Matiyu 21:16 - Sabahagiꞌ Kitab Tawrat: Panagnaan ni Awwal Jaman maka Kitab Injil

¹⁶ Dari yuk siga imam ka ga guru looy ni si Isa, “Yaꞌ kina takale nu bong oy bitsala ga anak-anak naa?” Yuk si Isa, “Takale ku bina. Ongoy, yaꞌ kilay bay batsa bi suwat jawom kitab? Yuk na, ‘Minsan siga anak-anak, mehe-dikiꞌ, pinabadja meꞌ Tuhan mudji iya.’ ”

Matiyu 21:16 ပူးပေါင်းရင်းမြစ်များ

Matiyu 11:25

Pus si Isa halling meꞌ looy, yuk na na baw pa Tuhan, “Maꞌ, meꞌ kau Papuꞌ mimon-mimon taꞌ gumi sampay taꞌ langit, magsuku ku ningkau. Batan kabanahan ma bay limbuhan nu ni siga jama ma milang dī da halul-akka ka lawom pangahati, palahil nu na ni jama ma kuhi tinoan meꞌ karuha anak-anak.

Matiyu 12:3

Tampung si Isa, “Uy, hantak bitsala bi, maat pabuwatan siga mulit ku meꞌ naa. Bong siꞌ ina bay bana ningkaam, labi na saꞌ maat bay pabuwatan Sultan Daud mattoꞌ. Yaꞌ gi kilay bay tabatsa bi njawom kitab bong oy bay pabuwat na bay jaman da kalingantuhan ka ga soheꞌ na?

Matiyu 19:4

Tampung si Isa ninsila, “Ongoy, yaꞌ kam kina bay matsa jawom kitab jaman Tuhan bay mapayak manusiyaꞌ? Lay silay ya buwat disu lalla ka disu danda.

Matiyu 22:31

Na ni kapasal jama pinakallum, mastiꞌ lay na du bay tabatsa bi njawom kitab ilooy ma yuk Tuhan,

Malkus 13:17

Pag ina mintu tinakdil na meꞌ looy, tud kaluuy-luuy sina jama awla na sagannap karandahan ma battong atawa ma anakan dikiꞌ masi gi duruꞌ.

Malkus 2:25

Tampung si Isa, “Uy, hantak bitsala bi, maat pabuwatan siga mulit ku meꞌ naa. Bong siꞌ ina bay bana ningkaam, labi na saꞌ maat bay pabuwatan Sultan Daud mattoꞌ. Yaꞌ gi kilay bay tabatsa bi njawom kitab bong oy bay pabuwat na ni bay jaman si Abiyatal panghuluꞌ imam? Saꞌ ba, pag kalingantuhan Sultan Daud ka ga soheꞌ na, lay ya bay paasok pa jawom langga boꞌ na mangan tinapay ma bay sinongan pa Tuhan? Sampay lay gi buwanan na siga soheꞌ na. Mingkan ilay siꞌ, tinapay meꞌ looy tagga ni saraꞌ kinakan leꞌ soysoy sarī man siga imam. Sugaꞌ san meꞌ looy, yaꞌ du bay dari man ga Sultan Daud ndusa.”

Lukas 21:23

Pag ilay mintu magkadarihan na meꞌ looy, tud kaluuy-luuy jama, awla na sagannap karandahan ma battong atawa ma anakan dikiꞌ masi gi duruꞌ. Mehe sina mintu kamalasahiyan ni sikaliput lahat tuu pag taabut na masa man bangsa tabi minulkaan.