Matiyu 21:15 - Sabahagiꞌ Kitab Tawrat: Panagnaan ni Awwal Jaman maka Kitab Injil

¹⁵ Sugaꞌ pag takita siga imam langkaw ka ga guru saraꞌ agama ndooy siga pakaradjaan kahaylan-haylan bay pabuwat si Isa, tud bay dugahan sila. Boꞌ lay gi magdaruhun duga da pag takale da siga anak-anak ni langga mehe howap lagi nohoꞌ pinudji panubuꞌ Sultan Daud.

Matiyu 21:15 ပူးပေါင်းရင်းမြစ်များ

Matiyu 20:24

Pag takale jaꞌ siꞌ tu meꞌ siga mulit si Isa ilooy ma sapū bay puhung si Yaꞌkub ka si Yahiya, tud bay dugahan sila.

Matiyu 21:23

Pag-anu, lay na baw si Isa pabeleng pa langga mehe boꞌ na nagnaꞌ noan jama ndooy. Sasang na ndooy, luu siga imam langkaw ka ga matatoa ni agama pasōng pa mman na, yuk da, “Soy doꞌ ina bay muwanan kau kapatut, taggahaꞌ ilu na ko pabasa-basa buwat kajinisan ni langga tuu?”

Matiyu 21:9

Kuwan baanan ga jama ma lumān ni duhuan si Isa sampay ilooy ma ni dambulihan na, maghowapan na pin, yuk da, “Pudji tabi panubuꞌ Sultan Daud! Sinupaatan jama naa ma pitu ni kawasa-kapatut Papuꞌ tabi Tuhan! Pudji tabi Tuhan ni sulgaꞌ!”

Matiyu 22:42

“Oy ina la bistahan bi pasal Almasi? Njawom kitab, panubuꞌ soy ya?” Tampung da, “Panubuꞌ Sultan Daud.”

Matiyu 26:3

Na sasang si Isa mitsala ni siga mulit na, kuwan ga imam langkaw ka ga matatoa ni agama lay kumpo ni lumaꞌ Imam Kayapas, yana panghuluꞌ imam.

Matiyu 26:59

Na kuwan siga imam langkaw ka mimon pagkahi da paki njawom baanan Sanhidrin, miha na pin saksiꞌ nohoꞌ mitnahan si Isa supaya tasohoꞌ da na pinapatoy.

Matiyu 27:1

Pag kallat subu, lay na isun siga imam langkaw ka ga matatoa ni agama bong pooy meꞌ si Isa kalabuan hukuman kapatoy.

Matiyu 27:20

Sugaꞌ meka jama ndooy inoyo-oyohan na pin meꞌ siga imam langkaw ka ga matatoa ni agama nohoꞌ mogos si Barabas pinōꞌ. Kuwan si Isa nohoꞌ na pinapatoy.

Matiyu 9:27

Pag lakka ga si Isa mandooy, luu na baw duwa lalla buta patuhut ngahowapan iya, yuk da, “Ū panubuꞌ Sultan Daud, panimbangan doꞌ kami.”

Malkus 11:18

Lay jaꞌ takale meꞌ siga imam langkaw ka ga guru saraꞌ agama bay bitsala si Isa siꞌ, tud bay dugahan sila. Dari miha na ga sila jalan man da mapatoy iya. Sugaꞌ hanggaw sila taggahaꞌ sinaggaꞌ na baw sila meꞌ baanan jama ndooy ma hangaꞌ na ni tōꞌ na.

Lukas 20:1

Pag-anu siꞌ, disu llaw sasang si Isa noan jama ni langga mehe sampay masaplag umanat mahap, luu siga imam langkaw ka ga guru saraꞌ agama sampay ga matatoa bay pasōng pa mman na.

Lukas 22:2

Kuwan siga imam langkaw ka ga guru saraꞌ agama baw, buwatan da isun miha jalan man da mapatoy si Isa sipuk-sipuk mari yaꞌ luu hiluhalaꞌ. Batan tawu sila ni ga baanan jama ndooy.

Lukas 22:66

Pag sayu, luu na kumpo-kumpo baanan ga pa-mmean agama ma ngantanan kapatut ngahukum inawnan Sanhidrin. Njawom baanan da, luu siga imam langkaw ka ga guru saraꞌ agama. Dari lay na si Isa binoo pa awpan da sinumariya.

Yahiya 11:57

Ngkon da halling meꞌ looy sabap siga imam langkaw ka ga Parisi bay nohoꞌ jama ndooy māꞌ bong luu bay ngita si Isa supaya tasungkub da na.

Yahiya 12:19

Na pag ndaꞌ siga Parisi meꞌ looy na, yuk da padisu-padisu, “Tud yaꞌ na bitu luu sōng bay sangsāꞌ tabi noan ga jama looy. Ndaun bi doꞌ ba pilay! Katis na jama junyaꞌ mmeꞌ niiya.”

Yahiya 4:1

Na song hallom, lay na baw kaakahan siga Parisi meka na jama mmeꞌ ni si Isa sampay lay na du pinandi meꞌ na. Boꞌ labi gi konoꞌ eka da man ni si Yahiya.

Yahiya 7:42

Saꞌ ba, yuk njawom kitab, Almasi konoꞌ panubuꞌ Sultan Daud maka lahil du ya ni Betlehem, kawum man Sultan Daud bay pinamaddihan?”