Matiyu 19:29 - Sabahagiꞌ Kitab Tawrat: Panagnaan ni Awwal Jaman maka Kitab Injil

²⁹ Maka soysoy ina bay ngambanan lumaꞌ na, siga danganakan na, induꞌ-mmaꞌ na, siga anak na, atawa tanaꞌ na supaya ya kapa-mmeꞌ niyaku, lipat min dahatus gi tungbas Tuhan niiya. Boꞌ na, koleꞌ gi ya kasampulnaan nyawa ma yaꞌ luu katapusan na.

Matiyu 19:29 ပူးပေါင်းရင်းမြစ်များ

Matiyu 10:22

Kaam ina mintu kinalammisan meꞌ jama ni mimon kalahat-lahatan sabap mmeꞌ kam niyaku. Sugaꞌ soysoy ina natas pangando na ngabut sampay pa katapusan, salamat jaꞌ ya.

Matiyu 13:23

“Boꞌ tanaꞌ looy ma mahap man bani looy bay sinaburan, tuwaꞌ pa sagannap ma bay kale umanat Tuhan, boꞌ tahati da sampay kinanna meꞌ da. Pag toklas na, jinisan kaayaran takita ni kaallum da. Kaayaran da ina, bong dalil ta pa tinanom, kasohean buwaꞌ lipat min tallumpūꞌ, kasohean lipat min nnompūꞌ, kuwan kasohean sampay lipat min dahatus.”

Matiyu 13:8

Kuwan kasohean bani lay tuwaꞌ ni tanaꞌ mahap. Dari siꞌ, mahap meꞌ da sulig sampay lay na buwaꞌ. Kasohean, eka buwaꞌ na njawom dampoon lipat min tallumpūꞌ, kasohean lipat min nnompūꞌ, kuwan kasohean, sampay lipat min dahatus.”

Matiyu 16:25

Soysoy ina yaꞌ mean kahandak na bong pin tabean na kahandak ku, mastiꞌ sampulnaꞌ jaꞌ nyawa na labba man junyaꞌ sampay pa ahirat. Sugaꞌ soysoy ina numbul satu niiya meꞌ na nulut dī na halloman na ntuu ni junyaꞌ, tiksaꞌ nyawa na saumu.

Matiyu 19:16

Yaꞌ gi hallom, luu na baw disu lalla pa mman si Isa, yuk na, “Tuwan Guru, oy tu la pabuwatan mahap subay pabuwat ku mari sampulnaꞌ nyawa ku saumu-umu?”

Matiyu 25:34

“Pag-anu, yuk Sultan ninsila ni kawnan na, ‘Kaam ina sikamimon sinupaatan meꞌ Mmaꞌ ku. Pitu kam. Timaun bi na mimon kaayaran ni pamarinta ma bay hinalliꞌ ningkaam man awwal tagnaꞌ lagi junyaꞌ bay pinapayak.

Matiyu 25:46

Pag-anu, yuk si Isa, “Na siga jama meꞌ looy ilay ma bay sabbut ku siꞌ dambuli, llakkahan na silay mintu sampay minulkaan saumu-umu. Boꞌ siga jama looy ma intong, binuwanan na kasampulnaan nyawa njawom okoman Tuhan saumu-umu.”

Matiyu 5:11

“Njawom supaat sina kaam ma pinadiyoꞌ, nilaugan sampay pinitnahan sabap meꞌ bi mmeꞌ niyaku.

Matiyu 6:33

Sangkon pakutuun bi na meꞌ bi mmeꞌ ni pamarinta Tuhan maka akigun bi kaintongan Tuhan. Basta ina inaa numbul satu ningkaam, malaingkan Tuhan sa muwanan kaam mimon ma kagunahan ningkaam.

Lukas 14:26

“Soysoy doman mmeꞌ niyaku, subay maasean aku labi man induꞌ-mmaꞌ na, labi man anak-nda na ka ga danganakan na. Maka minsan aseꞌ na ni dī na subay yaꞌ labi man aseꞌ na niyaku. Bong saꞌ meꞌ looy, yaꞌ ya dari mulit ku.

Lukas 5:11

Pag lay jaꞌ sinallaran meꞌ da ga bagung da, lay jaꞌ mbanan da ga kalangkapan da labbasakayi ni tapiyan, sampay lay na sila mmeꞌ ni si Isa.

Lukas 6:22

“Bong ina kam kinalammisan, tinuwak, pinadiyoꞌ sampay pinitnahan sabap meꞌ bi mmeꞌ niyaku, yana Anak Manusiyaꞌ, njawom supaat du sina kam.

Yahiya 15:19

Bong siꞌ baw kam ina masi dambuwaꞌ mukalnaꞌ ka sila, malaingkan kinaasean kam meꞌ da. Sugaꞌ pagka lay na kam pasakkat sabap meꞌ bi bay pineneꞌ meꞌ ku binuwat sukuꞌ ku, inaa na poonan man da lammis ningkaam.

Yahiya 4:36

Dari batnaa tu, taabut na waktu siga tukang ngattom koleꞌ hasil da. Hasil da ina, yana sagannap ma taboo da koleꞌ kasampulnaan nyawa saumu-umu. Dari labba man ilooy ma bay tanom sampay ilooy ma ngattom, gāk na sila saliꞌ-saliꞌ.

Salsila siga Rasul 9:16

Baan ku sa ya, mastiꞌ lumingkaꞌ jaꞌ sina ya mintu njawom jinisan kabinsanaan sabap meꞌ na masaplag pasal aku.”

1 Korin 2:9

Kahapan, sabapan kapatoy na, lay na bukisan Tuhan lawang man manusiyaꞌ koleꞌ jinisan supaat. Boꞌ magbēꞌ bana ka bay tunaꞌ njawom kitab, ilooy ma yuk na, “Luu siga supaat ma ndang bay hinalliꞌ meꞌ Tuhan ni sagannap ma maaseꞌ niiya. Siga supaat looy ilay yaꞌ gi bay pingkaꞌ takita maka yaꞌ gi bay takale sampay yaꞌ san bay taingat meꞌ pamiki manusiyaꞌ.”

2 Korin 5:16

Sangkon batnaa, pagka pakutuꞌ tabi na kahandak Almasi, yaꞌ na sibuꞌ meꞌ tabi manding jama ka bay jaman tabi yaꞌ gi pitsayaꞌ ni Almasi. Jaman looy ilay, sampay Almasi sarī du bandingan tabi niiya.

Pilipi 3:8

Sampay mimon-mimon, bilang ku na du yaꞌ na luu hagaꞌ na bong bista ku ka ehe hagaꞌ pagkalungbid ku ka Papuꞌ ku si Isa Almasi. Kalnaꞌ iya, lay na labbahan ku mimon ma bay hagaan niyaku maruhuꞌ. Meꞌ ku ngingat, mimon ilooy siꞌ boboꞌ jaꞌ. Kon meꞌ looy batan ituu na batnaa hagaan niyaku pasal meꞌ ku madara pagkalungbid ku ka Almasi.

1 Pitel 4:14

Bila kam pinadiyoꞌ-diyoꞌ sabap meꞌ bi pitsayaꞌ ni Almasi, njawom supaat kam sabap luu na pin Rū Sangat Kawasa nabangan kaam, yana Rū Tuhan ma bay pinatannaꞌ ningkaam.