Matiyu 19:14 - Sabahagiꞌ Kitab Tawrat: Panagnaan ni Awwal Jaman maka Kitab Injil

¹⁴ Pag ndaꞌ si Isa meꞌ looy, yuk na ni ga mulit na, “Pabiyahun bi na ba pitu siga anak-anak naa pa mman ku. Daa na saggongun bi, batan pamarinta Tuhan ina ndang para ni jama diyoꞌ pangatayan meꞌ karuha ga anak-anak naa.”

Matiyu 19:14 ပူးပေါင်းရင်းမြစ်များ

Panagnaan 21:4

Na pag taabut wawuꞌ ngallaw umu si Isahak, lay du ya bay inislam meꞌ si Ibrahim man na mean bay sohoꞌ Tuhan niiya.

Matiyu 11:25

Pus si Isa halling meꞌ looy, yuk na na baw pa Tuhan, “Maꞌ, meꞌ kau Papuꞌ mimon-mimon taꞌ gumi sampay taꞌ langit, magsuku ku ningkau. Batan kabanahan ma bay limbuhan nu ni siga jama ma milang dī da halul-akka ka lawom pangahati, palahil nu na ni jama ma kuhi tinoan meꞌ karuha anak-anak.

Matiyu 18:3

Pag-anu, yuk na, “Ddong na kam ba ngulihal meꞌ bi patingkat. Baan ta kam banahan, bong ina yaꞌ halin bi pamiki bi supaya diyoꞌ pangatayan bi meꞌ karuha anak-anak tuu, malaingkan yaꞌ kam kapatabeꞌ ni pamarinta Tuhan.

Matiyu 19:15

Pag-anu siꞌ, lay na tinappak meꞌ si Isa bumbunan ga anak-anak looy pinakuhan duwaa. Pag lupus, lay na si Isa lakka ka ga mulit na.

Matiyu 5:10

Njawom supaat sina sagannap ma nilaugan sabap meꞌ da mean kahandak Tuhan, batan kapasila na pamarinta Tuhan.

Matiyu 5:3

“Njawom supaat sina sagannap ma kabista tiksaꞌ nyawa da batan kapasila pamarinta Tuhan.

Malkus 10:14

Pag ndaꞌ si Isa meꞌ looy, lasu ya ni siga mulit na. Dari yuk na ninsila, “Pabiyahun bi na ba pitu siga anak-anak naa pa mman ku. Daa na saggongun bi, batan pamarinta Tuhan ina ndang para ni jama diyoꞌ pangatayan meꞌ karuha ga anak-anak naa.

Malkus 10:15

Baan ta kam banahan, bong ina pangando jama pa Tuhan saꞌ meꞌ karuha pangando anak-anak ni induꞌ-mmaꞌ na, malaingkan yaꞌ ya kapatabeꞌ ni pamarinta Tuhan.”

1 Korin 14:20

Siga danganakan, kaam ina ma bay kaladjikian mitsala ni siga pallun ag-agan, sibuꞌ du karuha bi ka anak-anak luu kuli-kulihan na bahau tud kinasengan meꞌ na. Sugaꞌ ddong na kam ngakig pamiki anak-anak. Akigun bi na siga matatoa patong pamiki da. Luu baw beꞌ disu pakaradjaan ma pataꞌ man bi ngantanan pamiki anak-anak dikiꞌ, yana hāl meꞌ da yaꞌ kapiki nulun-nulun kalaatan.