Matiyu 22:13 - Sabahagiꞌ Kitab Tawrat: Panagnaan ni Awwal Jaman maka Kitab Injil

¹³ Pag meꞌ looy jaꞌ, yuk sultan ni siga tindog na, ‘Ingkotan bi battis-tangan lalla tuu boꞌ hiyakan bi pa poan ni jawom kalindoman. Boꞌ ndooy na ya mag-ulawi sampay magkattop naggaan paddi.’ ”

Matiyu 22:13 ပူးပေါင်းရင်းမြစ်များ

Matiyu 12:29

“Belsibul ilay meꞌ sapantun lalla basag kawasa na wā nganjagahan lumaꞌ na paayad. Yaꞌ luu kaasok lumaꞌ na ngahawasan altaꞌ na bong yaꞌ du bay kalabihan kawasa na. Sugaꞌ bong luu ngantanan kawasa mas mehe man lalla looy, taingkot na lalla looy sampay tahawasan na altaꞌ na.

Matiyu 13:30

Bbiyahun bi na doꞌ paehe saliꞌ-saliꞌ. Dari pag mintu taabut ngattom, sohoꞌ ku sa pinaduhuꞌ llumputan ni siga tukang ngattom, boꞌ sohoꞌ ku kinumpo lumput na tinunu. Pag-anu, boꞌ sohoꞌ ku na kinattom buwaꞌ na boꞌ inannaꞌ ni jawom buriga ku.’ ”

Matiyu 13:42

Pag-anu, hiniyakan na sila pa jawom api nalkaꞌ. Boꞌ ndooy na sila mag-ulawi sampay magkattop naggaan paddi.

Matiyu 13:50

Kuwan ma maat, hiniyakan na meꞌ malaikat pa jawom api nalkaꞌ. Maka ndooy na sila mag-ulawi sampay magkattop naggaan paddi.”

Matiyu 24:51

Dari pinidjalaꞌ ya pabasag saꞌ alang-alang sampay inannaꞌ gi ni lugar sagannap ma magbawuꞌ-bawuꞌ jaꞌ sutsiꞌ. Boꞌ ndooy na sila mag-ulawi sampay magkattop naggaan paddi.”

Matiyu 25:30

Na kaddoan bi na tindog tuu ma yaꞌ luu kapansahaliyan na. Hiyakan bi na ya pa poan njawom kalindoman man jama mag-ulawi sampay magkattop naggaan paddi.’ ”

Matiyu 8:12

Sugaꞌ meka sina mintu bangsa Yahudi ma subay siꞌ tabeꞌ ni jawom pamarinta Tuhan hiniyakan pa jawom lindom tangob-tangoban. Ndooy ilay, mag-ulawi na sila sampay magkattop naggaan paddi.”

Lukas 13:28

“Dari magtangisan sina kam mintu sampay magkattop na ni kaehe sasso bi pag takita bi Nabi Ibrahim, Nabi Isahak, Nabi Yaꞌkub sampay mimon kanabi-nabihan njawom okoman pamarinta Tuhan. Boꞌ kaam ina mintu, ni poan sadjaꞌ kam.

Yahiya 21:18

Baan ta ko banahan Saymon, bay jaman nu umu sumaddong, sumunsayaꞌ jaꞌ ko mamakoyan dī nu maka dari ko lumān paninggai-paninggai jaꞌ karomanan nu. Sugaꞌ pag ko ina mintu toa na, pinaggos sina ko ma-nnat siga langngon nu. Maka ni waktu looy ilay mintu, jama na mamakoyan kau maka binoo ko pa lugar ma yaꞌ karomanan nu.”

Salsila siga Rasul 21:11

Sasang na siꞌ ndooy, lay ya pasōng pa mman kami. Maka lay gi ya ngindam kambot si Pol. Pag-anu, boꞌ na makkos battis-tangan na mismu ka kambot looy sambayan na halling, “Ituu bay bāꞌ Rū Sutsiꞌ nohoꞌ pinahati ningkaam: Meꞌ tuu du situ mintu meꞌ siga Yahudi ni Jerusalem ngingkotan jama ma dapu kambot tuu, boꞌ na pina-ntan pa mman bangsa Rom hinukum.”

Salsila siga Rasul 7:54

Pag lay jaꞌ takale meꞌ baanan kapakihan ndooy bitsala si Esteben, ilooy ma tud sinalaputan na tabbuk da.

2 Tesaloneka 1:9

Pidjalaꞌ njataꞌ da ina mintu, inannaꞌ sila ni nalkaꞌ saumu-umu lawak man Papuꞌ tabi si Isa. Yaꞌ sila hampit ni kabantugan na atawa pun ehe kawasa na saumu.

2 Pitel 2:17

Balik ta pa siga guru palsu, tud yaꞌ luu pūs da. Kaap-apan jaꞌ jama meꞌ da. Sibuꞌ du karuha da ka tagaꞌ yaꞌ magboheꞌ. Maka sibuꞌ du karuha da ka andom ma pingkaꞌ jaꞌ bay tinuran meꞌ baliyu yaꞌ san uwan ni huma. Jama meꞌ sila ilay, ndang luu na bay hinalliꞌ ninsila kasusahan njawom lugar lindom.

2 Pitel 2:4

Tattap jaꞌ sina sila minulkaan. Mindoga jaꞌ kam ni palas siga malaikat ma bay buwat dusa mattoꞌ. Yaꞌ du sila bay pinabiya meꞌ Tuhan amu-amu buwat dusa. Sangkon lay na sila tinahan pa njawom lowang tangob ngkod-ngkoran yaꞌ gi taabut llaw hukuman bbos-bbos.

Suwat Lakka man si Jūd 1:13

Pabuwatan da ina kaiyaꞌ-iyaꞌ. Sibuꞌ du karuha da ka lamba dilawut ma sigi-sigi nuran boboꞌ ma kasabu jaꞌ ni tapiyan. Hangat sila magsian jama, subay ga sila potean gaga yaꞌ taasahan man mindoga. Sugaꞌ ndang luu na silay lugar lindom saꞌ na gantaꞌ na bay hinalliꞌ ninsila. Boꞌ yaꞌ na silay mintu sila kapōꞌ mandooy saumu-umu.

Suwat Lakka man si Jūd 1:6

Maka pamintangan bi na siga malaikat mattoꞌ ma bay ngalabbahan ntan da sampay ngambanan paglahat ma bay sinukuꞌ ninsila ndooy ni sulgaꞌ. Pagka sila yaꞌ bay mean kahandak Tuhan, lay du sila tinalungkuꞌ njawom tahanan lindom, boꞌ bay gi pinusas ka karina ma yaꞌ tapaddusan. Maka ndooy na jaꞌ sila halloman yaꞌ gi takka llaw hukuman Tuhan.

Siga Pakaradjaan bay Pinalahil 21:27

Sugaꞌ oy-oy jaꞌ kalalamaan ma katamak ni manusiyaꞌ, saumu yaꞌ dari paasok pa jawom daira looy. Damikiyan, soysoy buwat kasabuhan atawa ngandustaꞌ yaꞌ du dari paasok. Ilooy du kapaasok pilay yana sagannap ma bay tasuwatan awon da njawom Būk Kaallum. Ilooy ilay siꞌ yana Būk Bili-bili looy man ngalista awon sagannap ma luu kaallum da saumu-umu njawom okoman Tuhan.