Matiyu 2:4 - Sabahagiꞌ Kitab Tawrat: Panagnaan ni Awwal Jaman maka Kitab Injil

⁴ Dari lay tawag Sultan Herod siga imam langkaw ka ga guru saraꞌ agama. Luu jaꞌ siꞌ sila, tilaw Sultan Herod ninsila, “Meꞌ kaam jama lahal ni kitab, njawom tunaꞌ kanabi-nabihan, ninggai ilay konoꞌ man Almasi pinamaddihan, yana sultan ma inagad meꞌ bangsa bi?”

Matiyu 2:4 ပူးပေါင်းရင်းမြစ်များ

Matiyu 13:52

Pag-anu, yuk si Isa, “Soysoy ina guru lahal ni kitab kanabi-nabihan, boꞌ isbat na lagi tōꞌ ku pasal pamarinta Tuhan, sibuꞌ du ya ka jama dayahan. Bila ya magnasihat, dansusun du ya ka jama makitahan siga pagkahi na altaꞌ na ma bahau ka altaꞌ na man maruhuꞌ-ruhuꞌ lagi.”

Matiyu 2:3

Pag taaka meꞌ Sultan Herod luu na sultan bahau pinamaddihan, tud bay gundalaꞌ pamiki na sampay na mimon raayat ndooy ni Jerusalem.

Matiyu 2:5

Pag tampung da, “Ni kawum Betlehem ntuu du ni Yahudiya, batan ndang luu bay sinuwatan njawom kitab meꞌ Nabi Mayka, ilooy ma yuk Tuhan,

Matiyu 21:15

Sugaꞌ pag takita siga imam langkaw ka ga guru saraꞌ agama ndooy siga pakaradjaan kahaylan-haylan bay pabuwat si Isa, tud bay dugahan sila. Boꞌ lay gi magdaruhun duga da pag takale da siga anak-anak ni langga mehe howap lagi nohoꞌ pinudji panubuꞌ Sultan Daud.

Matiyu 21:23

Pag-anu, lay na baw si Isa pabeleng pa langga mehe boꞌ na nagnaꞌ noan jama ndooy. Sasang na ndooy, luu siga imam langkaw ka ga matatoa ni agama pasōng pa mman na, yuk da, “Soy doꞌ ina bay muwanan kau kapatut, taggahaꞌ ilu na ko pabasa-basa buwat kajinisan ni langga tuu?”

Matiyu 26:3

Na sasang si Isa mitsala ni siga mulit na, kuwan ga imam langkaw ka ga matatoa ni agama lay kumpo ni lumaꞌ Imam Kayapas, yana panghuluꞌ imam.

Matiyu 26:47

Yaꞌ gi siꞌ lupus si Isa mitsala, ilooy ma takka du si Judas, yana disu mulit ni ilooy ma sikasapu-duwa. Maka meka du jama bay boo na ddas ka kataliꞌ da maka takaka da. Sila siꞌ tu bay pilay nungkuban si Isa man panohoan siga imam langkaw ka ga matatoa ni agama.

Matiyu 27:1

Pag kallat subu, lay na isun siga imam langkaw ka ga matatoa ni agama bong pooy meꞌ si Isa kalabuan hukuman kapatoy.

Matiyu 7:29

Batan iya siꞌ nōꞌ, tumatandaꞌ luu kapatut na man Tuhan. Mehe pagbiddaan tōꞌ na ka tōꞌ siga guru saraꞌ agama.

Malkus 8:31

Na puwas mandooy, lay na baw si Isa mahati siga mulit na bong oy katuwaꞌ niiya ni sinōng, yuk na, “Ndang lay na situ ginantaꞌ niyaku, yana Anak Manusiyaꞌ, natasan jinisan kabinsanaan. Boꞌ tinuwak lagi ku meꞌ siga matatoa ni agama ka ga imam langkaw sampay ga guru saraꞌ agama. Maka pinapatoy lagi ku. Sugaꞌ pag ina mintu taabut ni katallu ngallaw, llum na du sina ku pabalik.”

Lukas 20:19

Na pag tabista meꞌ siga guru saraꞌ agama ka ga imam langkaw sila na siꞌ bay awnan si Isa panungguꞌ ni dalil looy siꞌ, kainagon da nungkuban iya. Sugaꞌ yaꞌ gi bay luu dapat da ngusik iya sabap hanggaw baw sila taggahaꞌ hiluhalaꞌ na baw baanan ga jama ndooy.

Lukas 23:10

Boꞌ luu na pin ndooy ga imam langkaw ka ga guru saraꞌ agama ngahowapan jinisan palkalaꞌ da njataꞌ si Isa.

Yahiya 18:3

Dari lay du si Judas luꞌ pilay moo baanan sundalu ka ga tukang jaga langga ma bay sinohoꞌ meꞌ siga imam langkaw ka ga Parisi. Sila siꞌ bay pilay ddas ka paliyatut da ka siga pakakas da.

Yahiya 3:10

Pag tampung si Isa, “Hati, kau disu guru langkaw ni bangsa Israil, yaꞌ lagi kina katoonan nu hāl meꞌ naa?

Yahiya 7:32

Pag lay tasayu meꞌ siga Parisi ga jama ndooy maghigung-higungan si Isa meꞌ looy, bbuwatan da ka ga imam langkaw ndooy lay nohoꞌ siga tukang jaga langga nungkuban si Isa.

Yahiya 8:3

Yaꞌ hallom, takka na baw baanan Parisi ka ga guru saraꞌ agama moo disu danda bay taabut magjina. Ndooy siꞌ, lay ya pinatangge ni awpan sikamimon.

Salsila siga Rasul 23:9

Dari magdaruhun na kalingogan ndooy sampay sipaspad na ga sila. Boꞌ luu na ga kasohean guru saraꞌ agama ma tabeꞌ du ni palhimpunan Parisi ngandapitan si Pol, yuk da, “Yaꞌ bina la luu kasaan lalla naa. Marean ta bana luu malaikat atawa disu rū bay malahil kabanahan niiya.”

Salsila siga Rasul 4:5

Pag sayu, luu na kumpo siga pa-mmean Yahudi ka ga matatoa ni agama sampay ga guru saraꞌ agama ndooy ni Jerusalem.

Salsila siga Rasul 6:12

Na sabap meꞌ looy, lasu na ga jama ndooy ni Jerusalem ka ga matatoa ni agama sampay ga guru saraꞌ agama. Dari lay na ga sinungkuban si Esteben sampay binoo pa awpan baanan Sanhidrin nohoꞌ hinukum.