Matiyu 18:3 - Sabahagiꞌ Kitab Tawrat: Panagnaan ni Awwal Jaman maka Kitab Injil

³ Pag-anu, yuk na, “Ddong na kam ba ngulihal meꞌ bi patingkat. Baan ta kam banahan, bong ina yaꞌ halin bi pamiki bi supaya diyoꞌ pangatayan bi meꞌ karuha anak-anak tuu, malaingkan yaꞌ kam kapatabeꞌ ni pamarinta Tuhan.

Matiyu 18:3 ပူးပေါင်းရင်းမြစ်များ

Matiyu 13:15

Batan ni katohas kōk da, lay na sompong da tinga da maka lay na pakaddom da mata da. Bong siꞌ saꞌ meꞌ looy, mastiꞌ ngita na sila, kale sila sampay kahati sila. Boꞌ na, mastiꞌ nawbat jaꞌ sila, boꞌ taulian ku pangatayan da.’ ”

Matiyu 18:2

Pag lupus da nilaw, lay si Isa ngalinganan disu anak-anak pa mman na, boꞌ lay boo na pa tangngaan da.

Matiyu 18:4

Sugaꞌ soysoy ina magpadiyoꞌ sampay ngakig diyoꞌ pangatayan anak-anak tuu, iya na patingkat ni pamarinta Tuhan.

Matiyu 19:14

Pag ndaꞌ si Isa meꞌ looy, yuk na ni ga mulit na, “Pabiyahun bi na ba pitu siga anak-anak naa pa mman ku. Daa na saggongun bi, batan pamarinta Tuhan ina ndang para ni jama diyoꞌ pangatayan meꞌ karuha ga anak-anak naa.”

Matiyu 19:23

Pag-anu, yuk si Isa ni ga mulit na, “Baan ta kam banahan, awod sina jama dayahan tumabeꞌ ni pamarinta Tuhan.

Matiyu 5:18

Baan ta kam banahan, halloman itu luu gi gumi ka langit, bong inawnan saraꞌ Tuhan, yaꞌ sina luu tabaluba. San disu tumbuk atawa pun disu batang suwat siga saraꞌ, yaꞌ sina lungay ngkod-ngkoran yaꞌ gi bay magjatu garaꞌ Tuhan labbasakayi.

Matiyu 5:20

Baan ta kam banahan, yaꞌ sina kam tumabeꞌ ni pamarinta Tuhan bong yaꞌ lumabi kaintongan bi man ni siga Parisi ka ga guru saraꞌ agama.”

Matiyu 6:16

“Maka bila kam puwasa, daa na du kam ngakig jama ma magbawuꞌ-bawuꞌ jaꞌ sutsiꞌ. Jama meꞌ sila ilay, sigi-sigi ngaluraꞌ pilay-pitu man da magpasipat sila jama puwasa. Sugaꞌ baan ta kam banahan, pag taabut da takita meꞌ jama, ngkod looy du silay tungbas takoleꞌ da.

Matiyu 6:2

“Sangkon bila kam naraka ni jama miskin, daa na kam ngakig jama ma magbawuꞌ-bawuꞌ jaꞌ sutsiꞌ. Jama meꞌ looy ilay naraka du bong meka jama kumpo ni langga atawa ni mayran bong pin sila sinanglitan jaꞌ meꞌ manusiyaꞌ. Sugaꞌ baan ta kam banahan, pag taabut da sinanglitan meꞌ jama, ngkod looy du silay tungbas takoleꞌ da.

Matiyu 6:5

“Maka bila kam maku duwaa pa Tuhan, daa na du kam ngakig jama ma magbawuꞌ-bawuꞌ jaꞌ sutsiꞌ. Sila ina tigiꞌ maku duwaa bila meka na jama kumpo ni langga atawa ni mayran bong pin sila takita leꞌ manusiyaꞌ. Sugaꞌ baan ta kam banahan, pag taabut da takita meꞌ jama, ngkod looy du silay tungbas takoleꞌ da.

Malkus 4:12

Jama meꞌ sila ina, tuwaꞌ pa sila na bay halling njawom kitab, ilooy ma yuk na, ‘San ina sila ngandaꞌ, yaꞌ du sila kakila. San sila pakale, yaꞌ du sila kuhi kahati. Bong siꞌ ilay saꞌ meꞌ looy, mastiꞌ lay na bay tawbatan da dusa da boꞌ da inampun na meꞌ Tuhan.’ ”

Lukas 13:24

“Pamarinta Tuhan ina tadalil pa disu lumaꞌ ma kiput lawang na. Subay pagbuli-bulihan bi na paasok man lawang looy. Meka na sina mintu jama miha lawang sarī, sugaꞌ yaꞌ luu dapat da paasok.

Lukas 22:32

Boꞌ kau na sina Saymon tiniluꞌ banahan meꞌ na. Kamasaꞌ lay na du silay siꞌ ko pakuhan ku duwaa supaya yaꞌ lungay pangando nu niyaku. Sugaꞌ san meꞌ looy, masi du sina ku tikutan nu samantalaꞌ. Sugaꞌ pag lay jaꞌ ko ina mintu nawbat sampay pabeleng pa mman ku, paintoman nu sa siga danganakan nu mari pataggu iman da.”

Yahiya 3:3

Pag halling si Isa, “Baan ta ko banahan, yaꞌ sina luu kapatabeꞌ ni pamarinta Tuhan bong yaꞌ doꞌ bay duhuꞌ pinamaddihan pabalik.”

Yahiya 3:5

Pag tampung si Isa, “Baan ta ko banahan, yaꞌ sina jama kapatabeꞌ ni pamarinta Tuhan bong yaꞌ doꞌ duhuꞌ bay pinamaddihan meꞌ boheꞌ ka Rū Sutsiꞌ.

Salsila siga Rasul 14:22

Ni siga daira looy siꞌ, bbuwatan da mataggu iman siga sukuꞌ si Isa sampay muwansangan sila yaꞌ nohoꞌ ngalabbahan pangando da ni Papuꞌ Isa. Maka lay gi sila maintoman sila ndooy, yuk da, “Mastiꞌ luu jaꞌ sina jinisan katiksaan talingkaꞌ tabi boꞌ tabi nakka pa jawom pamarinta Tuhan ni sulgaꞌ.”

Salsila siga Rasul 28:27

Ngkon na ilay meꞌ looy sabap tohas kōk da. Sibuꞌ du karuha da ka jama lay na sompong da tinga da maka lay na pakaddom da mata da. Bong siꞌ saꞌ meꞌ looy, mastiꞌ ngita jaꞌ sila, kale sila sampay kahati sila. Boꞌ na, mastiꞌ nawbat jaꞌ sila, boꞌ taulian ku pangatayan da.’ ”

Salsila siga Rasul 3:19

Sangkon, nawbat na kam boꞌ bi lillaꞌ na pa Tuhan supaya pinuwasan na dusa bi.

1 Korin 14:20

Siga danganakan, kaam ina ma bay kaladjikian mitsala ni siga pallun ag-agan, sibuꞌ du karuha bi ka anak-anak luu kuli-kulihan na bahau tud kinasengan meꞌ na. Sugaꞌ ddong na kam ngakig pamiki anak-anak. Akigun bi na siga matatoa patong pamiki da. Luu baw beꞌ disu pakaradjaan ma pataꞌ man bi ngantanan pamiki anak-anak dikiꞌ, yana hāl meꞌ da yaꞌ kapiki nulun-nulun kalaatan.

1 Pitel 2:2

Pagka lay na takissa bi kaayaran Tuhan, kannahun bi na palman na. Yana meꞌ anak-anak bahau pinamaddihan magkainagon ni boheꞌ duruꞌ, kaam pun subay du meꞌ naa kainagon bi ni palman Tuhan. Batan palman Tuhan ina balanjaꞌ pulnaꞌ para ni nyawa bi. Sangkon kannahun bi na supaya magsasōng na pin meꞌ bi ngikut arat-tabiat Tuhan ngabut sampay magjatu na kasalamatan bi.

2 Pitel 1:11

Boꞌ na, hinasi na sina kam mintu paayad pa jawom sulgaꞌ, ndooy man Papuꞌ tabi si Isa Almasi, yana tukang nalamat kitabi, magsultan saumu-umu.