Matiyu 21:32 - Sabahagiꞌ Kitab Tawrat: Panagnaan ni Awwal Jaman maka Kitab Injil

³² Batan kaam ina, jaman si Yahiya ma Tukang Mandi bay pitu makitahan kaam lān intong tinūs pa Tuhan, yaꞌ kam bay kuhi pitsayaꞌ niiya. Gam gi siga tukang ninga sukay ka ga puta pitsayaꞌ lagi. Boꞌ ilooy gi laat na, san lay na takita bi lay na paayad kawul-piil da, masi du kam yaꞌ pitsayaꞌ ni umanat si Yahiya sampay nawbat.”

Matiyu 21:32 ပူးပေါင်းရင်းမြစ်များ

Matiyu 11:18

Na kon ku ilay siꞌ bay halling meꞌ looy batan kuwan si Yahiya, bbuwatan na kansang puwasa maka yaꞌ nginum oy maka oy na makalango. Salla na, baꞌ-bāꞌ jama, sineytan lagi ya.

Matiyu 21:25

Ituu tilaw ku: Soy ilay bay muwanan si Yahiya kapatut na mandi jama? Tuhan kilay, atawa manusiyaꞌ sadjaꞌ?” Sila baw siꞌ tu, lay doꞌ duhuꞌ isun bong oy pataꞌ tampung da. Yuk da padisu-padisu, “Yaꞌ bitu la luu dapat tabi tumanjataꞌ. Bong itu tabi māꞌ lakka man Tuhan, yuk na na baw, ‘Bong meꞌ looy, ongoy baw kam yaꞌ bay pitsayaꞌ ni umanat na?’

Matiyu 21:31

Pag-anu, tilaw si Isa ni siga pa-mmean looy, “Bong kaam, mamooy ilay bay ngasip mmaꞌ da?” Pag tampung da, “Ilooy bilay ma siyaka.” Yuk si Isa, “Dari ongoy baw ilay ilooy ya disu akig bi? Baan ta kam banahan, siga tukang ninga sukay sampay siga puta, luu na paasok pa jawom pamarinta Tuhan duhuꞌ gi man kaam.

Matiyu 5:46

Daa kam mista luu tungbas ayad man Tuhan ngagad kaam bong ilooy du kaasean bi isu-isu sagannap ma maasean kaam. Minsan ina siga tukang ninga sukay ma tanyag baldusa maaseꞌ du ni sagannap ma maaseꞌ ninsila.

2 Timuti 2:25

Bong ya sinulang meꞌ jama, pag tampung na, subay hanunut-hanunut jaꞌ meꞌ na naup sila. Meꞌ naa ina, balangkali binukaꞌ na meꞌ Tuhan puad da nawbat sampay koleꞌ pangahati ni kabanahan.

Hibrani 3:12

Sangkon siga danganakan, iyakin kam taggahaꞌ luu laat njawom pamiki bi moo kam yaꞌ pitsayaꞌ ni kabanahan sampay man bi na nikutan Tuhan sabanna ma llum saumu.

2 Pitel 2:21

Sagannap ma toon lān intong, gam na yaꞌ bay katoonan da bong papagsiꞌ du sila sampay yaꞌ na ngasip ni siga panohoan Tuhan ma bay pinasampay ninsila.

Siga Pakaradjaan bay Pinalahil 2:21

Hallom na situ ku bay paagad-agad, kawu-kawu tawbatan danda looy na kajinahan na, sugaꞌ yaꞌ du ya kuhi nawbat.