Matiyu 20:18 - Sabahagiꞌ Kitab Tawrat: Panagnaan ni Awwal Jaman maka Kitab Injil

¹⁸ Yuk na ninsila, “Pakale kam. Batnaa pilay na kitabi pa Jerusalem. Ndooy ilay mintu, sinungkuban na ku, Anak Manusiyaꞌ, boꞌ ku pina-ntan ni siga imam langkaw ka ga guru saraꞌ agama. Pus meꞌ looy, boꞌ ku binotangan hukuman kapatoy.

Matiyu 20:18 ပူးပေါင်းရင်းမြစ်များ

Matiyu 10:4

ka si Saymon ma bay pingkaꞌ ngatuhan parinta Rom. Maka luu gi si Judas Iskariyut ma bay muwan tipu-akka njataꞌ si Isa song hallom.

Matiyu 16:21

Na pus meꞌ looy, nagnaꞌ na baw si Isa mahati siga mulit na bong oy katuwaꞌ niiya ni sinōng. Yuk na, “Aku itu, talpaksaꞌ niyaku pilay na pa Jerusalem. Ndooy ilay mintu, subay ku natasan jinisan kabinsanaan meꞌ siga matatoa ni agama ka ga imam langkaw sampay ga guru saraꞌ agama, boꞌ pinapatoy lagi ku. Sugaꞌ pag ina mintu taabut ni katallu ngallaw, llum na du sina ku pabalik.”

Matiyu 26:2

“Ndang katoonan bi na du, njawom duwa ngallaw taabut na paballangan Ngalingkaꞌ. Ni waktu looy ilay mintu sinungkuban na Anak Manusiyaꞌ boꞌ llansang taꞌ tehang sampay matoy.”

Matiyu 26:66

Bong ningkaam, pooy bandingan bi?” Iya tampung da, “Subay bina ya pinapatoy.”

Matiyu 27:1

Pag kallat subu, lay na isun siga imam langkaw ka ga matatoa ni agama bong pooy meꞌ si Isa kalabuan hukuman kapatoy.

Lukas 22:71

Dari yuk da, “Uy, san bitu yaꞌ na tabi miha jama bay kasakup ni bitsala na pangka pa Tuhan. Ndang-ndang lai na du takale tabi pōꞌ man jawom behe na mismu.”

Salsila siga Rasul 2:23

Sugaꞌ san meꞌ looy, lay gi ya papatoy bi. Lay ya bay pa-ntan bi ni siga jama jahallis nohoꞌ nilansang taꞌ tehang. Kamasaꞌ, ilooy ilay siꞌ sikamimon ndang bay ginantaꞌ meꞌ Tuhan man maruhuꞌ-ruhuꞌ lagi man majatu garaꞌ na.