Matiyu 20:8 - Sabahagiꞌ Kitab Tawrat: Panagnaan ni Awwal Jaman maka Kitab Injil

⁸ “Pag sangom, yuk lalla looy ma dapu kabbun ni pa-mmean siga tindog na, ‘Sōn na pitu sila ma bay buwat. Gadjihan nu na. Sugaꞌ ilooy doꞌ ma dambuli paruhuun ginadjihan.’

Matiyu 20:8 ပူးပေါင်းရင်းမြစ်များ

Panagnaan 15:2

Pag tampung si Ibram, “Papuꞌ ku, oy lay la paluntungan takoleꞌ ku ni ladjikiꞌ ma dean nu bong ga meꞌ tuu yaꞌ san luu anak ku? Bong itu amu-amu meꞌ tuu karuha ku ngabut sampay ku matoy, ilooy du mintu kapusakahan mimon altaꞌ ku yana tindog ku si Eliyesel. Boꞌ bangsa sarī lagi ya, jama man Damaskus.”

Panagnaan 43:19

Dari luu jaꞌ siꞌ sila ni lawang lumaꞌ si Yusup, yuk da ni tindog looy ma magpandoy,

Matiyu 20:7

“Pag halling da, ‘Yaꞌ ba la kami nammu buwatan.’ “Dari yuk na ninsila, ‘Bong meꞌ looy, pilay na kam buwat ni kabbun ku.’

Matiyu 20:9

“Pag takka sagannap ma bay nagnaꞌ lisag lima kohap, lay sila binuwanan gadji halliꞌ dangallaw.

Matiyu 25:19

“Sōng hallom, luu na takka bōs looy. Pag-anu, lay na tawag na siga tindog na boꞌ da nohoꞌ māꞌ bong pooy meꞌ da bay buwat sīn na.

Matiyu 25:31

Yuk si Isa lagi, “Pag ina mintu takka Anak Manusiyaꞌ ni kaehe sahayaꞌ na haboyan mimon malaikat, ningkōꞌ na ya ni paningkoan kawasa-kapatut magsultan.

Lukas 10:7

Nnoy-nnoy lumaꞌ mman bi pahantiꞌ, patattog na jaꞌ kam ndooy. Daa na kam maghalin-halin. Maka oy-oy binotang ningkaam, daa na kam alang-kapalang mmeꞌ nginum mangan, batan ilooy ilay mintu tabilang na hasil bi. Ndang-ndang soysoy ina maghulas-sangsāꞌ, tawop du binuwanan oy-oy kulang niiya meꞌ sagannap ma bay tabangan na.

Lukas 12:42

Sugaꞌ bbuwatan Papuꞌ Isa baw, lay jaꞌ darahan na bitsala na, yuk na, “Soysoy ina ata patong mamiki sampay magkanaalla ni papuꞌ na, iya na sina pineneꞌ meꞌ papuꞌ na magtakōk ni siga pagkahi na ata. Maka iya na inasahan makan sila tuktuk waktu man mangan.

Lukas 8:3

Maka luu gi bay mmeꞌ si Jowanna, yana nda si Kusa ma tukang magmalim ni astanaꞌ Gubnul Herod. Maka luu gi si Susana sampay meka gi karandahan bay du mmeꞌ. Sila ilay bay nganggastusan si Isa ka ga mulit na ka sīn da dī da.

2 Korin 5:10

Batan ndang bay sina ginantaꞌ ningkitabi sikamimon pinaawop ni Almasi hinukum. Pag-anu, boꞌ tabi tinungbasan na sabapan mimon ma bay pabuwat tabi mahap-maat.

Taytus 1:7

Tiyap-tiyap pa-mmean ina, meꞌ halling sambat ku na siꞌ, subay yaꞌ luu sutsutan njataꞌ da. Tangge-tingkōꞌ da ndang subay sikatawop ka sila limbang Tuhan ngayaran siga sukuꞌ na. Subay yaꞌ langkaw atay da atawa pasuꞌ kōk da. Maka yaꞌ dari palalango. Subay sila yaꞌ bangis maka subay yaꞌ magnapsu mulakab ni sīn.

Hibrani 9:28

Damikiyan Almasi pun, sakayi du bay matoy mari tatanggung na dusa manusiyaꞌ. Pabeleng gi du ya ni sinōng, sugaꞌ saꞌ na maksud na mintu nanggung dusa. Arapun ilooy sa kon na lahil pabalik supaya tasalamat na sagannap ma ngagad ni katakka na.

1 Pitel 4:10

Na meꞌ kaam ina lay na kabuwanan jinisan kapandoyan bilang ladjikiꞌ man Tuhan, pakoyun bi na. Subay kam kanaalla sitabang-tabang makoy kapandoyan bay dean Tuhan ningkaam.