Matiyu 2:23 - Sabahagiꞌ Kitab Tawrat: Panagnaan ni Awwal Jaman maka Kitab Injil

²³ Pag takka da ndooy, lay sila maglahat ni disu kawum inawnan Nasaret. Na sabap meꞌ looy, lay na binakbul bay tunaꞌ kanabi-nabihan pasal Almasi, ilooy ma yuk da, “Iya inawnan jama man Nasaret.”

Matiyu 2:23 ပူးပေါင်းရင်းမြစ်များ

Matiyu 1:22

Na pagka si Mariyam bay battong man kawasa Rū Sutsiꞌ, lay na binakbul palman Tuhan ni Nabi Isaya maruhuꞌ-ruhuꞌ, ilooy ma yuk Tuhan,

Matiyu 21:11

Pag tampung baanan jama ma ngahaboyan si Isa, “Iya na sina si Isa, nabi looy man Nasaret ndooy ni Jalil.”

Matiyu 26:71

Pag beleng na pa lawang haman looy, takita na baw ya meꞌ disu tindog danda sarī sambayan na māꞌ ni ga kasohean, “Lalla naa ina dansoheꞌ du ka si Isa, lalla looy man Nasaret.”

Malkus 1:24

“Aha! Kau na hati si Isa, lalla looy man Nasaret, hāꞌ? Manggoy ko pitu? Pakaat nu na baw kami? Katoonan ku du bina bong soy ko. Kau na sina ilooy ma Mahasutsiꞌ lakka man Tuhan.”

Malkus 1:9

Na luu disu llaw, sasang si Yahiya masi mandi jama, luu na baw takka si Isa pa Sōng Juldan lakka man Nasaret ndooy ni Jalil. Pag-anu siꞌ, lay ya nohoꞌ pinandi ni si Yahiya.

Lukas 1:26

Na pag taabut nnom buwan battong si Elisabet, lay na baw sohoꞌ Tuhan malaikat looy siꞌ, yana Jibrail, pilay pa disu kawum inawnan Nasaret ndooy ni Jalil.

Lukas 18:37

Pag bāꞌ jama, “Si Isa bilay pingkaꞌ, lalla looy man Nasaret.”

Lukas 2:39

Pag lupus si Yusup ka si Mariyam bay magtaat mean saraꞌ Tuhan, lay na sila moleꞌ pa Nasaret ndooy ni Jalil.

Yahiya 18:5

Pag tampung da, “Si Isa, lalla looy man Nasaret.” Yuk si Isa baw siꞌ tu, “Aku na bitu.” Na kuwan si Judas siꞌ tu ma bay nipu iya, luu na du nangge ni bihing baanan sundalu ndooy.

Yahiya 18:7

Pag-anu siꞌ, lay gi nusi si Isa, yuk na, “Soy lay siꞌ piha bi?” Pag halling da, “Si Isa ba, lalla looy man Nasaret.”

Yahiya 19:19

Maka luu gi suwat Gubnul Pilatu ni papan lay nohoꞌ llansang ni tehang si Isa pa jataꞌ man kōk na. Batsahan na, “Si Isa, lalla man Nasaret, Sultan bangsa Yahudi.”

Salsila siga Rasul 2:22

Na lupus jaꞌ siꞌ si Pitel bay maintoman sila palman looy siꞌ, yuk na, “Kaam, siga pagkahi ku bangsa Israil, pakalehun bi doꞌ bitsala ku. Paintoman ta doꞌ kam pasal si Isa, lalla looy man Nasaret ma bay pinapitu meꞌ Tuhan. Tuhan ilay bay mōꞌ buktiꞌ si Isa lakka man iya batan luu na pin ya nganggaosan iya buwat jinisan pabuwatan kahaylan-haylan ka sipat kawasa. Kaam pun ina, katoonan bi na du bana bitsala ku batan meka sipat kawasa bay pabuwat si Isa ni pag-awpan bi.

Salsila siga Rasul 24:5

“Na kon kami itu malkalaꞌ lalla naa ni awpan nu batan paninggai-paninggai jaꞌ ya, mōꞌ jaꞌ ya kalingogan. Boꞌ iya na sina poonan kahiluhalaan mehe ni bangsa kami Yahudi. Iya na sina disu pa-mmean ni baanan jama ma ngantanan agama bahau, yana baanan ma mmeꞌ ni tōꞌ disu lalla man Nasaret.