Matiyu 17:3 - Sabahagiꞌ Kitab Tawrat: Panagnaan ni Awwal Jaman maka Kitab Injil

³ Maka pag ndaꞌ ga mulit na, luu na tulun duwa nabi mattoꞌ magbitsala ka si Isa, yana Nabi Musa ka Nabi Eliyas.

Matiyu 17:3 ပူးပေါင်းရင်းမြစ်များ

Matiyu 17:2

Lay jaꞌ siꞌ sila ndooy, ilooy ma halin na bantuk si Isa ni awpan da. Sahayaꞌ luwa na meꞌ mataallaw na sampay pakayan na lay na ga papoteꞌ malaas na maka nahayaꞌ na.

Matiyu 17:4

Dari halling si Pitel ni si Isa, “Tuwan, tud kahapan la luu kami ntuu. Bong ko doman, buwatan ta na kam bawung-bawung tallu ntuu, disu ningkau, disu ni Nabi Musa, ka disu ni Nabi Eliyas.”

Malkus 9:4

Maka pag ndaꞌ ga mulit na, luu na tulun duwa jama mattoꞌ magbitsala ka si Isa, yana Nabi Eliyas maka Nabi Musa.

Lukas 1:17

Luu na pin sina mintu kawasa Rū Sutsiꞌ njataꞌ na meꞌ bay karuha kawasa njataꞌ Nabi Eliyas. Maka anak nu ina mintu paruhuꞌ man Papuꞌ manyap ni katakka na. Man sabapan tōꞌ anak nu, pinagsidambuwaꞌ atay na sina mintu siga mmaꞌ ka ga anak da. Maka sabapan tōꞌ anak nu ina mintu, meka na jama ma yaꞌ kuhi ngasip ni kahandak Tuhan, taboo na na ngikut pamiki jama intong tawhid da. Dari meka na jama saddiya ni katakka Papuꞌ.”

Lukas 16:16

Yuk si Isa lagi, “Na halloman yaꞌ gi bay pōꞌ si Yahiya ma Tukang Mandi, bohoꞌ saraꞌ Nabi Musa sampay na mimon suwat kanabi-nabihan bay pinasaplag. Sugaꞌ labba man jaman si Yahiya ngabut sampay batnaa, luu na umanat mahap pasal pamarinta Tuhan pinasaplag. Maka manusiyaꞌ sikamimon, pinagbuli-bulihan na binoo paasok pa jawom okoman pamarinta na.

Lukas 24:27

Pag-anu, lay gi pinassaꞌ meꞌ si Isa ninsila hatiyan siga suwat njawom kitab ma tuwaꞌ pa iya, labba man suwat Nabi Musa sampay mimon suwat kanabi-nabihan kasohean.

Lukas 24:44

Pag lupus, yuk na, “Bay waktu tabi dambuwaꞌ, ndang bay kam baan ku meꞌ tuu: Saꞌ ba, yuk ku, mimon ma bay sinuwatan meꞌ Nabi Musa ka ga kanabi-nabihan ilooy kasohean sampay na njawom Kitab Jabul pasal aku talpaksaꞌ binakbul jaꞌ?”

Lukas 9:33

Dak jaꞌ siꞌ lakka Nabi Musa ka Nabi Eliyas, yuk si Pitel ni si Isa, “Tuwan, kahapan luu kami la ntuu. Bong anu, buwatan kami doꞌ kam bawung-bawung tallu, disu ningkau, disu ni Nabi Musa ka disu ni Nabi Eliyas.” Na ngkon si Pitel bay mitsala meꞌ looy sabap yaꞌ na katoon-toonan na bong oy pataꞌ halling na ninsila.

Yahiya 1:17

Maruhuꞌ, bay pamuwan Tuhan yana saraꞌ ma bay pinasampay meꞌ Nabi Musa. Pag batnaa, ilooy na baw pamuwan na yana aseꞌ ka kabanahan pinasampay meꞌ si Isa Almasi.