Matiyu 21:41 - Sabahagiꞌ Kitab Tawrat: Panagnaan ni Awwal Jaman maka Kitab Injil

⁴¹ Tampung da, “Mastiꞌ pinapatoy jaꞌ silay meꞌ na ga jama jahat looy siꞌ, boꞌ pina-ntan na meꞌ na kabbun na ni jama sarī ma kuhi ngandean bahagiꞌ na.”

Matiyu 21:41 ပူးပေါင်းရင်းမြစ်များ

Matiyu 21:34

“Pag taabut kakattuan buwaꞌ anggul looy, lay na sohoꞌ dapu kabbun looy ga ata na kasohean pilay ngaddoꞌ bahagiꞌ na.

Matiyu 21:40

Pag-anu, yuk si Isa ni siga pa-mmean agama, “Na pag mintu takka jama looy ma dapu kabbun, bong kaam, batōy ilay mintu meꞌ na ga panungguꞌ kabbun looy?”

Matiyu 21:43

“Hantak bitsala looy ilay siꞌ, pagka yaꞌ kam kuhi pitsayaꞌ ni kabanahan, kinaddoan na sina mintu sukuꞌ bi ni pamarinta Tuhan, boꞌ ndean jama sarī ma taasahan mmeꞌ ni kahandak Tuhan.

Matiyu 3:12

Iya meꞌ sapantun jama ka tapan na ngahampaan bohas. Isi na inannaꞌ ni jawom buriga na. Kuwan hampaꞌ na, tinunu meꞌ na njawom api ma yaꞌ kuhi pawom saumu-umu.”

Lukas 20:16

Baan ta kam, mastiꞌ pilay jaꞌ silay ya pa mman siga panungguꞌ looy, boꞌ na mapatoy sila labbasakayi. Pag lupus, boꞌ pina-ntan meꞌ na kabbun na man siga panungguꞌ sarī.” Pag lay jaꞌ siꞌ takale bay bitsala si Isa meꞌ ga jama ndooy, yuk da, “Sipais! Kamura-murahan yaꞌ du luu jama buwat meꞌ looy ni lahat tabi.”

Salsila siga Rasul 15:7

Hallom jaꞌ siꞌ sila magbilmaarup, nangge na si Pitel, maka yuk na, “Siga danganakan, ni baanan tabi itu, ndang katoonan bi na du, aku bay duhuꞌ pineneꞌ meꞌ Tuhan nohoꞌ masampay umanat mahap ni siga jama ma saꞌ Yahudi pin sila pitsayaꞌ jaꞌ.

Salsila siga Rasul 18:6

Sugaꞌ song hallom, lay si Pol sinulang meꞌ da sampay lay gi ya pinitnahan. Dari lay na pappagan na momok tanaꞌ ma ngakkot ni badjuꞌ na tandaꞌ yaꞌ na luu lamud na ninsila. Pag-anu, boꞌ na halling, “Bong ina kam mintu minulkaan meꞌ Tuhan, man kaam na sina, saꞌ na man aku. Labba man batnaa, pa mman siga bangsa saꞌ Yahudi na ku masaplag.”

Salsila siga Rasul 28:28

Yuk si Pol lagi, “Na, mbuwaꞌ danganakan, pagka kaekahan Yahudi yaꞌ kuhi pitsayaꞌ ni umanat Tuhan pasal kasalamatan njataꞌ si Isa, baan ta kam banahan, pinasaplag na du sina ni kabangsa-bangsahan saꞌ Yahudi. Boꞌ tatantu ku, mastiꞌ hinasi jaꞌ sina meꞌ da.”

Salsila siga Rasul 28:8

Ni waktu looy siꞌ, kuwan mmaꞌ si Publiyus lammunan boꞌ sungiꞌ-sungiꞌ lagi. Pabāk na jaꞌ ya taꞌ patulihan na. Dari lay doꞌ si Pol pa mman na makuhan iya duwaa sambayan na nappak bumbunan na sampay lay du magti kaulian.

1 Tesaloneka 2:16

Batan pag ndaꞌ da kami masaplag supaya luu dapat kabangsa-bangsahan saꞌ Yahudi salamat, buwatan da nulang kami. Tamba-manamba na pin eka dusa da sampay man da na song kalabuan mulkaꞌ Tuhan.

Hibrani 12:25

Sangkon, amay-amay daa tuwakun bi umanat Tuhan ningkaam batnaa. Mamintang doꞌ kam ni bay jaman kabboꞌ-bboan tabi. Bong sila bay pinidjalaꞌ sabap meꞌ da nuwak bitsala lalla looy man junyaꞌ, yana Nabi Musa, labi na saꞌ kitabi pinidjalaꞌ bong tuwak tabi na baw bitsala lalla looy ma lakka man sulgaꞌ.

Hibrani 2:3

Na bong meꞌ looy bay katuwaꞌ ninsila, pooy meꞌ tabi kailag mulkaꞌ Tuhan bong pabiya tabi umanat kasalamatan, meꞌ naa na ehe hagaꞌ na? Umanat looy ilay, Papuꞌ Isa mismu bay duhuꞌ masaplag. Pag-anu, kuwan sila ma bay kale niiya balharapan, sila na baw bay masaplag sampay muwanan kitabi buktiꞌ tud bana bitsala na.