Matiyu 21:19 - Sabahagiꞌ Kitab Tawrat: Panagnaan ni Awwal Jaman maka Kitab Injil

¹⁹ Pag ngita ya disu poon kayu igira yaꞌ du tā man bihing lān, lay ya pilay miha buwaꞌ na sugaꞌ yaꞌ ya bay nammu, isu-isu dawun. Pag-anu, yuk na ni kayu looy, “Labba man batnaa, yaꞌ na sina ko buwaꞌ pabalik.” Paddus na pin halling na, magti du ngalayu kayu looy.

Matiyu 21:19 ပူးပေါင်းရင်းမြစ်များ

Matiyu 21:20

Pag takita jaꞌ siꞌ tu meꞌ ga mulit na, kapajayip sila. Dari yuk da, “Pooy doꞌ ina meꞌ kayu naa magti du ngalayu?”

Malkus 11:14

Pag-anu, yuk na ni kayu looy, “Labba man batnaa yaꞌ na situ ko buwaꞌ pabalik.” Boꞌ lay gi takale ga mulit na bay halling na meꞌ looy.

Malkus 11:20

Pag meꞌ sumawung subu, lān ga si Isa bbeleng pabalik pa Jerusalem, lay sila pingkaꞌ man poon igira looy balik. Pag ndaꞌ da, matoy na kayu looy sampay layu na ga dawun na labbasakayi.

Lukas 3:9

Bong yaꞌ tasayu bi, tapit na sina hisab Tuhan njataꞌ bi bong kam yaꞌ kuhi nawbat ka mōꞌ kawul-piil mahap. Tuhan ina sibuꞌ du karuha na ka jama saddiya ka kapa na nabbongan ga poon kayu ma yaꞌ kuhi buwaan, boꞌ hiniyakan pa jawom api.”

Yahiya 15:2

Iya notoan mimon engas ku ma yaꞌ buwaꞌ. Kuwan sagannap engas ku ma pabuwaꞌ, llassahan meꞌ na mari magsasōng gi eka buwaꞌ da.

Yahiya 15:6

Boꞌ na, soysoy ina ma bay pasakkat mman ku, sibuꞌ du karuha da ka siga engas lay sappeꞌ man poon da sampay ngalayu. Pag toklas na, kinumpo na sila boꞌ hiniyakan pa jawom api mari tutung.

2 Timuti 3:5

Bong ndaꞌ mata, meꞌ bantuk ngisbat sila Tuhan. Sugaꞌ sabana na, tuwak da Tuhan ka kawasa na ngahalin pangatayan da. Sangkon daa ko samod ka ga jama meꞌ looy.

Taytus 1:16

Boꞌ sagannap ma nuwak tōꞌ sabanna, san ina sila māꞌ katoonan da Tuhan, tumatandaꞌ du ni tangge-tingkōꞌ da yaꞌ bana bitsala da. Pabuwatan da ina sinukang meꞌ Tuhan. Yaꞌ sila ngasip niiya. Maka yaꞌ sila tawop pinakoy ni oy-oy pabuwatan mahap.

Suwat Lakka man si Jūd 1:12

Siga jama naa ina ma nabid kabanahan sibuꞌ du karuha da ka tamak ni badjuꞌ poteꞌ. Tuktuk bi ina kumpo-kumpo mangan-mangan, mmeꞌ sina sila ningkaam bahasa dambuwaꞌ mukalnaꞌ sila ka kaam sikaaseꞌ-kaaseꞌ. Boꞌ ko, maksud da ina ngulihal kasongan para ni dī da sadjaꞌ. Yaꞌ luu tawu da pa Tuhan. Kaap-apan jaꞌ jama meꞌ da. Sibuꞌ du karuha da ka andom ma pingkaꞌ jaꞌ bay tinuran meꞌ baliyu yaꞌ san uwan ni huma. Maka sibuꞌ du karuha da ka poon kayu yaꞌ kuhi buwaꞌ san taabut na timpu na, atawa meꞌ karuha poon kayu tud matoy na ma lay na pungkad.

Siga Pakaradjaan bay Pinalahil 22:11

Kuwan sagannap ma nabiat buwat kalaatan ka kasabuhan, pabiyahun bi na jaꞌ sila amu-amu maabak kalaatan da ka kasabuhan da. Kuwan sagannap ma buwat kaintongan, subay bogbogan da lagi kaintongan da. Damikiyan sagannap ma sutsiꞌ, subay du bogbogan da kasutsian da.”