Matiyu 21:23 - Sabahagiꞌ Kitab Tawrat: Panagnaan ni Awwal Jaman maka Kitab Injil

²³ Pag-anu, lay na baw si Isa pabeleng pa langga mehe boꞌ na nagnaꞌ noan jama ndooy. Sasang na ndooy, luu siga imam langkaw ka ga matatoa ni agama pasōng pa mman na, yuk da, “Soy doꞌ ina bay muwanan kau kapatut, taggahaꞌ ilu na ko pabasa-basa buwat kajinisan ni langga tuu?”

Matiyu 21:23 ပူးပေါင်းရင်းမြစ်များ

Matiyu 20:4

Dari yuk na, ‘Bong yaꞌ luu buwatan bi, boꞌ kam doman buwat, pilay kam pa kabbun ku. Pagsipataꞌ ku sa gadji bi ka halloman man bi bay buwat.’

Matiyu 21:24

Iya tampung si Isa, “Doꞌ kam bi. Tilaw ta doꞌ kam duhuꞌ. Bong tatampungan bi tilaw ku, malaingkan baan ta kam bong soy bay muwanan aku kapatut buwat mimon meꞌ looy siꞌ.

Matiyu 24:1

Pag pōꞌ si Isa man langga mehe, pasōng na baw siga mulit na pa mman na, yuk da, “Tuwan, ndaun doꞌ ba lingkat langga naa.”

Matiyu 26:55

Maka yuk si Isa ni siga jama looy, “Ongoy doꞌ kam ina pitu na ka ga kataliꞌ sampay ga takaka? Ongoy kanna bi, mundu kitu ku? Aku bitu, llaw pa dangallaw na ku bay magpanoan kaam ni langga mehe. Ongoy taggahaꞌ yaꞌ gi ku bay sungkuban bi ndooy?

Lukas 19:47

Labba mandooy, llaw-llaw si Isa nōꞌ ni langga mehe. Sugaꞌ kuwan siga imam ka ga guru saraꞌ agama sampay ga pa-mmean Yahudi ndooy, miha na pin jalan man da mapatoy iya.

Lukas 20:1

Pag-anu siꞌ, disu llaw sasang si Isa noan jama ni langga mehe sampay masaplag umanat mahap, luu siga imam langkaw ka ga guru saraꞌ agama sampay ga matatoa bay pasōng pa mman na.

Salsila siga Rasul 4:7

Dari lay na sohoꞌ da si Pitel ka si Yahiya binoo pa awpan da sinumariya. Luu jaꞌ siꞌ, tilaw da, “Man kawasa soy doꞌ ina atawa man kapatut awon soy bay man bi ngulian lalla tuu ma yaꞌ bay kapalān?”

Salsila siga Rasul 7:27

“Sugaꞌ ilooy ma bay nganduhuꞌ, gam pin lay gi sūgan na Boꞌ Musa sambayan na halling, ‘Soy doꞌ ina ko? Tatammu nu ga buwat dī nu panghuluꞌ subay ga ko huwis magpandoy-pandoyan kami.