōꞌ siga sosohoan Tuhan, hiyak bi ka batu ngabut sampay matoy. Daran na ku bay doman ngaliyun kaam pa jawom okoman ku meꞌ sapantun induꞌ manuk ngokoman anak na, sugaꞌ yaꞌ du kam kuhi.

Matiyu 3:2

Pamakoy na bay pinabuwat ka bū untaꞌ maka kambot na kuwit sapiꞌ. Makanan na tompang ka gowaꞌ buwani. Ndooy siꞌ, wā ya masaplag ni siga jama ma bay pilay pa mman na, yuk na, “Nawbat na kam sabap tapit na katakka pamarinta Tuhan.” Na sabapan pabuwatan si Yahiya ilay siꞌ, lay na binakbul bay tunaꞌ Nabi Isaya, ilooy ma yuk na, “Luu sina mintu jama takale ngahowap ni lahat lau-lau, yuk na, ‘Saddiyahun bi na lān ni katakka Papuꞌ. Paintongun bi na mari tahan na patiluꞌ pa mman bi.’ ”

Matiyu 9:15

Pag tampung si Isa, lay ya ngandalil siga mulit na pa jama ngaluruk ni pangawinan, yuk na, “Yaꞌ bilay sikatuwaꞌ bong siga luruk ni pangawinan puwasa halloman pangantin ma lalla masi dambuwaꞌ ka sila. Sugaꞌ luu du sina mintu masa man pangantin ma lalla llakkahan na mman da. Ni masa looy ilay mintu, bohoꞌ da pataꞌ yaꞌ na nginum atawa mangan ni kabasag lindu da.”

Lukas 13:34

Na sabap susa atay si Isa ni siga Yahudi ndooy ni Jerusalem, njawom atay na, “Kaam, siga jama Jerusalem, bbuwatan bi mapatoy kanabi-nabihan. Boꞌ hiyak bi lagi ka batu jama kasohean ma lay du sohoꞌ Tuhan pa mman bi. Daran na ku bay magkainagon ngaliyun kaam pa jawom okoman ku meꞌ hantang induꞌ manuk ngokoman anak na, sugaꞌ yaꞌ du kam kuhi.

Lukas 15:28

“Sugaꞌ pag takale ilooy ma siyaka meꞌ looy, tud bay lasu ya sampay yaꞌ na ga ya kuhi paasok. Dari lay pōꞌ mmaꞌ na ngug-ngugan iya nohoꞌ paasok.

Lukas 19:27

“Pus meꞌ looy, yuk sultan, ‘Na kuwan ga jama looy siꞌ ma bay nguntra aku, ma yaꞌ doman aku magsultan ninsila, boonun bi na pitu, boꞌ papatoyun bi na ni awpan ku.’ ”

Yahiya 5:40

Sugaꞌ kaam tu, amu-amu kam yaꞌ kuhi mmeꞌ niyaku. Bong siꞌ ina kam bay kuhi, mastiꞌ lay na kam koleꞌ kasampulnaan nyawa meꞌ looy.

Salsila siga Rasul 13:45

Sugaꞌ pag ndaꞌ siga pa-mmean Yahudi biddaꞌ na eka manusiyaꞌ bay bahuklud pilay pakale ni si Pol, takkahan dangkiꞌ na ga sila. Dari bbuwatan da nulang bitsala si Pol sampay lay gi ya pinitnahan.

Suwat si Pol pa mman Baanan Sukuꞌ si Isa ndooy ni Rom 10:21

Boꞌ ni kapasal bangsa Israil, yuk Tuhan, “Hallom na silay ku bay nganjunjung nohoꞌ sila patapit niyaku. Sugaꞌ ni katohas kōk da, doman jaꞌ sila nguntra aku sampay yaꞌ ngasip.”

Hibrani 12:25

Sangkon, amay-amay daa tuwakun bi umanat Tuhan ningkaam batnaa. Mamintang doꞌ kam ni bay jaman kabboꞌ-bboan tabi. Bong sila bay pinidjalaꞌ sabap meꞌ da nuwak bitsala lalla looy man junyaꞌ, yana Nabi Musa, labi na saꞌ kitabi pinidjalaꞌ bong tuwak tabi na baw bitsala lalla looy ma lakka man sulgaꞌ.

Hibrani 9:15

Sangkon Almasi ilay, iya na bay mōꞌ pagsulutan bahau antaraꞌ Tuhan ka sukuꞌ na. Batan ni jataꞌ kapatoy na, lay na puwasan na mimon dusa tabi bay ngalangga siga saraꞌ ni pagsulutan sibuwa. Dari sagannap ma bay lliyun pa jawom okoman Tuhan, takoleꞌ da na mimon supaat ma ndang bay njanjiꞌ meꞌ Tuhan ni sukuꞌ na. Sila ina meꞌ sapantun jama bay koleꞌ pusaka mehe ma natas saumu.

Siga Pakaradjaan bay Pinalahil 22:17

Pag-anu, yuk Rū Tuhan ka sagannap ma ginalla pangantin ma danda, yana mimon sukuꞌ Papuꞌ Isa, “Pitu na ko.” Damikiyan sagannap ma pakale ni bitsala njawom kitab tuu siꞌ halling du, “Pitu na ko.” Na soysoy tohoꞌ kallong bi, pitu na kam nginum boheꞌ ma muwan kaallum. Libre jaꞌ sina ni soysoy doman nginum.