Matiyu 19:21 - Sabahagiꞌ Kitab Tawrat: Panagnaan ni Awwal Jaman maka Kitab Injil

²¹ Yuk si Isa niiya, “Bong ko doman yaꞌ luu kulang nu pa Tuhan, moleꞌ na ko, paballihan nu na altaꞌ nu sikamimon boꞌ pagdeanun na jama miskin ballihan na. Bong siꞌ ina ko buwat meꞌ naa, luu na ladjikiꞌ nu mehe ni sulgaꞌ. Pag lupus, boꞌ nu pabeleng pitu mmeꞌ niyaku.”

Matiyu 19:21 ပူးပေါင်းရင်းမြစ်များ

Panagnaan 17:1

Pag taabut siyampuꞌ-siyam taun umu si Ibram, lay na baw ya tinammuhan meꞌ Papuꞌ pabalik. Yuk Papuꞌ niiya, “Aku na situ Tuhan Sangat Kawasa. Batnaa mōꞌ doꞌ ku pagsulutan ni antaraꞌ kau ka aku. Mmeꞌ jaꞌ ko ni kahandak ku maka buwat jaꞌ ko kaintongan, boꞌ nu buwanan ku panubuꞌ paeka banahan.”

Panagnaan 6:9

Na ituu batnaa yana salsila si Nū ka paglūng na. Iya ilay anakan tallu lalla, yana ga si Sem, si Ham, ka si Japet. Si Nū ilay jama intong, boꞌ lungbid lagi ka Tuhan. Ni mimon manusiyaꞌ taꞌ junyaꞌ jaman looy, isu-isu iya yaꞌ luu sutsutan njataꞌ na.

Matiyu 16:24

Pag-anu, yuk si Isa ni ga mulit na, “Soysoy doman mmeꞌ niyaku subay tikutan na kahandak na bong pin taduwan na jaꞌ kahandak ku. Subay atas na manangkit tehang halliꞌ man na nilansang, boꞌ na patuhut niyaku. Hati na, subay atas na lumingkaꞌ njawom jinisan katiksaan ka kabinsanaan kalnaꞌ aku san man na matoy, boꞌ na kapa-mmeꞌ niyaku.

Matiyu 19:20

Pag halling lalla looy, “Lay na bilay bogbogan ku panohoan looy siꞌ sikamimon. Oy na pin subay pabuwat ku?”

Matiyu 19:22

Pag takale meꞌ lalla looy panohoan si Isa, lay halin parasahan na sabap sēng ya ni altaꞌ na yaꞌ taambat. Dari lay na jaꞌ ya lakka ni kasusa na.

Matiyu 19:28

Yuk si Isa, “Baan ta kam banahan, pag ina mintu pinabahauwan na junyaꞌ, Anak Manusiyaꞌ itu mintu ningkōꞌ na ni tingkoan man na magsultan ni kaehe kawasa na. Kaam pun, siga mulit ku, pinatingkōꞌ na du kam mintu ni sapu-duwa tingkoan marintahan mimon panubuꞌ lakka man siga anak si Israil sikasapu-duwa.

Matiyu 4:19

Yuk si Isa ninsila, “Tu kam. Mmeꞌ na kam niyaku boꞌ bi toan ku bong pooy meꞌ ngalambat manusiyaꞌ.”

Matiyu 5:48

Sangkon, subay mahap gi man mahap arat-tabiat bi meꞌ karuha arat-tabiat Mmaꞌ bi Tuhan.”

Matiyu 8:22

Sugaꞌ yuk si Isa niiya, “Mmeꞌ na jaꞌ ko ba niyaku. Bbiyahun na ba sagannap ma matoy ngubu jama matoy.”

Matiyu 9:9

Pag lakka si Isa mandooy, lay ya ngita disu tukang ninga sukay ningkōꞌ ni upis na, awon na si Matiyu. Yuk si Isa niiya, “Tu ko. Mmeꞌ na ko niyaku.” Dari siꞌ, nangge na ya sampay lay na mmeꞌ ni si Isa.

Malkus 10:21

Na hangat si Isa ngandaꞌ lalla looy, ni kaehe aseꞌ na niiya, yuk na, “Sugaꞌ luu gi sina disu subay pabuwat nu mari yaꞌ na luu kulang nu. Moleꞌ na ko. Paballihan nu na altaꞌ nu boꞌ pagdeanun na jama miskin ballihan na. Bong siꞌ ina ko buwat meꞌ naa, luu na ladjikiꞌ nu mehe ni sulgaꞌ. Pag-lupus, boꞌ nu pabeleng pitu mmeꞌ niyaku.”

Malkus 2:14

Pag lakka si Isa mandooy, sasang na lumān, lay ya ngita disu tukang ninga sukay ningkōꞌ ni upis na. Awon na si Libay, anak si Alpiyus. Yuk si Isa niiya, “Tu ko. Mmeꞌ na ko niyaku.” Dari siꞌ, nangge na ya sampay lay na mmeꞌ ni si Isa.

Malkus 8:34

Pag-anu, lay na baw linganan si Isa baanan ga jama ndooy ka ga mulit na pa mman na boꞌ na halling, “Soysoy doman mmeꞌ niyaku subay tikutan na kahandak na bong pin taduwan na jaꞌ kahandak ku. Subay atas na manangkit tehang halliꞌ man na nilansang, boꞌ na patuhut niyaku. Hati na, subay atas na lumingkaꞌ njawom jinisan katiksaan ka kabinsanaan kalnaꞌ aku san man na matoy, boꞌ na kapa-mmeꞌ niyaku.

Lukas 12:33

Bong ina kam ngumpo altaꞌ ntuu ni junyaꞌ, adakala tatangkaw lagi meꞌ sugaru atawa tapakaat meꞌ bokeꞌ. Sangkon gam na kam maballihan altaꞌ bi boꞌ pagsarakahun bi ni siga jama miskin. Meꞌ looy ilay, sibuꞌ du kam ka ngumpo altaꞌ ni sulgaꞌ ma yaꞌ na kuhi lungay atawa katis saumu.

Lukas 14:33

Meꞌ naa du sina karuha bi bong kam doman mmeꞌ niyaku. Mastiꞌ subay pamikihan bi doꞌ duhuꞌ paayad bong takaya bi malungay mimon ma kinasengan meꞌ bi kalnaꞌ aku. Bong gantaan niyaꞌ du takaya bi, yaꞌ du kam dari mulit ku.”

Lukas 16:9

“Sangkon ituu jaꞌ meꞌ ku maka kaam: Pakoyun bi na altaꞌ bi ni junyaꞌ tuu man bi nulung pagkahi bi manusiyaꞌ. Ndang-ndang ina yaꞌ du taboo bi pa ahirat. Dari pag patoy bi, hinasi jaꞌ sina kam paayad ndooy ni sulgaꞌ.

Lukas 18:22

Yuk si Isa niiya, “Sugaꞌ luu gi sina disu subay pabuwat nu mari yaꞌ na luu kulang nu. Paballihan nu na altaꞌ nu sikamimon, boꞌ pagdeanun jama miskin ballihan na. Bong siꞌ ina ko buwat meꞌ naa, luu na ladjikiꞌ nu mehe ni sulgaꞌ. Pag lupus, boꞌ nu pabeleng pitu mmeꞌ niyaku.”

Lukas 5:27

Pag lakka si Isa mandooy, lay ya ngita disu tukang ninga sukay ningkōꞌ ni upis na, awon na si Libay. Yuk si Isa niiya, “Tu ko. Mmeꞌ na ko niyaku.”

Lukas 6:40

Sarī gi, bong luu mulit baguru ni guru awam, mastiꞌ kapandoyan na yaꞌ du lumabi man guru na. San ina lay na takoleꞌ na mimon kapandoyan guru na, sibuꞌ du kaawaman da.

Lukas 9:23

Pag-anu, yuk si Isa ni sikamimon jama ndooy, “Soysoy doman mmeꞌ niyaku subay tikutan na kahandak na bong pin taduwan na jaꞌ kahandak ku. Subay atas na manangkit tehang halliꞌ man na nilansang, boꞌ na patuhut niyaku. Hati na, llaw-llaw subay atas na lumingkaꞌ njawom jinisan katiksaan ka kabinsanaan kalnaꞌ aku san man na matoy, boꞌ na kapa-mmeꞌ niyaku.

Yahiya 10:27

Batan bong ina siga sukuꞌ ku, mastiꞌ pakale jaꞌ ni suwara ku. Lungbid kami ka sila maka mmeꞌ na jaꞌ sila niyaku.

Yahiya 12:26

Soysoy doman buwat kahandak ku, subay du nūs lān ku supaya nnoy-nnoy mman ku, ndooy du ya. Maka sagannap ma buwat kahandak ku, mastiꞌ pinaehe sina mintu meꞌ Mmaꞌ ku.”

Salsila siga Rasul 2:45

Kasohean lay gi maballihan tanaꞌ da ka altaꞌ da bong pin tahampitan da jaꞌ pagkahi da ma tiksaꞌ.

Hibrani 10:34

Maka lay gi kam nulung siga pagkahi bi ma njawom jīl. Minsan bay inagaw altaꞌ bi, yaꞌ du bay lungay kagakan bi. Batan tasayu bi na luu na siga supaat njataꞌ bi mas hagaan man altaꞌ ni junyaꞌ, boꞌ natas lagi saumu-umu.