Matiyu 18:10 - Sabahagiꞌ Kitab Tawrat: Panagnaan ni Awwal Jaman maka Kitab Injil

¹⁰ “Paayad-ayad kam taggahaꞌ meꞌ bi mista yaꞌ puntukan disu anak-anak meꞌ tuu. Batan baan ta kam banahan, luu sina siga malaikat para ninsila wā ni awpan Mmaꞌ ku ni sulgaꞌ.”

Matiyu 18:10 ပူးပေါင်းရင်းမြစ်များ

Matiyu 1:20

Hangat na mamiki, lay ya kapatuli. Pag-anu, lay na ga ya tinammuhan meꞌ malaikat Tuhan njawom upihan. Yuk malaikat looy niiya, “Yusup, panubuꞌ Sultan Daud, daa ko alang-kapalang ngawinan si Mariyam sabap iya ina bay battong man kawasa Rū Sutsiꞌ.

Matiyu 12:20

Manimbang ya ni jama ma kaluuy-luuy. Nabang ya jama ma yaꞌ luu pag-asa da. Yaꞌ ya patagong ngkod-ngkoran yaꞌ gi tumanjataꞌ kaintongan ni sikaliput junyaꞌ.

Matiyu 18:14

Damikiyan, meꞌ naa du sina parasahan Mmaꞌ bi ni sulgaꞌ. Yaꞌ du ya doman minsan disu jama meꞌ anak-anak tuu lungay man jawom okoman na sampay man na binasa.”

Matiyu 18:6

Sugaꞌ soysoy ina buwat oy maka oy na ma kalangkat ni pangando anak-anak meꞌ tuu ma pitsayaꞌ niyaku, gam na bay ginantungan kallong na ka batu mehe, boꞌ na llabuhan ni tangngaꞌ sallang.

Matiyu 2:13

Lay jaꞌ lakka ga lalla looy siꞌ ma halul-akka, lay na baw tinammuhan si Yusup meꞌ malaikat Tuhan njawom upihan, yuk na, “Sinohoꞌ na sina mintu meꞌ Sultan Herod siga sundalu na miha anak-anak naa supaya tapapatoy da. Bangun na ko! Boonun na anak-anak naa maka nneꞌ na lahi pa Ejip. Maglahat na doꞌ kam ndooy ngkod-ngkoran bi yaꞌ gi bay sohoꞌ ku pabeleng.”

Matiyu 2:19

Na taabut Sultan Herod matoy, masi gi ga si Yusup ndooy ni Ejip. Pag-anu siꞌ, lay na baw balik si Yusup tinammuhan meꞌ malaikat Tuhan njawom upihan.

Matiyu 24:31

Ni waktu ilooy du ilay mintu, luu pōꞌ halling tabuliꞌ tiniyup pahaddo. Ilooy ilay mintu sinyal para siga malaikat Anak Manusiyaꞌ pōꞌ na ngumpo mimon manusiyaꞌ ma sukuꞌ na. Pag-anu, boꞌ da ngalataan sika-mpat pidju alam ngumpo sila.”

Lukas 1:19

Tampung malaikat looy, “Aku itu Jibrail. Wā ku ni awpan Tuhan ngagad-ngagad sohoꞌ na. Iya silay siꞌ bay nohoꞌ aku pitu masampay umanat mahap tuu siꞌ pa mman nu.

Lukas 10:16

“Na kuwan kaam siga mulit ku, soysoy ina mintu ngahasi bitsala bi, saliꞌ du sila ka bay ngahasi bitsala ku. Soysoy nuwak kaam, saliꞌ du ka aku bay tuwak da. Maka soysoy nuwak aku, saliꞌ du sila ka nuwak ilooy ma bay mapitu aku.”

Lukas 16:22

“Na song hallom, lay na matoy si Lasarus sampay lay na ya binoo meꞌ siga malaikat magdambuwaꞌ ka Nabi Ibrahim ndooy ni ahirat. Yaꞌ hallom, lay na du matoy sawraga looy sampay lay na kinubu.

Salsila siga Rasul 10:3

Na disu kohap ga lisag tallu, lay si Kolniliyus pinakitahan pandapat meꞌ Tuhan. Njawom pandapat na, ngita ya disu malaikat pasōng pa mman na sambayan na ngingan, yuk na, “Ū Kolniliyus.”

Salsila siga Rasul 12:15

Dari yuk da ni danda looy, “Uy, yaꞌ bitu ko kasayu!” Sugaꞌ amu-amu ya māꞌ, “Ē, tud iya na bilay siꞌ.” Iya halling da baw siꞌ tu, “Mura sina malaikat na.”

Salsila siga Rasul 12:23

Dari sabap Sultan Herod kuhi-kuhi jaꞌ pinudji saula-ula iya disu tuhan, sarunduun du ya llabuan mulkaꞌ meꞌ malaikat man Tuhan. Dari inuwot na ga baran na sampay lay na ya matoy.

Salsila siga Rasul 27:23

Ngkon ku tu kabāꞌ meꞌ tuu batan dabuhiꞌ, luu malaikat bay patammu niyaku. Lay ya sinohoꞌ pa mman ku meꞌ Tuhan, ilooy ma sumba ku saltaꞌ na ma dapu baran ku.

Salsila siga Rasul 5:19

Sugaꞌ pag sangom, luu disu malaikat Papuꞌ lay mukisan ga lawang jīl looy, boꞌ na moo ga rasul looy pa poan. Pag-anu siꞌ, yuk na ninsila,

Suwat si Pol pa mman Baanan Sukuꞌ si Isa ndooy ni Rom 14:10

Sangkon ddong na kitabi nahawi mbuwaꞌ danganakan tabi sukuꞌ si Isa. Yaꞌ sikatuwaꞌ bong diyoꞌ meꞌ tabi ngandaꞌ sila. Indanan bi. Luu sina mintu masa tabi sikamimon siawop ka Tuhan hinukum.

Suwat si Pol pa mman Baanan Sukuꞌ si Isa ndooy ni Rom 14:21

Sangkon, bong inawnan mangan lawuk, nginum tubaꞌ anggul, atawa buwat oy maka oy na, bong gantaꞌ man danganakan tabi ndusa, gam na yaꞌ pabuwat tabi.

Suwat si Pol pa mman Baanan Sukuꞌ si Isa ndooy ni Rom 15:1

Na kitabi itu ma basag pangando tabi, sapatut na, subay takissa tabi parasahan siga danganakan tabi ma kulang pangahati, ma yaꞌ gi basag pangando da. Maka subay sila pinasensiya meꞌ tabi ni kasaan pamiki da. Daa subay na pin kahandak tabi jaꞌ duwan tabi.

1 Korin 11:22

Subay siꞌ sagannap ma doman magpaasso, ndang mangan na doꞌ sila ni lumaꞌ. Bong siꞌ ilay bean bi meꞌ looy, malaingkan yaꞌ na kam buwat siga pagkahi bi sukuꞌ Tuhan subay ga jama yaꞌ luu hagaꞌ na. Bong ina luu pagkahi bi yaꞌ san bay kaambanan, saꞌ ga bina oy, tud yaꞌ luu maltabat bi ninsila. Yaꞌ na ku la pandoy bong pooy lagi meꞌ ku mitsalahan kaam. Tud yaꞌ sina kam pataꞌ sinanglitan meꞌ ku bila kam buwat meꞌ naa.

1 Korin 16:11

Sangkon subay ya pag-aratan bi. Maka pag lakka na man lahat bi, tulungun bi sa ya supaya sannang pamiki na lān na pitu pa mman ku. Iya ilay ka siga danganakan tabi ma soheꞌ na ndang inagad meꞌ ku.

1 Korin 9:22

Maka bila ku njawom siga sukuꞌ si Isa ma kulang gi pangahati da pasal kasumunsayaan da njawman si Isa, pabiya ku na doꞌ kasumunsayaan ku bong pin pakale jaꞌ sila ni bitsala ku. Dari meꞌ halling sambat ku na siꞌ, san gi oy ntan jama atawa bangsa da, atas ku mmeꞌ meꞌ uwahan da bong pin luu jaꞌ taboo ku pa jawom kasalamatan.

2 Korin 10:1

Na baꞌ-bāꞌ kasohean nnaa, bahani jaꞌ ku bong njawom suwat man katāhan, sugaꞌ bong ni pag-awpan, tammon jaꞌ ku konoꞌ. Maka baꞌ-bāꞌ kasohean nnaa, ilooy du mehe ningkami meꞌ kami nganduwan napsu kami. Sugaꞌ aku tu, akig ku na doꞌ arat-tabiat Almasi meꞌ ku nganjunjung ningkaam. Sangkon magpadiyoꞌ na doꞌ ku maka hanunut-hanunut mitsalahan kaam. Junjung ku na ningkaam, ilagan bi man ku talpaksaꞌ mōꞌ bahani ku naggong sagannap ma māꞌ nganduwan jaꞌ kami napsu kami.

2 Korin 10:10

Batan baꞌ-bāꞌ bi kasohean nnaa, bong njawom suwat, bantuk bahani ku nahawi ka naggong, sugaꞌ bong ni pag-awpan, lammaꞌ gi ku konoꞌ man obak maka yaꞌ du meꞌ noy pintal ku mitsala.

Galatiya 6:1

Siga danganakan, bong luu nnaa disu pagkahi bi sukuꞌ si Isa bay taboo-boo buwat dusa, kuwan kaam ma tattap mean Rū Sutsiꞌ, subay kam maintoman iya kawu-kawu ya takoleꞌ bi pinaintong. Sugaꞌ subay hanunut-hanunut meꞌ bi mitsalahan iya. Maka ilagan bi dī bi, taggahaꞌ kaam na baw mintu takoleꞌ sinasat.

1 Tesaloneka 4:8

Na bong luu kam nnaa nuwak tōꞌ tuu siꞌ pasal kasutsian, saꞌ ga silay tōꞌ manusiyaꞌ tuwak bi, arapun iya tuwak bi Tuhan mismu, batan iya bay ngandean Rū Sutsiꞌ ningkitabi supaya kitabi sutsiꞌ.

1 Timuti 4:12

Timuti, daa ko loman nōꞌ bong sabagay luu nnaa nahawi kau sukat yaꞌ gi sangkad umu nu. Gam pin buwat na pin ko suntuan ayad ni mimon sukuꞌ si Isa nnaa. Pakitahan nu sila kawul-piil ayad ka aseꞌ. Maka subay tumatandaꞌ kasutsian nu ka basag pangando nu ni si Isa.

Hibrani 1:14

Boꞌ siga malaikat ina sosohoan Tuhan sadjaꞌ sinohoꞌ ngayaran mimon manusiyaꞌ ma koleꞌ kasalamatan man Tuhan.

Hibrani 9:24

Sangkon na ilay lahaꞌ Almasi na bay tumpa. Pag-anu, lay na ya paasok pa jawom sulgaꞌ. Pag batnaa, ndooy na ya ni awpan Tuhan kalnaꞌ kitabi. Yaꞌ na ya bay paasok ni langga bay pinatangge meꞌ manusiyaꞌ meꞌ ilooy ma bay asok panghuluꞌ imam mattoꞌ. Batan langga looy ilay sipat sadjaꞌ ni Lugar Pinakasutsiꞌ ni sulgaꞌ.

Siga Pakaradjaan bay Pinalahil 8:2

Pag-anu siꞌ, ngita na baw ku pituꞌ malaikat, yana sikapituꞌ malaikat ma ndang luu nangge ni awpan Tuhan. Boꞌ lay gi sila binuwanan tabuliꞌ saliꞌ-saliꞌ.