Matiyu 2:14 - Sabahagiꞌ Kitab Tawrat: Panagnaan ni Awwal Jaman maka Kitab Injil

¹⁴ Dari lay du bangun si Yusup sampay sangom looy du lay na boo na anak-anak looy maka nneꞌ na lahi pa Ejip.

Matiyu 2:14 ပူးပေါင်းရင်းမြစ်များ

Matiyu 1:24

Dari pag batiꞌ si Yusup, lay du bean na bay halling malaikat looy niiya sampay lay na kawinan na si Mariyam.

Matiyu 2:13

Lay jaꞌ lakka ga lalla looy siꞌ ma halul-akka, lay na baw tinammuhan si Yusup meꞌ malaikat Tuhan njawom upihan, yuk na, “Sinohoꞌ na sina mintu meꞌ Sultan Herod siga sundalu na miha anak-anak naa supaya tapapatoy da. Bangun na ko! Boonun na anak-anak naa maka nneꞌ na lahi pa Ejip. Maglahat na doꞌ kam ndooy ngkod-ngkoran bi yaꞌ gi bay sohoꞌ ku pabeleng.”

Matiyu 2:15

Dari siꞌ, lay na doꞌ sila maglahat ndooy ni Ejip ngabut sampay lay na matoy Sultan Herod. Na pag taabut da lay na pabeleng pa bay lahat da, lay na binakbul palman ma bay sinuwatan meꞌ Nabi Hoseya, ilooy ma yuk Tuhan, “Lay na linganan ku Anak ku nohoꞌ lakka man Ejip.”

Lukas 8:24

Dari lay binatiꞌ meꞌ da si Isa, yuk da, “Tuwan! Ū Tuwan! Limbo na kitabi!” Dari siꞌ, ilooy ma bangun du ya, boꞌ sinohoꞌ meꞌ na baliyu looy sampay lamba na patagong. Dari siꞌ, sarunduun du banti baliyu looy ka lamba na sampay taddoꞌ na lahat.

Salsila siga Rasul 26:21

“Na Ampun Sultan, sabapan mimon bay tōꞌ ku siꞌ, ilooy na silay man siga pagkahi ku Yahudi bay nungkuban aku ni langga mehe sampay adak na ga ku papatoy da.