Matiyu 21:44 - Sabahagiꞌ Kitab Tawrat: Panagnaan ni Awwal Jaman maka Kitab Injil

⁴⁴ Indanan bi ituu. Batu looy ilay siꞌ tuwaꞌ pa aku. Sagannap ma nuwak aku, bbos-bbos sibuꞌ du sina karuha da ka labuꞌ taꞌ batu looy siꞌ. Maka soysoy ina labuꞌ taꞌ batu looy, mastiꞌ pong-mamōng jaꞌ sina. Maka sagannap ma kalabuan meꞌ batu looy, mastiꞌ pipis jaꞌ sina.”

Matiyu 21:44 ပူးပေါင်းရင်းမြစ်များ

Matiyu 21:43

“Hantak bitsala looy ilay siꞌ, pagka yaꞌ kam kuhi pitsayaꞌ ni kabanahan, kinaddoan na sina mintu sukuꞌ bi ni pamarinta Tuhan, boꞌ ndean jama sarī ma taasahan mmeꞌ ni kahandak Tuhan.

Matiyu 21:45

Na pag tabista meꞌ siga imam langkaw ka ga Parisi sila na siꞌ bay awnan si Isa ni dalil looy siꞌ,

Matiyu 26:24

Anak Manusiyaꞌ itu ndang bay tinunaꞌ njawom kitab, mastiꞌ pinapatoy jaꞌ. Sugaꞌ tud siya-siya silay mintu ilooy ma nipu iya. Gam na ya yaꞌ bay pinamaddihan.”

Matiyu 27:25

Pag tampung ga jama sikamimon ndooy, “Kami sa bahalaꞌ ni kapatoy na sampay ga anak-mpu kami.”

Lukas 2:34

Pus meꞌ looy, lay doꞌ sila pakuhan si Simiyun supaat. Maka yuk na ni si Mariyam, “Gantaan man Tuhan, sabapan anak-anak tuu, meka sina mintu bangsa Israil binasa sabap meꞌ da yaꞌ pitsayaꞌ niiya. Sugaꞌ meka du baw sina salamat man sabapan na du. Iya ina mintu yana padduman ma magmundaan manusiyaꞌ pa Tuhan. Salla na, meka jama nuwak iya.

Lukas 20:18

“Indanan bi ituu. Batu looy ilay siꞌ tuwaꞌ pa aku. Sagannap ma nuwak aku, bbos-bbos sibuꞌ du sina karuha da ka labuꞌ taꞌ batu looy siꞌ. Maka soysoy ina labuꞌ taꞌ batu looy, mastiꞌ pong-mamōng jaꞌ sina. Maka sagannap ma kalabuan meꞌ batu looy, mastiꞌ pipis jaꞌ sina.”

Yahiya 19:11

Pag tampung si Isa, “Yaꞌ bina luu tapabuwat nu oy maka oy na niyaku bong siꞌ saꞌ Tuhan bay muwanan kau kapatut. Ni hāl aku pinakaat batnaa, saꞌ du kau bay bagaraꞌ. Sangkon siga jama ma bay ma-ntan aku pa mman nu, mas mehe gi dusa da man ningkau.”

Suwat si Pol pa mman Baanan Sukuꞌ si Isa ndooy ni Rom 9:33

Boꞌ magbēꞌ du bana ka suwat njawom kitab, ilooy ma yuk Tuhan, “Ndaun bi sa. Luu sina mintu nnaꞌ ku ni Zayon batu man jama sumantuk. Sampay ilooy na poonan man mandung imukka da. Sugaꞌ soysoy baw ina mintu pitsayaꞌ ni batu looy, yaꞌ kaap-apan saumu-umu.”

1 Tesaloneka 2:16

Batan pag ndaꞌ da kami masaplag supaya luu dapat kabangsa-bangsahan saꞌ Yahudi salamat, buwatan da nulang kami. Tamba-manamba na pin eka dusa da sampay man da na song kalabuan mulkaꞌ Tuhan.

1 Pitel 2:8

Maka luu gi suwat njawom kitab pasal Almasi, ilooy ma yuk na, “Iya na sina batu man jama sumantuk sampay habbaꞌ.” Na ngkon da ilay binilang sumantuk niiya sabap yaꞌ sila kuhi pitsayaꞌ ni umanat mahap pasal iya. Mingkan man maruhuꞌ lagi, ndang ilooy na bay ginantaꞌ ni soysoy yaꞌ pitsayaꞌ.