Matiyu 2:6 - Sabahagiꞌ Kitab Tawrat: Panagnaan ni Awwal Jaman maka Kitab Injil

⁶ ‘Kaam, siga jama Betlehem nnaa ni Yahudiya, minsan dikiꞌ kawum bi, pabantug du bbos-bbos sabap luu disu panghuluꞌ pōꞌ man naa, tukang ngayaran sukuꞌ ku bangsa Israil.’ ”

Matiyu 2:6 ပူးပေါင်းရင်းမြစ်များ

Panagnaan 49:10

Maka Juda, luu sina mintu siga panubuꞌ nu magsunuꞌ-sunuꞌ magsultan ni lahat tabi. Boꞌ luu gi sina mintu lahil panubuꞌ nu ilooy ma yaꞌ na kuhi labbos pagkasultan na saumu. Iya ina mintu yana sultan ma inasip meꞌ mimon kabangsa-bangsahan.

Matiyu 2:1

Na si Isa ilay bay pinamaddihan ni Betlehem ndooy ni Yahudiya jaman Sultan Herod marinta. Ni waktu looy du siꞌ, luu na baw takka pa Jerusalem siga lalla halul-akka lakka man lahat huwin pa mataallaw. Sila ilay tukang ngadjian potean.

Matiyu 28:18

Pag-anu, yuk si Isa ninsila, “Sikamimon kapatut ni sulgaꞌ sampay ni junyaꞌ lay na ndean aku.

Yahiya 21:16

Pag-anu siꞌ, lay na baw ya nilaw balik, “Saymon, anak si Yahiya, kaasean nu du ku kina?” Pag tampung si Pitel baw siꞌ tu, “Ohoꞌ Papuꞌ, katoonan nu du bina kaasean ta ko.” Yuk si Isa, “Bong meꞌ naa, ipatun sa paayad siga bili-bili ku.”

Yahiya 7:42

Saꞌ ba, yuk njawom kitab, Almasi konoꞌ panubuꞌ Sultan Daud maka lahil du ya ni Betlehem, kawum man Sultan Daud bay pinamaddihan?”

Epesus 1:22

Batan Almasi ilay bay inuwakilan meꞌ Tuhan magbayaꞌ ni mimon-mimon sampay magtakōk ningkitabi sikamimon ma pitsayaꞌ niiya,

Kolossa 1:18

Iya ina pa-mmean tabi sikamimon ma pitsayaꞌ niiya. Dari iya takōk tabi maka kitabi binilang baran na. Iya ina yana poonan kaallum tabi bahau. Maka iya bay duhuꞌ pinakallum pabalik ddas ka baran ma yaꞌ na kuhi matoy. Kon na meꞌ looy supaya tumatandaꞌ iya patingkat man mimon-mimon.

Siga Pakaradjaan bay Pinalahil 11:15

Pag-anu siꞌ, pasīng na baw malaikat looy ni kapituꞌ na niyup tabuliꞌ na. Pag pōꞌ halling na, ilooy ma luu siga suwara ngahowap ni sulgaꞌ, yuk da, “Labba man batnaa, yaꞌ na luu pamarinta manusiyaꞌ ni junyaꞌ, isu-isu pamarinta Papuꞌ tabi Tuhan ka ilooy ma bay peneꞌ na, yana Almasi. Boꞌ iya sa marinta saumu-umu.”

Siga Pakaradjaan bay Pinalahil 7:17

batan inipat sila meꞌ Bili-bili looy ma ni bihing paningkoan Tuhan. Binoo na sila meꞌ na pa siga poon boheꞌ ma muwan kaallum ma yaꞌ luu katapusan na. Maka puusan Tuhan na sina mimon boheꞌ mata da, hati na, yaꞌ na sila susa pabalik.”