Matiyu 2:15 - Sabahagiꞌ Kitab Tawrat: Panagnaan ni Awwal Jaman maka Kitab Injil

¹⁵ Dari siꞌ, lay na doꞌ sila maglahat ndooy ni Ejip ngabut sampay lay na matoy Sultan Herod. Na pag taabut da lay na pabeleng pa bay lahat da, lay na binakbul palman ma bay sinuwatan meꞌ Nabi Hoseya, ilooy ma yuk Tuhan, “Lay na linganan ku Anak ku nohoꞌ lakka man Ejip.”

Matiyu 2:15 ပူးပေါင်းရင်းမြစ်များ

Matiyu 1:22

Na pagka si Mariyam bay battong man kawasa Rū Sutsiꞌ, lay na binakbul palman Tuhan ni Nabi Isaya maruhuꞌ-ruhuꞌ, ilooy ma yuk Tuhan,

Matiyu 2:14

Dari lay du bangun si Yusup sampay sangom looy du lay na boo na anak-anak looy maka nneꞌ na lahi pa Ejip.

Matiyu 2:17

Dari sabap meꞌ looy, lay na binakbul ilooy ma bay tinunaꞌ meꞌ Nabi Jeremaya njawom kitab, ilooy ma yuk na,

Matiyu 2:19

Na taabut Sultan Herod matoy, masi gi ga si Yusup ndooy ni Ejip. Pag-anu siꞌ, lay na baw balik si Yusup tinammuhan meꞌ malaikat Tuhan njawom upihan.

Matiyu 2:23

Pag takka da ndooy, lay sila maglahat ni disu kawum inawnan Nasaret. Na sabap meꞌ looy, lay na binakbul bay tunaꞌ kanabi-nabihan pasal Almasi, ilooy ma yuk da, “Iya inawnan jama man Nasaret.”

Matiyu 21:4

Dari lay jaꞌ siꞌ lumān ga mulit si Isa ilooy ma duwa, takita da na kuraꞌ looy ka anak na. Luu jaꞌ siꞌ bay taboo da pa mman si Isa, lay na inampihan meꞌ da anak kuraꞌ looy ka sammek boꞌ lay na bakuraꞌ si Isa. Dari lay na binakbul palman ma ndang bay sinuwatan meꞌ disu nabi, ilooy ma yuk na, “Baan nu siga jama ni Zayon, ‘Ndaun bi ba, alu na Sultan bi takka pa mman bi. Diyoꞌ sina pangatayan na. Iya ina takka bakuraꞌ taꞌ anak kuraꞌ jaꞌ.’ ”

Matiyu 26:54

Sugaꞌ bong itu ku nohoꞌ na baw tinabang, pooy gi baw meꞌ na binakbul tunaꞌ njawom kitab ma bay ginantaꞌ niyaku?”

Matiyu 26:56

Sugaꞌ biyahun na, nduwan jaꞌ sina kam supaya binakbul na siga tunaꞌ ma bay sinuwatan meꞌ kanabi-nabihan.” Pag-anu siꞌ, ilooy ma lay na ya pinasonsehan meꞌ siga mulit na sikamimon.

Matiyu 27:35

Pag-anu, lay na ya llansang taꞌ tehang. Kuwan pakayan na, lay na pinagsarī-sarī meꞌ siga sundalu boꞌ pinagkimbuan meꞌ da bong mamooy sukuꞌ ni dangan.

Matiyu 8:17

Sabap meꞌ looy, lay na binakbul ilooy ma bay tinunaꞌ meꞌ Nabi Isaya maruhuꞌ-ruhuꞌ, ilooy ma yuk na, “Lay tinanggung meꞌ na kasusahan tabi sampay lay ulian na siga saki tabi.”

Lukas 24:44

Pag lupus, yuk na, “Bay waktu tabi dambuwaꞌ, ndang bay kam baan ku meꞌ tuu: Saꞌ ba, yuk ku, mimon ma bay sinuwatan meꞌ Nabi Musa ka ga kanabi-nabihan ilooy kasohean sampay na njawom Kitab Jabul pasal aku talpaksaꞌ binakbul jaꞌ?”

Yahiya 19:28

Na si Isa siꞌ tu, katoonan na lupus na mimon pabuwatan ma bay sinukuꞌ niiya. Pag-anu yuk na, “Tohoꞌ la kallong ku.” Pag takale meꞌ siga sundalu halling na, lay sila ngingkotan sammek ni tōng kayu-kayu boꞌ tinalloban pa jawom pangannaan pannoꞌ leꞌ tubaꞌ anggul bahal. Pag-anu, boꞌ inangkat pa behe si Isa. Dari sabap meꞌ looy, lay na binakbul tunaꞌ njawom kitab pasal tubaꞌ anggul bahal ndean iya taabut na katohoan kallong.

Yahiya 19:36

Na sabapan bay kahalan si Isa meꞌ looy siꞌ, lay na binakbul tunaꞌ njawom kitab, ilooy ma yuk na, “Yaꞌ luu pōng san disu towang na.”

Salsila siga Rasul 1:16

“Siga danganakan, subay situ kitabi isun bong soy peneꞌ tabi gantiꞌ ni si Judas. Ndang katoonan bi na du, si Judas pun lay du pineneꞌ meꞌ si Isa binuwat rasul na sibuꞌ du ka kami. Boꞌ lay du ya tabeꞌ ni pabuwatan ma bay sinukuꞌ ningkami saliꞌ-saliꞌ. Sugaꞌ ndang katoonan bi na du, maruhuꞌ-ruhuꞌ Nabi Daud bay nunaꞌ njawom kitab man kapandoyan Rū Sutsiꞌ pasal disu lalla ma nipu Almasi ni sinōng. Na tiyap-tiyap tunaꞌ nabi ina, mastiꞌ binakbul jaꞌ. Boꞌ lai na du bana binakbul tunaꞌ looy siꞌ njataꞌ si Judas waktu na bay moo jama nungkuban si Isa.