Matiyu 18:15 - Sabahagiꞌ Kitab Tawrat: Panagnaan ni Awwal Jaman maka Kitab Injil

¹⁵ Pag-anu, yuk si Isa lagi, “Bong luu disu jama ma pitsayaꞌ niyaku bay buwat maat ningkau, pilay ko pa mman na. Baan nu ya bong oy kasaan na. Sugaꞌ subay duwang-duwangan jaꞌ kam. Bong ina ya pakale sampay mangaku sāꞌ na, malaingkan sikahāp na sina kam pabalik.

Matiyu 18:15 ပူးပေါင်းရင်းမြစ်များ

Matiyu 18:14

Damikiyan, meꞌ naa du sina parasahan Mmaꞌ bi ni sulgaꞌ. Yaꞌ du ya doman minsan disu jama meꞌ anak-anak tuu lungay man jawom okoman na sampay man na binasa.”

Matiyu 18:21

Pag-anu siꞌ, lay na baw pasōng si Pitel pa mman si Isa nilaw, yuk na, “Tuwan, subay ilay min dangoy ampun ku pagkahi ku bong ya amu-amu buwat dusa niyaku? Sukup na kilay min pituꞌ?”

Matiyu 18:35

Damikiyan,” yuk si Isa, “meꞌ naa du sina meꞌ Mmaꞌ ku ni sulgaꞌ buwat kaam bong kam yaꞌ ngampun siga pagkahi bi ni kahilas atay bi.”

Suwat si Pol pa mman Baanan Sukuꞌ si Isa ndooy ni Rom 12:21

Daa kam kuhi takoleꞌ kinawum meꞌ kalaatan, arapun buwat jaꞌ kam kaayaran man bi nalloban kalaatan.

1 Korin 8:12

Sangkon subay tasayu bi, bong ina kaam poonan danganakan bi ma kulang pangahati buwat ilooy ma kanna na tagga pa Tuhan, saꞌ silay sat danganakan bi man bi ndusa, arapun sampay ni Almasi.

2 Korin 7:12

Aku ilay bay nuwat ningkaam, saꞌ du sat kalnaꞌ lalla looy ma bay buwat dusa atawa jama looy man na bay ndusa. Arapun ngkon ku ilay bay nuwat, ilu na Tuhan pakale-kale, supaya tabista bi na ehe aseꞌ kami ningkaam.

Galatiya 6:1

Siga danganakan, bong luu nnaa disu pagkahi bi sukuꞌ si Isa bay taboo-boo buwat dusa, kuwan kaam ma tattap mean Rū Sutsiꞌ, subay kam maintoman iya kawu-kawu ya takoleꞌ bi pinaintong. Sugaꞌ subay hanunut-hanunut meꞌ bi mitsalahan iya. Maka ilagan bi dī bi, taggahaꞌ kaam na baw mintu takoleꞌ sinasat.

Kolossa 3:13

Intong na, subay kam pandoy natasan salla arat pagkahi bi. Bong luu pagsaggaan bi ka pagkahi bi, siampun-ampun kam. Intomun bi, kaam pun ina, lay du kam bay inampun meꞌ Papuꞌ. Dari sapatut na, subay du kam ngampun.

1 Tesaloneka 4:6

Daa kam buwat dusa ni siga pagkahi bi, labi na hāl jina. Saꞌ ba, ndang lay na kam bandaan kami, soysoy ina buwat meꞌ naa, mastiꞌ pinidjalaꞌ jaꞌ meꞌ Tuhan.

2 Tesaloneka 3:15

Daa jaꞌ baw sila pabuwatun bi subay ga banta bi. Arapun paintoman bi sadjaꞌ sila. Ndang-ndang danganakan bi du sila njawman si Isa.

Taytus 3:10

Bong luu njawom baanan bi tigiꞌ mōꞌ pagsaggaan, sohoun patagong. Bong min duwa na sila bay sinaggong, boꞌ amu-amu yaꞌ ngasip, daa na kam palamud ninsila.

1 Pitel 3:1

Na kuwan kaam karandahan, subay kam maglillaꞌ ni lla bi. Meꞌ naa ina, san sawpama lla bi nuwak umanat mahap pasal si Isa, balangkali taboo bi na sila pitsayaꞌ sabapan hāp arat-tabiat bi. Minsan ina kam yaꞌ na mitsalahan sila, kawu-kawu pitsayaꞌ na du sila ni si Isa